కరెంట్‌ షాక్‌తో రైతు మృతి

బోరు మోటర్‌ ఆన్‌ చేసేందుకు వెళ్లిన యువ రైతు విద్యుదాఘాతానికి గురై మృతి చెందాడు. ఈ ఘటన నాగర్‌కర్నూల్‌ జిల్లాలో శనివారం చోటుచేసుకున్నది. స్థానికుల కథనం ప్రకారం.. పెద్దకొత్తపల్లి మండలం మారేడ్‌మాన్‌దిన్నె గ్రామానికి చెందిన యువ రైతు పెబ్బేటి కేశవులు (31) తనకున్న నాలుగెకరాల్లో వేరుశనగ సాగు చేశాడు. శనివారం తెల్లవారుజామున 3 గంటల సమయంలో పంటకు నీరు పారబెట్టేందుకు పొలం వద్దకు వెళ్లాడు.

• నాగర్‌కర్నూల్‌ జిల్లా మారేడ్‌మాన్‌దిన్నెలో విషాదం

పెద్దకొత్తపల్లి, అక్టోబర్‌ 31 : బోరు మోటర్‌ ఆన్‌ చేసేందుకు వెళ్లిన యువ రైతు విద్యుదాఘాతానికి గురై మృతి చెందాడు. ఈ ఘటన నాగర్‌కర్నూల్‌ జిల్లాలో శనివారం చోటుచేసుకున్నది. స్థానికుల కథనం ప్రకారం.. పెద్దకొత్తపల్లి మండలం మారేడ్‌మాన్‌దిన్నె గ్రామానికి చెందిన యువ రైతు పెబ్బేటి కేశవులు (31) తనకున్న నాలుగెకరాల్లో వేరుశనగ సాగు చేశాడు. శనివారం తెల్లవారుజామున 3 గంటల సమయంలో పంటకు నీరు పారబెట్టేందుకు పొలం వద్దకు వెళ్లాడు.

బోరు మోటర్‌ స్టార్టర్‌ ఆన్‌ చేస్తుండగా.. విద్యుత్తుషాక్‌కు గురై అక్కడికక్కడే మృతి చెందాడు. కొద్దిరోజులుగా రాత్రి సమయంలో వ్యవసాయానికి కరెంట్‌ సరఫరా అవుతుండగా.. అందులోనూ కోతలు వేధిస్తున్నాయని పలువురు రైతులు తెలిపారు. కరెంట్‌ సరఫరాలో లోపంతోనే రైతు ప్రాణాలు కోల్పోయాడని, ప్రభుత్వం బాధ్యత వహించాలని బీఆర్‌ఎస్‌ మండల అధ్యక్షుడు గణేశ్‌రావు డిమాండ్‌ చేశారు.