ఇంగ్లీష్‌లో అన‌ర్గ‌ళంగా మాట్లాడుతున్న మ‌హిళా బెగ్గ‌ర్.. వీడియో వైర‌ల్‌

ఇంగ్లీష్‌లో అన‌ర్గ‌ళంగా మాట్లాడుతున్న మ‌హిళా బెగ్గ‌ర్ | ఇంగ్లీష్‌లో అన‌ర్గ‌ళంగా మాట్లాడ‌టం అంటే మామూలు విష‌యం కాదు. ఇంగ్లీష్ మీద ఎంతో ప‌ట్టు ఉంటే కానీ.. అది సాధ్యం కాదు.

November 21, 2021 / 08:34 PM IST

ఇంగ్లీష్‌లో అన‌ర్గ‌ళంగా మాట్లాడుతున్న మ‌హిళా బెగ్గ‌ర్.. వీడియో వైర‌ల్‌

ఇంగ్లీష్‌లో అన‌ర్గ‌ళంగా మాట్లాడ‌టం అంటే మామూలు విష‌యం కాదు. ఇంగ్లీష్ మీద ఎంతో ప‌ట్టు ఉంటే కానీ.. అది సాధ్యం కాదు. అలాగే.. చిన్న‌ప్ప‌టి నుంచి ఇంగ్లీష్ మీడియంలో చ‌దిన‌వాళ్లు ఇంగ్లీష్ మీద మంచి ప‌ట్టు సాధిస్తారు. మ‌రికొంద‌రు.. స్పోకెన్ ఇంగ్లీష్ క్లాస్‌ల‌కు వెళ్ల‌డం, ఇంగ్లీష్ పేప‌ర్లు చ‌దివి.. బాగా నేర్చుకుంటారు.

అయితే.. ఓ మ‌హిళా బెగ్గ‌ర్.. ఇంగ్లీష్‌లో అన‌ర్గ‌ళంగా మాట్లాడుతోంది. దీంతో అక్క‌డున్న స్థానికులు బిత్త‌ర‌పోయాడు. ఒక బెగ్గ‌ర్.. అంత ప‌ర్‌ఫెక్ట్‌గా ఇంగ్లీష్ మాట్లాడ‌టం ఏంట‌ని ఆశ్చ‌ర్య‌పోతున్నారు. యూపీలోని వార‌ణాసికి చెందిన స్వాతి అనే బెగ్గ‌ర్ ఇంగ్లీష్‌లో అన‌ర్గ‌ళంగా మాట్లాడుతున్న వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.

సౌత్ ఇండియాకు చెందిన స్వాతికి పెళ్ల‌యి ఓ బాబు కూడా ఉన్నాడ‌ట‌. త‌న డెలివ‌రీ స‌మ‌యంలో త‌న కుడి కాలు, కుడి చేతికి పెరాల‌సిస్ వ‌చ్చి న‌డ‌వ‌లేని స్థితికి చేరుకుంద‌ట‌. దీంతో త‌న‌ను ఇంట్లో నుంచి గెంటేశార‌ట‌. ఏం చేయాలో తెలియ‌ని స్థితిలో ఉన్న స్వాతి చివ‌ర‌కు వార‌ణాసికి చేరుకుంద‌ట‌. గ‌త మూడేళ్ల నుంచి స్వాతి వార‌ణాసిలోనే భిక్షాట‌న చేస్తూ త‌న జీవితాన్ని వెళ్ల‌దీస్తోంది. మీకు ఇంకో విష‌యం తెలుసా.. స్వాతి బాగా చ‌దువుకుంది. త‌ను బీఎస్సీ కంప్యూట‌ర్ సైన్స్ చ‌దివింది. అందుకే ఇంగ్లీష్‌లో అన‌ర్గ‌ళంగా మాట్లాడుతోంది. ఈ వీడియోను రికార్డు చేసిన వ్య‌క్తి.. త‌న‌కు మంచి ఉద్యోగం చూస్తాన‌ని హామీ కూడా ఇచ్చాడు. స్వాతి ఇంగ్లీష్‌లో మాట్లాడిన వీడియోను ఆ వ్య‌క్తి సోష‌ల్ మీడియాలో పోస్ట్ చేయ‌గా ఆ వీడియో ప్ర‌స్తుతం వైర‌ల్‌గా మారింది. నెటిజ‌న్లు అయితే.. స్వాతి మాట్లాడే ఇంగ్లీష్‌కు ఫిదా అయిపోతున్నారు.