మోదీ దీనికి బదులేది?

తెలంగాణ పట్ల మొదట్నుంచీ ఎందుకు చిన్నచూపు చూస్తున్నారని తెలంగాణ సమాజం ప్రశ్నిస్తున్నది. తమ దగ్గర పన్నులు తీసుకొని.. ఇతర రాష్ర్టాలకు ఎందుకు పంచుతున్నారని నిలదీస్తున్నది. తెలంగాణలో ఏర్పాటుచేస్తామని ప్రకటించిన తరువాత ఇతర రాష్ర్టాలకు తరలించిన సంస్థల గురించి ప్రశ్నిస్తున్నది. ఈ ప్రశ్నలకు మోదీ పరివారం జవాబు చెప్పాలని నిగ్గదీసి అడుగుత్నుది

10.07.2017
భారతదేశాన్ని పరివర్తన చెందింపజేసే చోదక శక్తులు రాష్ర్టాలే.. పరిపాలన ప్రక్రియలో ప్రాథమ్య నిర్దేశానికి, దానిని సాధించడానికి ఎంతో ప్రాధాన్యమున్నది. సమస్యలకు, సవాళ్లకు ఉత్తమ పరిష్కారాలను అందించగల రాష్ర్టాల అనుభవాల నుంచి మనం నేర్చుకోవలసింది ఎంతో ఉన్నది. సవాళ్లను అధిగమించడానికి అగ్రగామి రాష్ర్టాల ప్రభుత్వాల దగ్గర సమిష్టి దార్శనికత ఉంటుంది. –  – న్యూఢిల్లీలో ప్రధాని మోదీ

రాష్ర్టాలు.. వాటి ప్రాధాన్యంపై ప్రధాని మోదీ చిలుకపలుకులివి. కానీ.. ఆయన దృష్టిలో రాష్ర్టాలు అంటే.. తమ పార్టీ బీజేపీ పాలిత రాష్ర్టాలేనని అర్థం. తాను కూడా తమ పార్టీ పాలిత రాష్ర్టాలకే ప్రధాని అని అనుకొంటున్నారు కాబట్టే.. దేశవ్యాప్తంగా పన్నుల రూపంలో సమీకరించిన నిధులను కొన్ని రాష్ర్టాలకే దోచిపెడుతున్నారని తెలంగాణ సమాజం అంటున్నది.

తెలంగాణ పట్ల మొదట్నుంచీ ఎందుకు చిన్నచూపు చూస్తున్నారని తెలంగాణ సమాజం ప్రశ్నిస్తున్నది. తమ దగ్గర పన్నులు తీసుకొని.. ఇతర రాష్ర్టాలకు ఎందుకు పంచుతున్నారని నిలదీస్తున్నది. తెలంగాణలో ఏర్పాటుచేస్తామని ప్రకటించిన తరువాత ఇతర రాష్ర్టాలకు తరలించిన సంస్థల గురించి ప్రశ్నిస్తున్నది. ఈ ప్రశ్నలకు మోదీ పరివారం జవాబు చెప్పాలని నిగ్గదీసి అడుగుత్నుది.

1. హైదరాబాద్‌లో ఏర్పాటు చేస్తామన్న అంతర్జాతీయ సంప్రదాయ వైద్య కేంద్రాన్ని గుజరాత్‌కు ఎందుకు తరలించుకుపోయారు?
2. గుజరాత్‌, కర్ణాటకల్లో వరదలు వస్తే పరిగెత్తుకొంటూపోయి నిధుల వరదను పారించిన మోదీ..
   హైదరాబాద్‌ విషయంలో ఎందుకు వివక్ష చూపారు?
3. కర్ణాటకలో, మధ్యప్రదేశ్‌లోని ప్రాజెక్టులకు జాతీయ హోదా ఇచ్చిన కేంద్రం తెలంగాణలో ఒక్క ప్రాజెక్టుకు కూడా ఎందుకు ఇవ్వలేదు?
4. కర్ణాటకలో ఇండస్ట్రియల్‌ స్మార్ట్‌ సిటీ, ఎకనామిక్‌ కారిడార్‌, టెక్స్‌టైల్‌ మెగా క్లస్టర్‌, బయో క్లస్టర్‌లను ఏర్పాటు చేసిన కేంద్రం.. తెలంగాణకు ఒక్కటంటే ఒక్కటి ఎందుకు కేటాయించలేదు?
5. యూపీకి రూ.55,563 కోట్ల ప్రాజెక్టులను మంజూరు చేసిన మోదీ.. తెలంగాణలో ఒక్క ప్రాజెక్టుకైనా పైసా సాయం ఎందుకు చేయలేదు?
6. గుజరాత్‌లో, యూపీలో యూని వర్సిటీలకు జాతీయ హోదాలు కట్టబెట్టిన మోదీ.. తెలంగాణలో ఒక్క ఉన్నత విద్యాసంస్థ జాతీయ హోదాకు అర్హమైనదిగా కనిపించలేదా?
7. గుజరాత్‌కు బుల్లెట్‌ ట్రైన్‌ను తీసుకొని పోయిన ప్రధాని మోదీ.. తెలంగాణలో కనీసం పెండింగ్‌ రైల్వే ప్రాజెక్టులనైనా ఎందుకు పూర్తిచేయలేదు?
8. గుజరాత్‌కు గ్రీన్‌ఫీల్డ్‌ ఎయిర్‌పోర్ట్‌ను అప్పనంగా ఇచ్చిన మోదీ.. తెలంగాణకు ఆరు డొమెస్టిక్‌ విమానాశ్రయాలను క్లియర్‌ చేయడంలో ఎందుకు వివక్ష ప్రదర్శిస్తున్నారు?
9. తెలంగాణకు రెండు ఇండస్ట్రియల్‌ కారిడార్లకోసం తెలంగాణ ప్రతిపాదనలను ఎందుకు ఆమోదించడంలేదు?
10. రక్షణ భూములు కావాలని కర్ణాటక అడిగిందే తడవుగా ఇచ్చిన మోదీ.. హైదరాబాద్‌లో స్కైవేల నిర్మాణం కోసం రక్షణ భూములు కావాలని విజ్ఞప్తి చేసినప్పటికీ ఎందుకు ఇవ్వడం లేదు?

తెలంగాణ సమాజం నిగ్గదీసి అడుగుతున్నది.. మోదీ కార్యవర్గం ఏం జవాబు చెప్తుంది?