ఆ దేశంలో తొలి క‌రోనా కేసు.. ఫ‌స్ట్ వేవ్ నుంచి ఒక్క కేసు న‌మోదు కాలేదు

ఆ దేశంలో తొలి క‌రోనా కేసు | ఫ‌స్ట్ వేవ్ అయిపోయింది. సెకండ్ వేవ్ అయిపోయింది. ఆ మ‌ధ్యే థ‌ర్డ్ వేవ్ కూడా వ‌స్తోందంటూ అంద‌రూ భ‌య‌ప‌డ్డారు. కానీ.. ప్ర‌స్తుతం ప్ర‌పంచాన్ని

December 4, 2021 / 04:05 PM IST

ఆ దేశంలో తొలి క‌రోనా కేసు.. ఫ‌స్ట్ వేవ్ నుంచి ఒక్క కేసు న‌మోదు కాలేదు

ఫ‌స్ట్ వేవ్ అయిపోయింది. సెకండ్ వేవ్ అయిపోయింది. ఆ మ‌ధ్యే థ‌ర్డ్ వేవ్ కూడా వ‌స్తోందంటూ అంద‌రూ భ‌య‌ప‌డ్డారు. కానీ.. ప్ర‌స్తుతం ప్ర‌పంచాన్ని వ‌ణికిస్తున్న ఒమిక్రాన్ కొత్త వేరియంట్‌ను చూస్తే ఇప్పుడే థ‌ర్డ్ వేర్ స్టార్ట్ అయిందేమో అన్న‌ట్టుగా క‌నిపిస్తోంది. ప్ర‌పంచ‌మంతా మ‌రోసారి భయం గుప్పిట్లో బ‌తుకుతోంది. ఈనేప‌థ్యంలో ఓ దేశంలో తొలిసారి క‌రోనా కేసు న‌మోదు అయింది.

కరోనా ఫ‌స్ట్ వేవ్ నుంచి ఇప్ప‌టి వ‌ర‌కు ఆ దేశంలో ఒక్క‌టంటే ఒక్క క‌రోనా కేసు కూడా న‌మోదు కాలేదు. కానీ.. డిసెంబ‌ర్ 4న అంటే ఈరోజు ఒక కోవిడ్ 19 కేసు న‌మోదు అయింది.

10 ఏళ్ల బాలుడిలో క‌రోనా వైర‌స్ వ్యాప్తి కాగా.. ఆ దేశంలో అదే తొలి క‌రోనా కేసు అయింది. వేరే దేశం నుంచి స్వ‌దేశానికి త‌న ఫ్యామిలీతో వ‌చ్చిన తర్వాత టెస్ట్ చేయ‌గా ఆ బాలుడికి క‌రోనా సోకిన‌ట్టు వెల్ల‌డైంది. ఇంత‌కీ తొలి కేసు న‌మోదు చేసుకున్న ఆ దేశం పేరేంటి అంటారా? కుక్ ఐలాండ్స్‌(Cook Islands). సౌత్ ప‌సిఫిక్ దేశం అది. అక్క‌డి జ‌నాభా 17 వేలు మాత్ర‌మే. మీకు ఇంకో విష‌యం తెలుసా? ప్ర‌పంచ‌వ్యాప్తంగా అత్య‌ధిక వ్యాక్సినేష‌న్ రేట్స్ ఉన్న దేశాల్లో ఈ ఐలాండ్ కూడా ఉంది. దాదాపు అంద‌రూ అక్క‌డ వ్యాక్సిన్ రెండు డోసులు వేసుకున్నారు. 96 శాతం జ‌నాభా రెండు డోసుల వ్యాక్సిన్ వేసుకున్న‌ట్టు అక్క‌డి ప్ర‌భుత్వం వెల్ల‌డించింది.

అయితే.. న్యూజిలాండ్ నుంచి ఫ్యామిలీతో ఐలాండ్‌కు తిరిగి వ‌చ్చిన ఆ బాలుడిలో క‌రోనా బ‌య‌ట‌ప‌డ‌టంతో వెంట‌నే అక్క‌డి ప్ర‌భుత్వం అల‌ర్ట్ అయింది. వెంట‌నే అంత‌ర్జాతీయ బార్డ‌ర్ల‌ను ఐలాండ్ మూసేసింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి