తెలంగాణలో కరోనా వ్యాక్సిన్‌ డ్రై రన్‌ ఎక్కడెక్కడంటే..

హైదరాబాద్‌ :  దేశవ్యాప్తంగా కరోనా వ్యాక్సిన్‌ పంపిణీకి కేంద్ర ప్రభుత్వం సన్నద్ధమవుతున్నది. ఈ మేరకు శనివారం దేశవ్యాప్తంగా డ్రై రన్ నిర్వహించాలని ఆయా రాష్ట్రాలు, కేంద్ర పాలిత ప్రాంతాలను ఆదేశించింది. ఈ నేపథ్యంలో రాష్ట్రంలో రేపు ఉదయం నుంచి డ్రై రన్‌ నిర్వహించేందుకు వైద్య ఆరోగ్యశాఖ అధికారులు ఏర్పాట్లు చేస్తున్నారు. హైదరాబాద్‌, మహబూబ్‌నగర్‌ జిల్లాలో 3 చొప్పున దవాఖానల్లో డ్రై రన్‌ నిర్వహించనున్నారు. ప్రాథమిక ఆరోగ్య కేంద్రాలు, ప్రభుత్వ దవాఖానలు, ప్రైవేట్‌ దవాఖానల్లో డ్రై రన్‌ కొనసాగనుంది. టీకా ప్రారంభానికి ముందు ఏవైనా సమస్యలుంటే గుర్తించి పరిష్కరించడమే ఈ డ్రై రన్‌ లక్ష్యం.  

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.