కాంగ్రెస్‌ తల్లి వద్దు.. తెలంగాణ తల్లి ముద్దు..
కాంగ్రెస్‌ ప్రభుత్వం తెలంగాణ తల్లి విగ్రహాన్ని మార్పు చేసి సచివాలయంలో ప్రతిష్ఠించడంపై ఉమ్మడి వరంగల్‌ జిల్లా వ్యాప్తంగా బీఆర్‌ఎస్‌ మాజీ ప్రజాప్రతినిధులు, నాయకులు, తెలంగాణవాదులు భగ్గుమన్నారు.
- సచివాలయంలో విగ్రహం మార్పుపై భగ్గుమన్న బీఆర్‌ఎస్‌
- ఉమ్మడి జిల్లా వ్యాప్తంగా తెలంగాణ తల్లి విగ్రహాలు, ఫ్లెక్సీలకు క్షీరాభిషేకం
- పాల్గొన్న మాజీ ఎమ్మెల్యేలు నన్నపునేని, రాజయ్య, శంకర్‌నాయక్‌, రెడ్యానాయక్‌
- సీఎం రేవంత్‌రెడ్డి కక్షపూరిత వైఖరిపై మండిపాటు
- తెలంగాణ అస్థిత్వాన్ని ప్రశ్నార్థకం చేస్తున్నారంటూ ఆగ్రహం
కాంగ్రెస్‌ ప్రభుత్వం తెలంగాణ తల్లి విగ్రహాన్ని మార్పు చేసి సచివాలయంలో ప్రతిష్ఠించడంపై ఉమ్మడి వరంగల్‌ జిల్లా వ్యాప్తంగా బీఆర్‌ఎస్‌ మాజీ ప్రజాప్రతినిధులు, నాయకులు, తెలంగాణవాదులు భగ్గుమన్నారు. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పిలుపు మేరకు తెలంగాణ తల్లి విగ్రహాలు, ఫ్లెక్సీలకు మంగళవారం క్షీరాభిషేకం చేసి పెద్ద ఎత్తున నిరసన తెలిపారు. ఈ సందర్భంగా ‘కాంగ్రెస్‌ తల్లి వద్దు.. తెలంగాణ తల్లి ముద్దు’ అంటూ నినాదాలు చేశారు. సీఎం రేవంత్‌రెడ్డి ప్రభుత్వం సాగిస్తున్న కక్షపూరిత చర్యలను ఖండించారు. తెలంగాణ అస్థిత్వాన్ని ప్రశ్నార్థకం చేస్తున్నారంటూ ఆగ్రహం వ్యక్తం చేశారు. ‘తెలంగాణ వచ్చుడో.. కేసీఆర్‌ సచ్చుడో’ అనే నినాదంతో ఉద్యమనేత కేసీఆర్‌ ఆమరణ నిరాహార దీక్షకు దిగడంతోనే ఆనాడు యూపీఏ ప్రభుత్వం దిగొచ్చి రాష్ట్ర ఏర్పాటు ప్రక్రియను ప్రారంభించిందని గుర్తు చేశారు.
– నమస్తే నెట్‌వర్క్‌, డిసెంబర్‌ 10
మరిపెడ : తెలంగాణ తల్లి చిత్రపటానికి క్షీరాభిషేకం చేస్తున్న డోర్నకల్‌ మాజీ ఎమ్మెల్యే రెడ్యానాయక్‌
భూపాలపల్లిలోని తెలంగాణ తల్లి విగ్రహానికి పంచామృతాభిషేకం చేసి నినాదాలు ఇస్తున్న బీఆర్‌ఎస్‌ శ్రేణులు
మహబూబాబాద్‌ రూరల్‌ : తెలంగాణ తల్లి విగ్రహానికి క్షీరాభిషేకం చేస్తున్న మాజీ ఎమ్మెల్యే శంకర్‌ నాయక్‌, బీఆర్‌ఎస్‌ నాయకులు
హనుమకొండ: బీఆర్‌ఎస్‌ జిల్లా కార్యాలయంలో తెలంగాణ తల్లి విగ్రహానికి క్షీరాభిషేకం చేస్తున్న బీఆర్‌ఎస్వీ నాయకులు
- ఖిలావరంగల్‌లోని తెలంగాణ తల్లి విగ్రహానికి మాజీ ఎమ్మెల్యే నన్నపునేని నరేందర్‌ క్షీరాభిషేకం చేశారు. కాంగ్రెస్‌ తల్లిని, ప్రభుత్వాన్ని గాంధీభవన్‌కు పరిమితం చేసే రోజులు దగ్గరపడ్డాయని హెచ్చరించారు.
