కొండగట్టుకు 100 కోట్లు
కొండగట్టు ఆంజనేయ స్వామి ఆలయ అభివృద్ధికి ప్రభుత్వం రూ.100 కోట్లు మంజూరు చేసింది. ఈ మేరకు బుధవారం రాష్ట్ర ప్రభుత్వ ప్రత్యేక కార్యదర్శి రామకృష్ణారావు జీవో 49జారీ చేశారు.
- మాట నిలబెట్టుకున్న సీఎం కేసీఆర్
- ప్రత్యేక కార్యదర్శి జీవో 49 జారీ
- సీఎంకు రుణపడి ఉంటాం: సుంకె
- జగిత్యాల జిల్లాలో సంబురాలు
హైదరాబాద్/ జగిత్యాల, ఫిబ్రవరి 8 (నమస్తే తెలంగాణ): కొండగట్టు ఆంజనేయ స్వామి ఆలయ అభివృద్ధికి ప్రభుత్వం రూ.100 కోట్లు మంజూరు చేసింది. ఈ మేరకు బుధవారం రాష్ట్ర ప్రభుత్వ ప్రత్యేక కార్యదర్శి రామకృష్ణారావు జీవో 49జారీ చేశారు. ఉత్తర తెలంగాణలో ప్రశస్తమై, భక్తుల కొంగు బంగారమైన అంజన్న ఆలయ అభివృద్ధికి నిధులు విడుదల కావడంపై భక్తులు సంతోషం వ్యక్తం చేశారు. గత ఏడాది డిసెంబర్ 7న సీఎం కేసీఆర్ జగిత్యాలలో పలు అభివృద్ధి పనుల ప్రారంభోత్సవాలకు వచ్చారు. ఆ సమయంలో మోతె గ్రామ శివారులో నిర్వహించిన భారీ బహిరంగ సభలో కొండగట్టు ఆలయ అభివృద్ధికి రూ.100 కోట్లు మంజూరు చేస్తామని, కొండగట్టును సైతం యాదగిరిగుట్ట తరహాలో అభివృద్ధి చేస్తామని హామీ ఇచ్చారు. ఇచ్చిన హామీ ప్రకారం రెండు నెలల వ్యవధిలోనే కొండగట్టు ఆలయ అభివృద్ధికి రూ.100 కోట్లను మంజూరు చేశారు. ఆలయంలో చేపట్టాల్సిన అభివృద్ధి పనుల వివరాలు పంపించాలని కలెక్టర్ను ఆదేశించారు.
సీఎం కేసీఆర్కు ఎమ్మెల్సీ కవిత కృతజ్ఞతలు
కొండగట్టు ఆంజనేయస్వామి ఆలయ అభివృద్ధికి రూ.100 కోట్లు కేటాయించిన సీఎం కేసీఆర్కు ఎమ్మెల్సీ కల్వకుంట్ల కవిత ప్రత్యేక కృతజ్ఞతలు తెలిపారు. ఆధ్యాత్మిక క్షేత్రం కొండగట్టు దేవాలయానికి తెలంగాణతోపాటు ఇతర రాష్ట్రాల నుంచి వచ్చే అంజన్న భక్తులకు అత్యున్నత సౌకర్యాలు కల్పించడంసహా దేవాలయంలో పెద్దఎత్తున అభివృద్ధి కార్యక్రమాలు చేపట్టనున్నామని చెప్పారు. ప్రతి ఆధ్యాత్మిక క్షేత్రాన్ని అత్యున్నత స్థాయిలో సీఎం కేసీఆర్ అభివృద్ధి చేస్తున్నారని ఆమె కొనియాడారు.
ముఖ్యమంత్రికి సుంకె రవిశంకర్ కృతజ్ఞతలు
కొండగట్టు దేవస్థానం అభివృద్ధికి రూ.100 కోట్లు మంజూరు చేయడంపై సీఎం కేసీఆర్కు చొప్పదండి ఎమ్మెల్యే సుంకె రవిశంకర్ కృతజ్ఞతలు తెలిపారు. కేసీఆర్కు జీవితాంతం రుణపడి ఉంటామని తెలిపారు. స్వరాష్ట్రంలో ఆలయాల అభివృద్ధికి పెద్దపీట వేస్తూ కోట్లాది నిధులు మంజూరు చేస్తున్న ఘనత కేసీఆర్కు దక్కుతున్నదని కొనియాడారు. గత ప్రభుత్వా ల హయాంలో ఆలయాలను చిన్నచూపు చూ శారని పేర్కొన్నారు. కేసీఆర్ ప్రత్యేక దృష్టి సారించడంతో కొండగట్టు దశదిశ సైతం త్వరలోనే మారిపోనున్నదని చెప్పారు. బీజేపీ రాష్ట్ర అధ్యక్షుడు బండి సంజయ్ హిందుత్వం ముసుగు వేసుకున్నాడే తప్ప ఏనాడూ ఆలయాల అభివృద్ధికి నిధులు మంజూరు చేయించలేదని విమర్శించారు. నిధుల మంజూరుకు సహకరించిన మున్సిపల్, ఐటీ శాఖల మంత్రి కేటీఆర్, రాష్ట్ర ప్రణాళికా సంఘం ఉపాధ్యక్షుడు వినోద్కుమార్, ఎమ్మెల్సీ కవిత, ఎంపీ సంతోష్ కుమార్కు ప్రత్యేక ధన్యవాదాలు తెలిపారు.
జిల్లాలో సంబురాలు..
సీఎం కేసీఆర్ హామీ ప్రకారం కొండగట్టు పు ణ్యక్షేత్రం అభివృద్ధికి రూ.100 కోట్లు మంజూరుచేయడంపై జిల్లావ్యాప్తంగా సంతోషం వ్యక్తమవుతున్నది. కొండగట్టు గుట్టపైన, కొండగట్టు దిగువన హన్మాన్ భక్తులు, ప్రజలు సంబురాలు చేసుకొన్నారు. సీఎం కేసీఆర్ చిత్రపటానికి క్షీరాభిషేకం చేసి తమ ఆనందాన్ని వ్యక్తంచేశారు. కొడిమ్యాలలోనూ సీఎం చిత్రపటానికి క్షీరాభిషేకం చేసి సంబురాలు జరుపుకున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
‘పిల్లల అభిరుచులను గుర్తించి ప్రోత్సహించాలి’
Congress vs Congress | మేకెదాటు డ్యామ్ వివాదంపై.. కర్ణాటక, తమిళనాడు కాంగ్రెస్ మధ్య అంతర్గత పోరు
Mission Bhagiratha Pipeline | మిషన్ భగీరథ పైప్లైన్ నుంచి నీళ్లు ఎలా పోతున్నాయో చూడండి.. వీడియో
పుస్తక పఠనంతో విజ్ఞానం, వ్యక్తిత్వ వికాసం : కలెక్టర్ చంద్రశేఖర్
Covid 19 | కరోనా కొత్త వేరియెంట్ పీజే.2.1 వేగంగా వ్యాప్తి.. ప్రమాదకరమైనదా..?
ట్రెండింగ్ వార్తలు
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?
Viral News | ఎన్క్లోజర్ నుంచి సొరంగం తవ్వి తప్పించుకున్న పెద్దపులి.. తర్వాత ఏమైందంటే..!

