King Cobra: బెదిరిపోయి వంటింట్లో జొర‌బ‌డ్డ కింగ్ కోబ్రా.. సోష‌ల్ మీడియాలో వీడియో వైర‌ల్‌..!

King Cobra: సాధార‌ణంగా పామును చూడ‌గానే చాలామంది ఆమ‌డ దూరం ప‌రుగుతీస్తారు. భ‌యంతో వ‌ణికిపోతారు. కానీ పాములు ప‌ట్ట‌డంలో సుశిక్షితులైన వాళ్లు వాటికి ఏ మాత్రం భ‌య‌ప‌డ‌రు. పాము ఏ సందులో దాగివున్నా ధైర్యంగా

న్యూఢిల్లీ: సాధార‌ణంగా పామును చూడ‌గానే చాలామంది ఆమ‌డ దూరం ప‌రుగుతీస్తారు. భ‌యంతో వ‌ణికిపోతారు. కానీ పాములు ప‌ట్ట‌డంలో సుశిక్షితులైన వాళ్లు వాటికి ఏ మాత్రం భ‌య‌ప‌డ‌రు. పాము ఏ సందులో దాగివున్నా ధైర్యంగా బ‌య‌టికి తీసుకొస్తారు. ఒడిశాలోని భ‌ద్ర‌క్ జిల్లాలో అలాంటి ఘ‌ట‌నే చోటుచేసుకుంది. ఓ కింగ్ కోబ్రా ( King Cobra ) దారిత‌ప్పి ఇండ్ల మ‌ధ్య‌కు వ‌చ్చింది. జ‌నాలు భ‌యంతో ఉరుకులు, ప‌రుగులు పెట్ట‌డంతో బెదిరిపోయి ఓ ఇంట్లో చొర‌బ‌డింది.

ఆ ఇంటి య‌జమానికి ఫిర్యాదు మేర‌కు స్నేక్ సొసైటీ వాళ్లు అక్క‌డి వ‌చ్చారు. పాము కోసం వెతుక‌గా అది వంటింట్లో గ్యాస్ సిలిండ‌ర్ వెనుక న‌క్కి క‌నిపించింది. దాన్ని బంధించేందుకు స్నేక్ టీమ్ వాళ్లు ఆప‌సోపాలు ప‌డాల్సి వ‌చ్చింది. వంటిల్లు అంత‌టా ప‌రుగులు పెట్టించింది. ఎట్ట‌కేలకు వాళ్లు దాన్ని ఓ ప్లాస్టిక్ డ‌బ్బాలో బంధించారు. పాముకు ఊపిరి ఆడేందుకు ఆ డ‌బ్బాకు రంధ్రాలు చేశారు. ఆనంత‌రం ఆ కోబ్రాను తీసుకెళ్లి సుర‌క్షిత ప్రాంతంలో వ‌దిలేశారు.

ఏడాది క్రితం జ‌రిగిన ఈ ఘ‌ట‌నను ఓ వ్య‌క్తి వీడియో తీసి అప్ప‌ట్లోనే యూట్యూబ్‌లో అప్‌లోడ్ చేశాడు. ఇప్పుడు ఆ వీడియో మ‌రోసారి సోష‌ల్ మీడియాలో వైర‌ల్‌గా మారింది. ఇప్ప‌టివ‌ర‌కు ఆ వీడియోను మొత్తం 30 మిలియ‌న్‌ల మంది (3 కోట్ల మంది) వీక్షించారు. మ‌రింకెందుకు ఆల‌స్యం ఈ కింగ్ కోబ్రా హ‌ల్‌చల్‌పై మీరు కూడా ఓ లుక్కేయండి.