- లింగాలఘనపురం మండల కేంద్రంలోని తెలంగాణ తల్లి విగ్రహానికి మాజీ ఎమ్మెల్యే డాక్టర్‌ తాటికొండ రాజయ్య పాలాభిషేకం చేశారు. విగ్రహం రూపురేఖలు మార్చడం సీఎం రేవంత్‌రెడ్డి తుగ్లక్‌ పాలనకు పరాకాష్ట అని మండిపడ్డారు.
- మానుకోటలోని బీఆర్‌ఎస్‌ జిల్లా కార్యాలయంలో తెలంగాణ తల్లి విగ్రహానికి మాజీ ఎమ్మెల్యే బానోత్‌ శంకర్‌నాయక్‌ క్షీరాభిషేకం చేశారు. కేసీఆర్‌ హయాంలో రాష్ట్రంలోని అన్ని వర్గాల ప్రజలకు అనేక పథకాలు అందించారని, సీఎం రేవంత్‌రెడ్డి ఏ ఒక్క హామీని అమలు చేయలేదన్నారు.
- మరిపెడ మండల కేంద్రంలో డోర్నకల్‌ మాజీ ఎమ్మెల్యే ధరంసోత్‌ రెడ్యానాయక్‌ తెలంగాణ తల్లి చిత్రపటానికి క్షీరాభిషేకం చేశారు. ఎందరో మహానుభావుల మేధస్సుతో రూపొందించిన విగ్రహాన్ని మార్చిన సీఎం రేవంత్‌రెడ్డి తెలంగాణ అస్థిత్వాన్ని ప్రశ్నార్థకం చేశారన్నారు.
- జయశంకర్‌ భూపాలపల్లి జిల్లా కేంద్రంలోని తెలంగాణ తల్లి విగ్రహానికి మున్సిపల్‌ చైర్‌పర్సన్‌ సెగ్గం వెంకటరాణీ సిద్ధు, బీఆర్‌ఎస్‌ అర్బన్‌ అధ్యక్షుడు కటకం జనార్దన్‌ పంచామృతాలతో అభిషేకం చేశారు. సీఎం రేవంత్‌రెడ్డి రాష్ట్రంలో విధ్వంస పాలన కొనసాగిస్తున్నాడని మండిపడ్డారు.
- హనుమకొండ బీఆర్‌ఎస్‌ జిల్లా కార్యాలయంలోని తెలంగాణ తల్లి విగ్రహానికి బీఆర్‌ఎస్వీ రాష్ట్ర ప్రధాన కార్యదర్శి శరత్‌చంద్ర, జిల్లా కోఆర్డినేటర్‌ రాకేశ్‌యాదవ్‌ క్షీరాభిషేకం చేశారు. సీఎం రేవంత్‌రెడ్డి మార్పును పాలనలో చూపాలని, పేర్లు, విగ్రహాలను మార్చడంలో కాదని హితవు పలికారు.
- జనగామ ఆర్టీసీ చౌరస్తాలో తెలంగాణ తల్లి ఫ్లెక్సీకి మున్సిపల్‌ చైర్‌పర్సన్‌ పోకల జమున, కౌన్సిలర్లు క్షీరాభిషేకం చేశారు. కేసీఆర్‌ రాష్ర్టాన్ని అన్ని రంగాల్లో అభివృద్ధి చేస్తే కాంగ్రెస్‌ ప్రభుత్వం కక్షపూరితంగా వ్యవహరిస్తూ నాశనం చేస్తున్నదని ఆగ్రహం వ్యక్తం చేశారు.
- ములుగు బీఆర్‌ఎస్‌ భవన్‌లో తెలంగాణ తల్లి చిత్రపటానికి బీఆర్‌ఎస్‌ మండలాధ్యక్షుడు పాలెపు శ్రీనివాస్‌, గ్రంథాలయ సంస్థ మాజీ చైర్మన్‌ పోరిక గోవింద్‌నాయక్‌ క్షీరాభిషేకం చేశారు. రాష్ట్ర సచివాలయం ఎదుట బతుకమ్మలేని కొత్త విగ్రహాన్ని ఆవిష్కరించడం సిగ్గుచేటన్నారు.
Read Today's Latest Warangal-rural News in Telugu and Telugu News
- Follow Us :
-
