మల్చింగ్తో.. మస్తు దిగుబడి
ఉద్యాన సాగులో మల్చింగ్తో రైతుల ప్రయోజనాలకు మరో మైలురాయి.. ముఖ్యంగా పంటలను సాగుచేసే రైతులు అధికారుల సలహాలు, సూచనల మేరకు మల్చింగ్ పద్ధతిని ఎంచుకుంటున్నారు. దీని వల్ల రైతులకు కలుపు నివారణ మందులు చల్లడం, కలుపు తీయడం వంటి ఎలాంటి ఖర్చులుండవు.
- సాధారణం కంటే 30శాతం అదనం.. ఆసక్తి చూపుతున్న రైతాంగం
జయశంకర్ భూపాలపల్లి, జనవరి 3(నమస్తే తెలంగాణ) : ఉద్యాన సాగులో మల్చింగ్తో రైతుల ప్రయోజనాలకు మరో మైలురాయి.. ముఖ్యంగా పంటలను సాగుచేసే రైతులు అధికారుల సలహాలు, సూచనల మేరకు మల్చింగ్ పద్ధతిని ఎంచుకుంటున్నారు. దీని వల్ల రైతులకు కలుపు నివారణ మందులు చల్లడం, కలుపు తీయడం వంటి ఎలాంటి ఖర్చులుండవు. ఒక ఎకరంలో మల్చింగ్ పద్ధతిలో పంటలను సాగు చేసేందుకు సుమారు రూ.12వేల వరకు ఖర్చవుతుంది. ఆ తర్వాత విత్తనాలు విత్తిన నాటి నుంచి పూర్తిగా పంట ఎండిపోయే వరకు ఎలాంటి కలుపు నివారణ పనులు చేయాల్సిన అవసరం లేదు. రైతులు మామూలుగా పండించే పంటల కంటే మల్చింగ్ పద్ధతితో 30 శాతం అధికంగా సాగు చేసుకోవచ్చని ఉద్యాన శాఖాధికారులు చెబుతున్నారు.
విధానం..
ఈ పద్ధతిలో 25, 60, 50, 75, 100 మైక్రాన్ల మందం కలిగిన ప్లాస్టిక్ షీట్ను పూలు, పండ్ల తోటలతో పాటు కూరగాయల మొక్కల పొరలు బోదెలపై కప్పి ఉంచాలి. పండ్ల తోటలకు 75 నుంచి 100 మైక్రాన్లు, పూలు, పండ్ల తోటలు ఇతర స్వల్పకాలిక పంటలకు 25, 30, 50 మైక్రాన్ల షీట్లను వినియోగిస్తారు. ఈ పద్ధతిలో సాగు చేసేందుకు హెక్టారుకు రూ.35 వేలు ఖర్చ వుతుంది. పంటలను సాగు చేసుకునేందుకు రైతు పొలం చదును చేసిన తరువాత విత్తనాలు విత్తే సమయంలో మల్చింగ్ కవర్ను తీసుకొని ముందుగా పొలంలో ప్రతి మల్చింగ్ కవర్కు నాలుగు ఫీట్ల దూరం ఉండే విధంగా ఏర్పాటు చేసుకోవాలి. తర్వాత డ్రిప్పు ద్వారా పంటకు నీరు చేరే సమీపంలో విత్తనాన్ని విత్తే ప్రదేశంలో మల్చింగ్ కవర్కు చిన్న రంధ్రం ఏర్పాటుచేసి అందులో విత్తనానికి విత్తనానికి మధ్య సుమారు 60 సెంటీమీటర్ల దూరం ఉండేలా విత్తాలి. ఇలా ఏర్పాటు చేసిన మల్చింగ్ కవర్ ద్వారా సుమారు మూడు సార్లు అదే ప్రదేశంలో విత్తనాన్ని విత్తుకొని పంటలను సాగు చేసుకోవచ్చని వ్యవసాయాధికారులు రైతులకు తెలియజేస్తున్నారు.
ప్రయోజనాలు..
- 30 నుంచి 80 శాతం సాగుకు నీరు ఆదా అవుతుంది.
- 70 నుంచి 90 శాతం కలుపు మొక్కల బెడద తగ్గించుకోవచ్చు.
- ఎరువులు వృథా కాకుండా సమర్థవంతంగా మొక్కలకు అందుతుంది.
- వ్యవసాయ కూలీల ఖర్చు తగ్గింపు.
- వేరు భాగంలో అనుకూలమైన వాతావరణం పెంచి వేరు వ్యవస్థ వృద్ధికి తోడ్పడుతుంది.
- వర్షాల కారణంగా మట్టి కొట్టుకుపోకుండా కాపాడుతుంది.
- విత్తనం మొలకెత్తేందుకు అనుకూలమైన వాతావరణం పెంచుతుంది.
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

