10th Class Exams | ఆరు పేపర్లు.. ఏడు రోజులు.. మార్చి 18 నుంచి పది పరీక్షలు

పదో తరగతి వార్షిక పరీక్షలు 2024 మార్చి 18 నుంచి ప్రారంభం కానున్నాయి. ఏప్రిల్‌ 2వ తేదీతో ముగుస్తాయి. పరీక్షల షెడ్యూల్‌ను ప్రభుత్వ పరీక్షల విభాగం డైరెక్టర్‌ కృష్ణారావు శనివారం విడుదల చేశారు.

• ఉదయం 9.30 గంటల నుంచి మధ్యాహ్నం 12.30 వరకు
• ఏప్రిల్‌ 2 వరకు పరీక్షలు
• ఎస్సెస్సీ బోర్డు షెడ్యూల్‌ విడుదల
• షెడ్యూల్‌ విడుదల చేసిన ఎస్సెస్సీ బోర్డు

10th Class Exams | హైదరాబాద్‌, డిసెంబర్‌ 30 (నమస్తే తెలంగాణ): పదో తరగతి వార్షిక పరీక్షలు 2024 మార్చి 18 నుంచి ప్రారంభం కానున్నాయి. ఏప్రిల్‌ 2వ తేదీతో ముగుస్తాయి. పరీక్షల షెడ్యూల్‌ను ప్రభుత్వ పరీక్షల విభాగం డైరెక్టర్‌ కృష్ణారావు శనివారం విడుదల చేశారు. ఈ ఏడాది నుంచి పదో తరగతి పరీక్షలను 6 పేపర్లకే నిర్వహించనుండగా, పరీక్షలు మాత్రం ఏడు రోజుల పాటు కొనసాగుతాయి. కీలకమైన సైన్స్‌ పేపర్లకు రెండు రోజుల పాటు పరీక్ష నిర్వహిస్తారు.

ఒకరోజు భౌతికశాస్త్రం, మరోరోజు జీవశాస్త్రం పేపర్‌ పరీక్ష నిర్వహిస్తారు. శనివారం విద్యాశాఖపై సీఎం రేవంత్‌రెడ్డి ఉన్నత స్థాయి సమీక్ష నిర్వహించగా, ఆ శాఖ అధికారుల పదోతరగతి పరీక్షల షెడ్యూల్‌ను సీఎం ముం దుంచారు. ఈ సందర్భంగా మార్చి 18 నుంచి ఏప్రిల్‌ 2వ తేదీ వరకు రూపొందించిన షెడ్యూల్‌ను సీఎం ఆమోదించగా, పరీక్షల విభాగం అధికారులు షెడ్యూల్‌ను విడుదల చేశారు.

• సైన్స్‌లో రెండు సబ్జెక్టులు మినహా మిగతా ఐదు పేపర్లకు పరీక్షను ఉదయం 9.30 గంటల నుంచి మధ్యాహ్నం 12.30 గంటల వరకు మూడు గంటలపాటు పరీక్ష నిర్వహిస్తారు.
• సామాన్య పార్ట్‌-1 ఫిజికల్‌ సైన్స్‌ పేపర్‌, పార్ట్‌-2 జీవశాస్త్రం పేపర్‌కు ఉదయం 9.30 నుంచి 11 గంటల వరకు కేవలం గంటన్నర పాటే పరీక్షను నిర్వహిస్తారు.
• అన్ని పేపర్లకు ఆబ్జెక్టివ్‌ పేపర్‌ను (పార్ట్‌-బీ) చివరి అరగంటలో ఇస్తారు.