నిరుద్యోగ యువత ఉపాధిహామీని వినియోగించుకోవాలి

నిరుద్యోగ యువత ఉపాధిహామీని వినియోగించుకోవాలని రాష్ట్ర పంచాయతీరాజ్‌, గ్రామీణాభివృద్ధి శాఖ ప్రిన్సిపల్‌ సెక్రటరీ దానకిశోర్‌ సూచించారు. శుక్రవారం సంగారెడ్డి జిల్లా కోహీర్‌ మండలం సజ్జాపూర్‌, ఖానాపూర్‌, కొత్తూర్‌ గ్రామాల్లో చేపట్టిన ఈజీఎస్‌, వాటర్‌షెడ్‌ పనులను ఆయన పరిశీలించారు.

• రాష్ట్ర పంచాయతీరాజ్‌శాఖ ప్రిన్సిపల్‌ సెక్రటరీ దానకిశోర్‌

కోహీర్‌, మే 16 : నిరుద్యోగ యువత ఉపాధిహామీని వినియోగించుకోవాలని రాష్ట్ర పంచాయతీరాజ్‌, గ్రామీణాభివృద్ధి శాఖ ప్రిన్సిపల్‌ సెక్రటరీ దానకిశోర్‌ సూచించారు. శుక్రవారం సంగారెడ్డి జిల్లా కోహీర్‌ మండలం సజ్జాపూర్‌, ఖానాపూర్‌, కొత్తూర్‌ గ్రామాల్లో చేపట్టిన ఈజీఎస్‌, వాటర్‌షెడ్‌ పనులను ఆయన పరిశీలించారు. ఈ సందర్భంగా దానకిశోర్‌ మాట్లాడుతూ.. ఉపాధిపనులకు వస్తున్న తల్లిదండ్రులు తమ పిల్లలను కూడా తీసుకురావాలని సూచించారు. పిల్లలు కూ డా ఉపాధిపనులు చేస్తే అదనపు ఆదాయం లభిస్తుందని తెలిపారు. నిరుద్యోగ యువత ఉదయం 10 గంటల వరకు ఉపాధి పనులుచేసి ఆ తర్వాత ఇతర ఉద్యోగాలకోసం ప్ర యత్నాలు చేసుకోవచ్చని సూచించారు. రా ష్ట్ర వ్యాప్తంగా రోజురోజుకూ ఉపాధి కూలీల సంఖ్య తగ్గుతున్నదని చెప్పారు. కూలీల సంఖ్యను పెంచేందుకు అధికారులు ప్రత్యేక శ్రద్ధ తీసుకోవాలని ఆదేశించారు.

18 సబ్‌స్టేషన్లల్లో సోలార్‌ ప్లాంట్లు

హైదరాబాద్‌, మే 16 (నమస్తే తెలంగాణ): రాష్ట్రంలోని 18 సబ్‌ స్టేషన్లల్లో సోలార్‌ విద్యుత్తు ప్లాంట్లను ప్రభుత్వం ఏర్పాటు చేయనున్నది. 18చోట్లలోని 33/11కేవీ సబ్‌స్టేషన్లల్లో 19 మెగావాట్ల ప్లాంట్లను నెలకొల్పడానికి 73.25 ఎకరాల స్థలం అవసరం కానున్నది. దీంతో ఉత్తర డిస్కం పరిధిలో 11, దక్షిణ డిస్కం పరిధిలో 8 మెగావాట్ల ప్లాంట్లను ఏర్పాటు చేయనున్నారు. ఈ ప్లాంట్ల ఏర్పాటు నిమిత్తం ప్రభుత్వం రూ.66.50 కోట్లను మంజూరు చేసింది. ఈ నేపథ్యంలో ఆదిలాబాద్‌ జిల్లా తలమడుగు మండలంలోని కజ్జర్ల గ్రామం లో ప్లాంట్‌ ఏర్పాటుకు 4 ఎకరాల ప్రభు త్వ స్థలాన్ని కేటాయిస్తూ శనివారం జీవో ను జారీ చేసింది.