బ్రోకర్లకు ప్రభుత్వమే కమీషన్‌

400 ఎకరాల భూమిని టీజీఐఐసీ ద్వారా ప్రైవేటు బ్యాంకులకు తాకట్టు పెట్టి రూ.20 వేల కోట్ల రుణం కోసం ప్రభుత్వం ప్రయత్నిస్తున్నదని బీజేపీఎల్పీ నేత ఏలేటి మహేశ్వర్‌రెడ్డి ఆగ్రహం వ్యక్తంచేశారు.

• బీజేఎల్పీ నేత మహేశ్వర్‌రెడ్డి

హైదరాబాద్‌, డిసెంబర్‌ 19(నమస్తే తెలంగాణ): 400 ఎకరాల భూమిని టీజీఐఐసీ ద్వారా ప్రైవేటు బ్యాంకులకు తాకట్టు పెట్టి రూ.20 వేల కోట్ల రుణం కోసం ప్రభుత్వం ప్రయత్నిస్తున్నదని బీజేపీఎల్పీ నేత ఏలేటి మహేశ్వర్‌రెడ్డి ఆగ్రహం వ్యక్తంచేశారు. ఇందుకు బ్రోకర్లకు 2-3 శాతం కమీషన్‌ ఇచ్చేందుకు కూడా నిర్ణయించిందని విమర్శించారు.

అప్పులు చేయడం నిరంతర ప్రక్రియ: మంత్రి

ఆస్తులు అమ్మడం, అప్పులు చేయడం నిరంతర ప్రక్రియ అని మంత్రి శ్రీధర్‌బాబు తెలిపారు. నిధుల సమీకరణ కోసం ప్రయత్నిస్తున్నట్టు తెలిపారు. అవసరమైతే భూములను అమ్ముతామని పేర్కొన్నారు.

బీఆర్‌ఎస్‌ అప్పుపై ఇవేం లెక్కలు?: అక్బరుద్దీన్‌

గత బీఆర్‌ఎస్‌ ప్రభుత్వం రూ.7 లక్షల కోట్లు అప్పు చేసిందని కాంగ్రెస్‌ పాలకులు ఏ లెక్కన చెప్తున్నారో వివరించాలని ఎంఐఎం ఎమ్మెల్యే అక్బరుద్దీన్‌ ఓవైసీ ప్రభుత్వాన్ని డిమాండ్‌ చేశారు. తాను ఏ లెక్కలు చూసినా, ఏ బడ్జెట్‌ పుస్తకం వెతికినా రూ.7 లక్షల అప్పు లెక్క తేలడం లేదని పేర్కొన్నారు.