e-Paper

Advertisement

E-Paper

Apps

Book Your Copy

Visit Telangana Today

Tuesday, January 25, 2022
Home News 12 ఏండ్లకే టెన్త్‌ రాయొచ్చు

12 ఏండ్లకే టెన్త్‌ రాయొచ్చు

  • ఏజ్‌ తక్కువున్నా అవకాశం
  • రెండేండ్ల వయసు సడలింపు
  • ముందుగా దరఖాస్తు చేస్తేనే చాన్స్‌
  • మార్చి 3 వరకు ఎస్సెస్సీ పరీక్ష ఫీజు గడువు

హైదరాబాద్‌, జనవరి 14 : పదో తరగతి వార్షిక పరీక్షలు (ఎస్సెస్సీ) రాసే విద్యార్థులకు ప్రభుత్వం వయో పరిమితిలో వెసులుబాటు కల్పించింది. ప్రస్తుతం ఎస్సెస్సీ పరీక్షలు రాయాలంటే 14 ఏండ్లు నిండి ఉండాలి. కానీ 14 ఏండ్లు లేకపోయినా పరీక్షలు రాసేందుకు కొన్ని నిబంధనలు అనుమతిస్తున్నాయి. రెండేండ్ల వరకు మినహాయింపులతో పరీక్షలు రాసుకొనే అవకాశమున్నది. 2022లో జరిగే ఎస్సెస్సీ పరీక్షల ఫీజు చెల్లింపు షెడ్యూల్‌ ఇటీవలే విడుదలయ్యింది. మార్చి 3 వరకు ఫీజులను చెల్లించవచ్చు. ఈ ఏడాది ఎస్సెస్సీ పరీక్షలకు హాజరుకాబోయే విద్యార్థులు 31-8-2007కు ముందు జన్మించి ఉండాలి. అంటే 14 ఏండ్లు దాటి ఉండాలి. అయితే సర్కారు స్కూళ్లల్లో చదువుతున్నవారికి సంబంధిత పాఠశాల ప్రధానోపాధ్యాయుడు ఏడాదిన్నర వరకు, ప్రభుత్వ పరీక్షల విభాగం డైరెక్టర్‌ రెండేండ్ల వరకు వయోపరిమితిలో మినహాయింపు ఇవ్వవచ్చు. ప్రైవేటు స్కూల్‌ విద్యార్థులకు జిల్లా విద్యాశాఖాధికారి (డీఈవో) ఏడాదిన్నర, ప్రభుత్వ పరీక్షల విభాగం డైరెక్టర్‌ రెండేండ్ల వరకు మినహాయింపు ఇచ్చే అధికారం ఉన్నది. వయస్సు మినహాయంపు కోసం విద్యార్థులు రూ. 300 చలానా, మెడికల్‌ సర్టిఫికెట్‌, పుట్టిన తేదీ ధ్రువీకరణ పత్రాలను సమర్పించాలని ఎస్సెస్సీ బోర్డు అధికారులు సూచించారు.

  • మరి కొన్ని మినహాయింపులు..
  • ఎస్సీ, ఎస్టీ, బీసీ, గ్రామీణ ప్రాంత విద్యార్థుల వార్షికాదాయం రూ.24 వేల లోపు ఉన్నట్టు ఆదాయ ధ్రువీకరణ పత్రం సమర్పిస్తే మొత్తం పరీక్ష ఫీజు రాయితీ పొందవచ్చు. ఇలా రూ.125 ఫీజు రాయితీ వర్తిస్తుంది.
  • డిస్‌లెక్సియాతో బాధపడే విద్యార్థులకు ( చదవడం, రాయడం, నేర్చుకోవడంతో ఇబ్బందిపడేవారు. మెదడు సంబంధ రుగ్మతలు గలవారు) మూడో భాష నుంచి మినహాయింపు ఉంటుంది. స్ర్కైబ్‌ను (పరీక్షలో సహాయకుడిగా మరొకరిని) ఉపయోగించుకోవచ్చు. వీరికి ప్రతీ పేపర్‌కు 60 నిమిషాల సమయం అదనంగా ఇస్తారు.
  • మూగ, చెవిటి, అంధత్వం ఉన్న విద్యార్థుల పాస్‌ మార్కులు 35 నుంచి 20 మార్కులకు తగ్గించారు. అంధులు స్కైబ్‌ను ఉపయోగించుకోవచ్చు.
  • మూగ, చెవిటి విద్యార్థులు ఏవైనా రెండు భాషల నుంచి మినహాయింపు పొందవచ్చు. వీరికి ప్రతీ పేపర్‌కు అదనంగా 30 నిమిషాల సమయం ఇస్తారు. వీరంతా ముందుగా ప్రభుత్వ పరీక్షల విభాగం డైరెక్టర్‌కు దరఖాస్తు చేసుకోవాలి. అనుమతి వచ్చిన తర్వాత దరఖాస్తు చేయడమే కాకుండా నామినల్‌ రోల్స్‌లో వివరాలను పేర్కొనాలి.
- Advertisement -
- Advertisement -
Advertisement

Most Viewed

-Advertisement-

తాజావార్తలు

Advertisement

ట్రెండింగ్‌

Advertisement