Redco-Y Satish Reddy | అరవింద్ సభ్యత్వం రద్దు చేయాలి.. ఈసీని డిమాండ్ చేసిన రెడ్కో చైర్మన్ సతీశ్ రెడ్డి
Redco-Y Satish Reddy | నిజామాబాద్ ఎంపీ ధర్మపురి అరవింద్ లోక్ సభ సభ్యత్వాన్ని రద్దు చేయాలని కేంద్ర ఎన్నికల సంఘాన్ని తెలంగాణ రెడ్కో చైర్మన్ వై సతీశ్ రెడ్డి డిమాండ్ చేశారు.
Redco-Y Satish Reddy | నిజామాబాద్ ఎంపీ ధర్మపురి అరవింద్ సభ్యత్వాన్ని రద్దు చేయాలని తెలంగాణ రెడ్కో చైర్మన్ వై సతీశ్ రెడ్డి డిమాండ్ చేశారు. గత ఎన్నికల్లో ఆయన విజయంపై విచారణకు ఆదేశించాలని మంగళవారం ఓ ప్రకటనలో డిమాండ్ చేశారు. నిజామాబాద్ ఎంపీ ధర్మపురి అరవింద్ చేసిన వ్యాఖ్యలు అనేక అనుమానాలకు తావిస్తున్నాయన్నారు. `మీరు నోటాకి ఓటు వేసినా నేనే గెలుస్తాను.. మీరు కారుకి ఓటు వేసినా నేనే గెలుస్తాను.. మీరు కాంగ్రెస్ పార్టీకి ఓటు వేసినా నేనే గెలుస్తా.. మీరు దేనికి ఓటు వేసినా ఓటు పడేది మాత్రం బీజేపీకే` అని బీజేపీ ఎంపీ అర్వింద్ స్వయంగా బహిరంగంగా చెప్పారు.
అరవింద్ వ్యాఖ్యలను బట్టి చూస్తే ఎలక్షన్ కమిషన్పై అనుమానాలు కలుగుతున్నాయని వై సతీశ్ రెడ్డి వ్యాఖ్యానించారు. గతంలో జరిగిన ఎన్నికలు, బీజేపీ గెలుపుపైనా అనేక సందేహాలు కలుగుతున్నాయని పేర్కొన్నారు. ఎలక్షన్ కమిషన్ నిష్పక్షపాతంగా వ్యవహరిస్తున్నట్లయితే వెంటనే ఈ అంశాన్ని సుమోటోగా స్వీకరించి, ధర్మపురి అరవింద్ లోక్సభ సభ్యత్వాన్ని రద్దు చేయాలన్నారు. ఇకపై జరిగే ఎన్నికల్లో పోటీ చేయకుండా అనర్హుడిగా ప్రకటించాలని డిమాండ్ చేశారు. గత ఎన్నికల్లో ఎలా గెలిచాడనే దానిపై విచారణకు ఆదేశించాలన్నారు.
ఇప్పటికే ఎన్నికలలో బీజేపీ గెలిచిన స్థానాలు కూడా అడ్డదారిలోనే గెలిచారా అనే అనుమానాలు ఉన్నాయని రెడ్కో చైర్మన్ సతీశ్ రెడ్డి పేర్కొన్నారు. వచ్చే పార్లమెంట్ ఎన్నికల్లో, అసెంబ్లీ ఎన్నికల్లో బీజేపీ ఒక్క స్థానం గెలిచినా అది తప్పుడు విధానాల్లో గెలిచినట్లేనని భావించాల్సి ఉంటుందని స్పష్టం చేశారు.
ఇప్పటికే దేశంలోని స్వతంత్ర సంస్థలన్నింటిని ప్రధాని మోదీ పూర్తిగా తన చెప్పు చేతుల్లో పెట్టు కున్నారని సతీశ్ రెడ్డి ఆరోపించారు. పూర్తిగా స్వేచ్ఛగా పనిచేయాల్సిన ఎలక్షన్ కమిషన్ కూడా మోదీ పంజరంలోని చిలక మారిపోయిందని ఆరోపణలు ఉన్నాయన్నారు.. ఈవీఎంల ట్యాంపరింగ్ జరిగే అవకాశాలు ఉన్నాయని గతంలోనే నిపుణులు అనుమానాలు వ్యక్తం చేశారని గుర్తు చేశారు. ఇప్పుడు అరవింద్ మాటలతో అది పూర్తిగా నిజమేననిపిస్తున్నదన్నారు. కనుక దీనిపై కేంద్ర ఎన్నికల సంఘం వెంటనే స్పందించాలని కోరారు. లేకపోతే ఎలక్షన్ కమిషన్ విషయంలో జరుగుతున్న ప్రచారం నిజమేనని యావత్ దేశం భావించాల్సి ఉంటుందన్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు
‘ఏఐటీయూసీ జాతీయ మహాసభలను జయప్రదం చేయండి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

