కేంద్ర సాయుధ బలగాల్లో 84 వేల ఖాళీలు

సీఆర్‌పీఎఫ్‌, బీఎస్‌ఎఫ్‌ తదితర కేంద్ర సాయుధ పోలీస్‌ బలగాల్లో 84,866 ఖాళీలు ఉన్నట్టు కేంద్ర హోం శాఖ సహాయ మంత్రి నిత్యానంద్‌ రాయ్‌ బుధవారం రాజ్యసభలో వెల్లడించారు. సాయుధ బలగాల పూర్తి సామర్థ్యం 10,05,520 మంది అని చెప్పారు.

న్యూఢిల్లీ: సీఆర్‌పీఎఫ్‌, బీఎస్‌ఎఫ్‌ తదితర కేంద్ర సాయుధ పోలీస్‌ బలగాల్లో 84,866 ఖాళీలు ఉన్నట్టు కేంద్ర హోం శాఖ సహాయ మంత్రి నిత్యానంద్‌ రాయ్‌ బుధవారం రాజ్యసభలో వెల్లడించారు.

సాయుధ బలగాల పూర్తి సామర్థ్యం 10,05,520 మంది అని చెప్పారు. గత 5 నెలల్లో 31,785 ఖాళీలను భర్తీ చేసినట్టు వెల్లడించారు. ఈ ఏడాది జనవరి 1 వరకు సాయుధ బలగాల్లో 2,345 వైద్యులు, నర్సులు ఇతర వైద్య సిబ్బంది పోస్టులు ఖాళీగా ఉన్నాయని తెలిపారు.