ట్యాంకర్లతో చి‘వరి’ ప్రయత్నంగా..

వనపర్తి జిల్లా కందిరీగ తండాలో కొందరు రైతులు వరికి ట్యాంకర్ల ద్వారా నీటిని అందిస్తున్నారు. చేతికి వచ్చిన చేలు కండ్ల ముందు ఎండిపోతుంటే.. చూడలేక ట్యాంకర్ల ద్వారా నీటిని తెచ్చి బతికించుకునేందుకు ఆరాట పడుతున్నారు. అయినా ఈ నీళ్లు సరిపోతలేవని ఆందోళన చెందుతున్నారు.

వనపర్తి జిల్లా కందిరీగ తండాలో కొందరు రైతులు వరికి ట్యాంకర్ల ద్వారా నీటిని అందిస్తున్నారు. చేతికి వచ్చిన చేలు కండ్ల ముందు ఎండిపోతుంటే.. చూడలేక ట్యాంకర్ల ద్వారా నీటిని తెచ్చి బతికించుకునేందుకు ఆరాట పడుతున్నారు. అయినా ఈ నీళ్లు సరిపోతలేవని ఆందోళన చెందుతున్నారు. మడిలో వదిలిన నీరు ముందుకు పోవడం లేదని వాపోతున్నారు. రోజు పది ట్యాంకర్లు మడిలో పోసినా ఒక్క మడి కూడా తడవడం లేదని గిరిజన రైతులు లబోదిబోమంటున్నారు.

– వనపర్తి

మూడెకరాలు ఎండింది..

నేను మూడు ఎకరాల్లో వరి సాగుచేసిన. పంట గొలక వేసే సమయంలో సాగునీరు అందక పూర్తిగా ఎండిపోయింది. పంట పూర్తిగా ఎండిపోయింది. మునుపెప్పుడూ ఇలాంటి పరిస్థితి చూడలే. గడ్డి మాత్రమే మిగిలింది. ప్రభుత్వమే ఆదుకోవాలి.

-మోహన్‌నాయక్‌, కాలేజీ తండా, ధర్పల్లి, నిజామాబాద్‌ జిల్లా