స్వరాష్ట్రంలో స్థానికులకు అన్యాయమా?

కాంగ్రెస్‌ అధికారంలోకి వచ్చిన 48 గంటల్లోనే జీవో నంబర్‌ 317 బాధితులకు న్యాయం చేస్తామన్న సీఎం రేవంత్‌రెడ్డి పది నెలలు గడిచినా.. పట్టించుకోవడం లేదంటూ బాధితులు బుధవారం గాంధీభవన్‌ను ముట్టడించారు. రోడ్డుపై బైఠాయించడంతో భారీగా ట్రాఫిక్‌ జామ్‌ ఏర్పడింది.

• 48 గంటల్లోనే సమస్యను పరిష్కరిస్తానన్న సీఎం ఎక్కడ?
• గాంధీ భవన్‌ను ముట్టడించి, బైఠాయించిన జీవో 317 బాధితులు

హైదరాబాద్‌/సుల్తాన్‌బజార్‌,అక్టోబర్‌ 2: కాంగ్రెస్‌ అధికారంలోకి వచ్చిన 48 గంటల్లోనే జీవో నంబర్‌ 317 బాధితులకు న్యాయం చేస్తామన్న సీఎం రేవంత్‌రెడ్డి పది నెలలు గడిచినా.. పట్టించుకోవడం లేదంటూ బాధితులు బుధవారం గాంధీభవన్‌ను ముట్టడించారు. రోడ్డుపై బైఠాయించడంతో భారీగా ట్రాఫిక్‌ జామ్‌ ఏర్పడింది.

ఈ సందర్భంగా 317 బాధితులు మాట్లాడుతూ.. స్థానికత మీద ఏర్పడిన తెలంగాణ రాష్ట్రంలో స్థానికులకు అన్యాయం చేస్తారా..? అని ప్రశ్నించారు. ‘నా కంటే ముందు ఉద్యోగం పొందిన వారు స్థానికులు, నా తరువాత డీఎస్‌సీ-2024 ఉద్యోగం పొందబోయే వారూ స్థానికులే మరి నా స్థానికత ఎక్కడ సీఎం’ అని ఓ 317 బాధితుడు బ్యానర్‌ను ప్రదర్శిస్తూ ప్రభుత్వాన్ని ప్రశ్నించాడు. గాంధీ జయంతి రోజున గాంధీ సాక్షిగా జీవో 317 బాధితులకు న్యాయం చేయాలని సీఎం రేవంత్‌రెడ్డిని బాధితులు కోరారు.