Surplus Teachers | బడుల్లో మిగులు టీచర్లు.. 8వేల బడుల్లో 16వేల మంది సర్‌ప్లస్‌

రాష్ట్రంలో మిగులు టీచర్ల సర్దుబాటు ఇంకా కొలిక్కిరావడంలేదు. నెలలు పూర్తవుతున్నా.. విద్యాసంవత్సరం సగానికి సమీపించినా సర్దుబాటు పూర్తికాలేదు. దిద్దుకోలేని తప్పిదాలకు ఈ సర్దుబాటు దారితీసింది. సర్కారు బడుల్లో పరిస్థితులు పూర్తిగా అదుపు తప్పాయి. విద్యార్థులున్నచోట టీచర్లు లేరు..

• లెక్కతేల్చిన పాఠశాల విద్యాశాఖ

Surplus Teachers | హైదరాబాద్‌, నవంబర్‌ 2 (నమస్తే తెలంగాణ) : రాష్ట్రంలో మిగులు టీచర్ల సర్దుబాటు (Surplus Teachers) ఇంకా కొలిక్కిరావడంలేదు. నెలలు పూర్తవుతున్నా.. విద్యాసంవత్సరం సగానికి సమీపించినా సర్దుబాటు పూర్తికాలేదు. దిద్దుకోలేని తప్పిదాలకు ఈ సర్దుబాటు దారితీసింది. సర్కారు బడుల్లో పరిస్థితులు పూర్తిగా అదుపు తప్పాయి. విద్యార్థులున్నచోట టీచర్లు లేరు.. టీచర్లున్న చోట విద్యార్థుల్లేరు అన్నట్టుగా పరిస్థితి తయారయ్యింది. ఈ నేపథ్యంలో పాఠశాల విద్యాశాఖ టీచర్ల సర్దుబాటుకు ఉత్తర్వులు ఇచ్చింది. కలెక్టర్లకు బాధ్యతలు అప్పగించింది. రాజకీయాలు, ఒత్తిళ్లతో ఈ ప్రక్రి య ముందుకు సాగడంలేదు.

దీంతో శనివారం తాజాగా విద్యాశాఖ త్వరగా పూర్తిచేయాలని మరో ఉత్త ర్వు జారీచేసింది. అధికారిక కథనం ప్రకారం.. రాష్ట్రంలో 8వేల బడు ల్లో 16 వేల మంది మి గులు టీచర్లు ఉన్నట్టు సమాచారం. మరో 3 వేల బడుల్లో 4వేల టీచర్ల అవసరం ఉందని అధికారులు తేల్చా రు. అంటే నవంబర్‌ ముగిసిన తర్వాత ఇంకా 16వేల మంది మిగులు టీచర్లున్నారు. మరో మూడువేల బడుల్లో టీచర్ల కొరత ఉందంటే ఇంతకాలం సర్దుబాటు ఏ స్థాయిలో జరిగిందో అర్ధం చేసుకోవచ్చు. అధికారుల నిర్లిప్తత, కలెక్టర్లు దృష్టి సారించకపోవడంతో ఈ ప్రక్రియ ముందుకు సాగడంలేదన్న వాదనలున్నాయి. పిల్లలులేక మిగులు టీ చర్లు ఉన్న బడులుండగా, కొన్ని చోట్ల మాత్రం విద్యార్థులున్నా మిగులు టీచర్లు ఉండటం గమనార్హం. ఇలాంటివి చాలానే ఉన్నట్టు అధికారులు గుర్తించారు. వీరిని వీలైనంత త్వరగా సర్దుబాటు చేయాలని ఆదేశాలిచ్చారు.

మచ్చుకు కొన్ని..

• హైదరాబాద్‌ జిల్లా అంబర్‌పేట మండలంలో 17 మంది టీచర్లున్నారు. నిబంధనల ప్రకారం 11 మందే ఉండాలి. అదనంగా ఆరుగురు టీచర్లున్నారు.
• ఇదే జిల్లా ఆసిఫ్‌నగర్‌ మండలంలో 459 మంది విద్యార్థులున్నారు. లెక్కప్రకారం 11మందే ఉండాలి. 19మంది ఉన్నారు.
• రంగారెడ్డి జిల్లా మంఖాల్‌ మండలం ఆరు ట్ల పాఠశాలలో 462 మంది విద్యార్థులున్నారు. 11 మంది టీచర్లు ఉండాల్సి ఉం డగా.. 16 మంది ఉన్నారు.
• రంగారెడ్డి జిల్లా బాలాపూర్‌ మండలం జిల్లెల్లగూడలో 429 మంది విద్యార్థులున్నారు. ఈ స్కూళ్లో 10 మంది టీచర్లకు 15 మంది పనిచేస్తున్నారు. ఇక్కడ ఐదుగురు అదనంగా ఉన్నారు.