బుధవారం 27 జనవరి 2021
Telangana - Jan 02, 2021 , 13:08:00

యువకుడి ప్రాణం తీసిన అప్పులు.!

యువకుడి ప్రాణం తీసిన అప్పులు.!

నిజామాబాద్‌ :  అప్పుల బాధ తాళలేక యువకుడు ఉరేసుకొని ఆత్మహత్య చేసుకున్నాడు. నిజామాబాద్ జిల్లా కేంద్రంలో ఈ ఘటన జరిగింది. జిల్లా కేంద్రంలోని నాగారం ప్రాంతానికి చెందిన ఫాసిల్ (26) ట్రాక్టర్ డ్రైవర్‌. రాత్రి స్కూటర్‌పై సమీపంలోని స్టేడియానికి వెళ్లి ఐరన్‌ దూలానికి ఉరేసుకొని ఆత్మహత్య చేసుకున్నాడు. మార్నింగ్ వాక్‌కు వచ్చిన వారు మృతదేహాన్ని గుర్తించి పోలీసులకు సమాచారం అందించారు. అర్ధరాత్రి ఈ ఘటన జరిగినట్టు పోలీసులు భావిస్తున్నారు. అప్పులు తీర్చలేక ఆత్మహత్య చేసుకున్నట్లుగా పోలీసులు నిర్ధారించారు. కాగా ఫాసిల్‌ ఆత్మహత్యపై అనుమానాలు వ్యక్తం అవుతున్నాయి. 


లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo