Free Pani Puri : రూ.40 వేల విలువైన‌ పానీపూరీని ఉచితంగా పంచాడు.. కార‌ణం తెలిస్తే శభాష్ అంటారు

రూ.40 వేల విలువైన‌ పానీపూరీని ఉచితంగా పంచాడు | అత‌డు పానీపూరీ అమ్ముకునే వ్య‌క్తి. సాధార‌ణ వ్య‌క్తే. రోజుకు ఆదాయం కూడా అంతంత మాత్ర‌మే. కానీ.. గ‌త ఆదివారం

September 14, 2021 / 06:51 PM IST

Free Pani Puri : రూ.40 వేల విలువైన‌ పానీపూరీని ఉచితంగా పంచాడు.. కార‌ణం తెలిస్తే శభాష్ అంటారు

అత‌డు పానీపూరీ అమ్ముకునే వ్య‌క్తి. సాధార‌ణ వ్య‌క్తే. రోజుకు ఆదాయం కూడా అంతంత మాత్ర‌మే. కానీ.. గ‌త ఆదివారం.. ఏకంగా 40 వేల రూపాయ‌ల విలువైన పానీపూరీని అంద‌రికీ పంచాడు. అంద‌రికీ ఉచితంగా పానీపూరీని ఆఫ‌ర్ చేశాడు. అయితే.. ఆ వ్య‌క్తి అలా ఉచితంగా పానీపూరీని పంచ‌డం వెనుక మంచి కార‌ణ‌మే ఉంది.. అదేంటో తెలుసుకుందా రండి.

మ‌ధ్య‌ప్ర‌దేశ్‌లోని భోపాల్‌లో ఉన్న కోలార్ అనే ప్రాంతంలో పానీపూరీ బండి పెట్టుకొని జీవ‌నం సాగిస్తున్నాడు అంచ‌ల్ గుప్తా. అయితే.. గ‌త ఆదివారం భోపాల్‌లోని స్థానికుల‌కు ఉచితంగా పానీపూరీని అందించాడు. సుమారు 40 వేల రూపాయ‌ల విలువైన పానీపూరీని ఉచితంగా ఆఫ‌ర్ చేయ‌డంతో.. అక్క‌డి స్థానికులంతా ఎగ‌బ‌డి మ‌రీ పానీపూరీని తిన్నారు.

మ‌రి.. అంత డ‌బ్బు పెట్టి ఉచితంగా పానీపూరీ ఎందుకు పంచాడంటారా? త‌న‌కు ఇటీవ‌లే కూతురు పుట్టింద‌ట‌. త‌న‌కు కూతురు అంటే చాలా ఇష్టం అట‌. త‌న‌కు పెళ్ల‌య్యాక ముందు కూతురు కావాల‌ని అనుకున్నాడ‌ట కానీ.. త‌న‌కు కూతురు కాకుండా.. కొడుకు పుట్టాడ‌ట‌. రెండో కాన్పులో కూతురు పుట్టేస‌రికి.. త‌న ఆనందాన్ని ఆపుకోలేక‌.. ఇలా పానీపూరీని ఉచితంగా ఆఫ‌ర్ చేశాడు.

అలాగే.. ఆడ‌పిల్ల‌లంటే త‌క్కువ చేసి చూసే ఈ స‌మాజంలో.. ఆడ‌పిల్ల‌లు ఏం త‌క్కువ కాద‌ని నిరూపించ‌డం కోస‌మే తాను ఈ సెల‌బ్రేష‌న్స్ చేశాన‌ని అంచ‌ల్ చెప్పుకొచ్చాడు. కూతురు పుడితే చూడ‌టానికి కూడా రాని తండ్రులు ఉన్న ఈ స‌మాజంలో.. కూతురు పుట్ట‌డంతో పండుగ‌లా జ‌రుపుకొని.. కోలార్ ప్రాంతంలో అంద‌రికీ ఉచితంగా పానీపూరీ పంచి శ‌భాష్ అనిపించుకుంటున్నాడు అంచ‌ల్‌.

ఇక‌.. అంచ‌ల్ గ‌త 20 ఏళ్ల నుంచి పానీపూరీ బిజినెస్ చేస్తున్నాడు. అందుకే.. త‌నకు కూతురు పుట్టిన సంద‌ర్భంగా.. పానీపూరీనే అంద‌రికీ ఉచితంగా ఆఫ‌ర్ చేశాన‌ని చెప్పుకొచ్చాడు అంచ‌ల్‌.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి