Dasyam Vinaybhaskar | క్రీడల ద్వారా యువతలో పోరాట స్ఫూర్తి : దాస్యం వినయ్‌భాస్కర్‌

Dasyam Vinaybhaskar | క్రీడలు యువతలో పోరాట పటిమను పెంపొందిస్తాయని బీఆర్‌ఎస్ హనుమకొండ జిల్లా అధ్యక్షుడు దాస్యం వినయ్‌భాస్కర్‌ అన్నారు. 

హనుమకొండ చౌరస్తా : క్రీడలు యువతలో పోరాట పటిమను ( Fighting spirit ) పెంపొందిస్తాయని బీఆర్‌ఎస్ హనుమకొండ జిల్లా అధ్యక్షుడు దాస్యం వినయ్‌భాస్కర్‌ (Dasyam Vinaybhaskar) అన్నారు. కాకతీయ క్రికెట్‌ అకాడమీ ఆధ్వర్యంలో తెలంగాణ తొలి ముఖ్యమంత్రి, రాష్ట్ర సాధకుడు కల్వకుంట్ల చంద్రశేఖర్‌రావు జన్మదినాన్ని పురస్కరించుకుని నిర్వహిస్తున్న కేసీఆర్‌ క్రికెట్‌ కప్‌ 2026 -8వ సీజన్‌ గురువారం ఆర్ట్స్​‍ కాలేజీ గ్రౌండ్‌లో ఘనంగా ప్రారంభమైంది.

ఈ కార్యక్రమానికి ముఖ్యఅతిథిగా పాల్గొన్న వినయ్‌భాస్కర్‌ పోటీలను ప్రారంభించి క్రీడాకారులను పరిచయం చేసుకున్నారు. అనంతరం బౌలింగ్‌, బ్యాటింగ్‌ చేసి టోర్నమెంట్స్​‍ను ప్రారంభించారు.ఈ సందర్భంగా ఆయన మాట్లాడుతూ తెలంగాణ రాష్ర్ట సాధనలో కేసీఆర్‌ పాత్ర అపూర్వమని కొనియాడారు.

క్రీడలు యువతకు క్రమశిక్షణ, ఐక్యత, నాయకత్వ లక్షణాలు నేర్పుతాయని, గ్రామీణ, కిందిస్థాయిలో ఉన్న ప్రతిభావంతులైన యువక్రీడాకారులను వెలికితీసి వారికి వేదిక కల్పించాలనే లక్ష్యంతో ఈ టోర్నమెంట్‌ నిర్వహించడం అభినందనీయమన్నారు. కార్యక్రమంలో కుడా మాజీ చైర్మన్‌ మర్రి యాదవ్‌రెడ్డి, నిర్వాహకులు షాకీర్‌, అస్లాం, వీరు, సిరాజ్‌, రాజేష్‌, రాంబాబు, కార్పొరేటర్లు, డివిజన్‌ ప్రెసిడెంట్‌, మాజీ కార్పొరేటర్లు, క్రీడాసంఘాల ప్రతినిధులు, యువకులు, విద్యార్థులు, క్రీడాభిమానులు పాల్గొన్నారు.