వేసవిలో తాగునీటి ఎద్దడి ఉండొద్దు
వేసవిలో తాగునీటి ఎద్దడి ఉండొద్దని, ఒకవేళ సమస్య ఉత్ఫన్నమైతే సంబంధిత అధికారులపై తగిన చర్యలు తీసుకుంటామని భూపాలల్లి కలెక్టర్ భవేశ్ మిశ్రా అధికారులను హెచ్చరించారు.
- సమస్యలు రాకుండా చర్యలు చేపట్టాలి
- లేకుంటే చర్యలు తప్పవు
- భూపాలపల్లి కలెక్టర్ భవేశ్ మిశ్రా
భూపాలపల్లి రూరల్, మార్చి 15 : వేసవిలో తాగునీటి ఎద్దడి ఉండొద్దని, ఒకవేళ సమస్య ఉత్ఫన్నమైతే సంబంధిత అధికారులపై తగిన చర్యలు తీసుకుంటామని భూపాలల్లి కలెక్టర్ భవేశ్ మిశ్రా అధికారులను హెచ్చరించారు. శుక్రవారం కలెక్టరేట్ నుంచి మండల ప్రత్యేకాధికారులు, ఎంపీడీవోలు, ఆర్డబ్ల్యూఎస్, మిషన్ భగీరథ ఇంజినీరింగ్ అధికారులు, గ్రామ పం చాయతీ కార్యదర్శులతో వీడియో కాన్ఫరెన్స్ నిర్వహించారు. ఈ సందర్భంగా కలెక్టర్ మాట్లాడుతూ గ్రామ పంచాయతీల్లో నీటి సరఫరాపై నిరంతర పర్యవేక్షణ ఉండాలని, ఏవైనా సమస్యలు వస్తే యుద్ధ ప్రాతిపదికన పరిష్కరించాలన్నారు. పైపులైన్ లీకేజీల మరమ్మతులు, నూతన పైపులైన్ల ఏర్పాటుకు ప్రభుత్వం రూ. 3.91 కోట్లు మంజూరు చేసిందని తెలిపారు. గ్రామాల్లో నీటి సమస్య ఏర్పడితే సంబంధిత ఎంపీడీవో పూర్తి బాధ్యత వహించాల్సి ఉంటుందన్నారు.
నివేదికలు అందజేయడంలో నిర్లక్ష్యం వహించిన మల్హర్ ఎంపీడీవోకు షోకాజ్ నోటీసులు జారీ చేయాలని జడ్పీ సీఈవోను ఆదేశించారు. క్షేత్ర స్థాయిలో అధికారులు పర్యటించి తాగునీటిపై నివేదికలు అందజేయాలని, తప్పుడు సమాచారం ఇస్తే శాఖా పరమైన చర్యలు తీసుకుంటామని హెచ్చరించారు. అన్ని ప్రభుత్వ, సంక్షేమ వసతి గృహాల్లో తాగునీటి సరఫరాకు చర్యలు చేపట్టాలని కలెక్టర్ సూచించారు. వీడియో కాన్ఫరెన్స్లో అదనపు కలెక్టర్ వెంకటేశ్వర్లు, అసిస్టెంట్ కలెక్టర్ ఉమాశంకర్ప్రసాద్, జడ్పీ సీఈవో విజయలక్ష్మి, ఆర్డబ్ల్యూఎస్ ఈఈ నిర్మల, సీపీవో సామ్యూల్, డీపీవో నారాయణరావు, అధికారులు పాల్గొన్నారు.
తాగు నీరు, విద్యుత్ సమస్యలు లేకుండా చూడాలి: ములుగు కలెక్టర్ ఇలా త్రిపాఠి
మంగపేట : వేసవిని దృష్టిలో ఉంచుకొని మూడు నెలల పాటు గ్రామాల్లో ప్రజలకు తాగునీరు, విద్యుత్ సరఫరాల్లో ఎలాంటి ఇబ్బందులు లేకుండా చూడాలని కలెక్టర్ ఇలా త్రిపాఠి అధికారులను ఆదేశించారు. మంగపేట రైతు వేదికలో శుక్రవారం ఆమె అదనపు కలెక్టర్ పీ శ్రీజతో కలిసి తాగు నీరు, విద్యుత్ సరఫరాపై సమీక్ష నిర్వహించారు. ఈ సందర్భంగా మాట్లాడుతూ గ్రామ పంచాయతీ, మిషన్ భగీరథ, ట్రాన్స్కో విభాగాల అధికారులు బాధ్యతాయుతంగా పనిచేయాలన్నారు. పైప్లైన్లు, ట్యాంకుల వద్ద లీకేజీలు ఉంటే సత్వరమే మరమ్మతులు చేయించాలని ఆదేశించారు. అవసరం ఉన్నచోట హ్యాండ్ పంపులు, బోర్ వెల్ ద్వారా నీటిని అందించే ఏర్పాట్లు చేయాలన్నారు.
విద్యుత్ స మస్య రాకుండా ముందే జాగ్రత్తలు తీసుకోవాలని ట్రాన్స్కో అధికారులను ఆదేశించారు. శానిటేషన్పై ప్రత్యేక దృష్టి కేంద్రీకరించాలన్నారు. అలాగే ఎంపీడీవో కార్యాలయంలో పోషణపక్షం కార్యక్రమం నిర్వహించగా కలెక్టర్ హాజరయ్యారు. బాలింతలు, గర్భిణుల ఆరోగ్య పరిస్థితులను అడిగి తెలుసుకున్నారు. పది మంది గర్భిణులకు సీమంతం చేశారు. సమావేశంలో ఆర్డబ్ల్యూఎస్ సీఈ శ్రీనివాస్, ఎస్ఈ మల్లేశ్, ఈఈ మాణిక్యరావు, మండల ప్రత్యేక అధికారి తుల రవి, డీడబ్ల్యూవో స్వర్ణలత, ఎంపీడీవో కృష్ణప్రసాద్, తహసీల్దార్ వీరస్వామి, ఏవో చేరాలు, సూపరింటెండెంట్ ఆలేటి సుదర్శన్, నాయబ్ తహసీల్దార్ మలేశ్వర్రావు, ఎంపీవో మమత, సీడీపీవో హేమలత, సూపర్వైజర్లు చంద్రకళ, ఇమ్మాన్యుయేల్, కమల, కల్పన, ప్రత్యేక అధికారులు, పంచాయతీ కార్యదర్శులు పాల్గొన్నారు.
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
IND vs NZ | కివీస్పై భారత్ సంచలన విజయం.. ఏడేళ్ల రికార్డు బద్దలు!
Dhanush | మమ్ముట్టిపై నా అభిప్రాయం పూర్తిగా మారిపోయింది.. మెగాస్టార్పై ధనుష్ ప్రశంసలు!
Dear Astronaut | అంతరిక్షయాన కల నెరవేర్చేందుకు తండ్రి సాహసం.. ఆకట్టుకుంటున్న ‘డియర్ ఆస్ట్రోనాట్’ ట్రైలర్
Health tips | మీ డైట్లో బీట్రూట్ ఉంటే ఆరోగ్యానికి ఎంత మేలో తెలుసా..?
Panchayat elections | ఏపీలో తొలిదశ పంచాయతీ ఎన్నికలకు కొనసాగుతున్న నామినేషన్లు
ట్రెండింగ్ వార్తలు
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!

