Visit:
హైదరాబాద్‌, నవంబర్‌ 29 (నమస్తే తెలంగాణ): హైదరాబాద్‌ నగర శివారులోని 20 మున్సిపాలిటీలు, 7 మున్సిపల్‌ కార్పొరేషన్లను గ్రేటర్‌ హైదరాబాద్‌లో విలీనం చేసేందుకు ప్రభుత్వం సిద్ధమైంది. దీనిపై ఇప్పటికే మంత్రివర్గంలో చర్చించి నిర్ణయం తీసుకున్నారు. దీంతో ప్రభుత్వం 27 నగరపాలక సంస్థలను డీనోటిఫై చేసి గ్రేటర్‌ హైదరాబాద్‌లో విలీనం చేస్తూ జీహెచ్‌ఎంసీ చట్టాలను సవరించనున్నది. ఈ మేరకు మున్సిపల్‌ శాఖ రెండు ముసాయిదా బిల్లులను రూపొందించింది. గవర్నర్‌ ఆమోదం కోసం వాటిని శనివారం న్యాయశాఖ ద్వారా రాజ్‌భవన్‌కు పంపింది. వాటిని సోమవారం గవర్నర్‌ ఆమోదించే అవకాశం ఉన్నట్టు ప్రభుత్వ వర్గాల ద్వారా తెలిసింది. ఆ వెంటనే ప్రభుత్వం ఆర్డినెన్స్‌లు జారీ చేయనున్నట్టు సమాచారం.
