Visit:
Argentina Football : వరసగా రెండోసారి ఫిఫా వరల్డ్కప్ను ముద్దాడాలనుకున్న అర్జెంటీనా(Argentina) కల చెదిరినా చివరకు చరిత్రాత్మక గుర్తింపు లభించింది. సెమీఫైనల్లో ఇంగ్లండ్పై విజయాన్ని భావి తరాలు గుర్తుంచుకునేలా కీలక ప్రకటన చేసింది అర్జెంటీనా ఫుట్బాల్ సమాఖ్య(AFA). మాజీ ఛాంపియన్పై సూపర్ విక్టరీ రోజును ‘జాతీయ ఫుట్బాల్ జట్ల దినోత్సవం’గా ప్రకటించింది ఏఎఫ్ఏ. ఈ విషయాన్ని గురువారం అర్జెంటీనా ఫుట్బాల్ వెల్లడించింది.
ఫిఫా వరల్డ్కప్ 2026 ఫైనల్ అనంతరం వివాదాస్పద ప్రవర్తనతో అర్జెంటీనా జట్టు విమర్శల పాలైన విషయం తెలిసిందే. అయితే.. అర్జెంటీనా ప్రభుత్వం, ఆ దేశ ఫుట్బాల్ సమాఖ్య మాత్రం తమ ఆటగాళ్ల తప్పేమీ లేదని మద్దతు తెలిపింది. జూలై 15న సెమీఫైనల్లో ఇంగ్లండ్పై విజయాన్ని కలకాలం గుర్తిండిపోయేలా ప్రత్యేకంగా మార్చేసింది ఏఎఫ్ఏ. జూలై 15వ తేదీని నేషనల్ ఫుట్బాల్ టీమ్స్ డేగా ప్రకటించింది.
The Argentine FA have announced that July 15 will be ‘National Football Teams Day.’
The date was chosen to celebrate their win over England in the 2026 World Cup semifinal 🇦🇷 pic.twitter.com/9OmQHiYsnF
— B/R Football (@brfootball) August 6, 2026
‘జూలై 15వ తేదీన సెమీఫైనల్లో ఇంగ్లండ్పై అల్బీసెలెస్టెస్ విజయం చరిత్రాత్మకమైనది. లియోనల్ స్కలోని నేతృత్వంలో ఆడిన జట్టుకు కీలక గోల్స్ అందించిన .. ఎన్జో ఫెర్నాండేజ్, లాటరో మార్టినెజ్కు ధన్యవాదాలు. వీరిద్దరి గోల్స్తో అర్జెంటీనా ముందంజ వేసింది. దేశ ప్రజలు రోడ్లమీదకు వచ్చి సంబురాలు చేసుకున్నారు. అందుకే ఈ రోజు చాలా ప్రత్యేకం. అందుకే.. నేషనల్ ఫుట్బాల్ టీమ్స్ డేగా ప్రకటిస్తున్నాం. ఇకపై ఏటా జూలై 15ను ఈ దినోత్సవంగా నిర్వహిస్తాం’ అని అర్జెంటీనా ఫుట్బాల్ సమాఖ్య వెల్లడించింది. ఆద్యంతం ఉత్కంఠగా సాగిన సెమీస్లో లియోనల్ మెస్సీ బృందం 2-1తో ఇంగ్లండ్ను ఓడించింది.
