Engineering students | వేసవి మంట.. విద్యార్థులకు తంటా..సమ్మర్ సెలవుల్లేక విద్యార్థుల విలవిల
రాష్ట్రంలో పగటి ఉష్ణోగ్రతలు ఠారెత్తిస్తున్నాయి. 43-45 డిగ్రీల మధ్య నమోదవుతున్నాయి. ముఖ్యంగా ఉదయం 10 గంటలు దాటిందంటే బయట అడుగుపెట్టాలంటేనే జనం జంకుతున్నారు. పరిస్థితులిలా ఉంటే.. రాష్ట్రంలోని డిగ్రీ, ఇంజినీరింగ్ విద్యార్థులకు తంటాలు తప్పడంలేదు. పాఠశాల, ఇంటర్ విద్యార్థులకు సర్కార్ వేసవి సెలవులిచ్చింది.
- తరగతి గదుల్లో ఉడికిపోతున్న విద్యార్థులు
- సమ్మర్ సెలవుల్లేక విద్యార్థుల విలవిల
- ఈ పరిస్థితుల్లో ఇంజినీరింగ్, డిగ్రీ విద్యార్థులకు పరీక్షలు
హైదరాబాద్, ఏప్రిల్ 24 (నమస్తే తెలంగాణ) : రాష్ట్రంలో పగటి ఉష్ణోగ్రతలు ఠారెత్తిస్తున్నాయి. 43-45 డిగ్రీల మధ్య నమోదవుతున్నాయి. ముఖ్యంగా ఉదయం 10 గంటలు దాటిందంటే బయట అడుగుపెట్టాలంటేనే జనం జంకుతున్నారు. పరిస్థితులిలా ఉంటే.. రాష్ట్రంలోని డిగ్రీ, ఇంజినీరింగ్ విద్యార్థులకు తంటాలు తప్పడంలేదు. పాఠశాల, ఇంటర్ విద్యార్థులకు సర్కార్ వేసవి సెలవులిచ్చింది. డిగ్రీ, ఇంజినీరింగ్ విద్యార్థులకు సమ్మర్ సెలవుల్లేక విద్యార్థులు విలవిల్లాడుతున్నారు.
సెమిస్టర్ ఎగ్జామ్స్ కూడా ఉండటంతో ఉక్కపోతల మధ్యే పిల్లలు పరీక్షలు రాయాల్సి వస్తుంది. విద్యార్థులు తరగతి గదుల్లో ఉడికిపోతున్నారు. ఫ్యాకల్టీ చెప్పిన పాఠాలను బుర్రకెక్కించుకోలేకపోతున్నారు. కొందరు విద్యార్థులు వడదెబ్బ బారినపడుతున్నారు. అధికారులు అడ్మిషన్లు త్వరగా పూర్తిచేసి, విద్యాసంవత్సరాన్ని ముందుకు జరిపి, మే మాసంలో సెలవులివ్వాలని తల్లిదండ్రులు కోరుతున్నారు.
కొన్ని ఉదాహరణలిలా..
- ఓల్డ్ బాంబే రోడ్డులోని ఓ మహిళా కాలేజీలోని విద్యార్థులు ఎండవేడికి తాళలేక పోర్ట్బల్ ఫ్యాన్లు వెంట తీసుకెళుతున్నారు. ఈ కాలేజీలో సగం విద్యార్థులు పోర్టబుల్ ఫ్యాన్లను వెంట తెచ్చుకుంటున్నారట.
- గ్రేటర్లోని ఓ కాలేజీలో చదివే విద్యార్థి ఒకరు రోజుకు రెండు లీటర్ల వాటర్ బాటిల్ను వెంట తీసుకెళుతున్నారు. ఇవి సరిపోక మళ్లీ కాలేజీలో రెండు లీటర్ల నీళ్లను కొనుక్కోవాల్సి వస్తుందని విద్యార్థుల తల్లిదండ్రులు ఆరోపిస్తున్నారు.
- బాచుపల్లిలోని వీఎన్నార్ విజ్ఞాన జ్యోతి కాలేజీలో ఇంకా క్లాసులు జరుగుతున్నాయి. మే రెండో వారం వరకు క్లాసులు జరుగనున్నాయి. ముఖ్యంగా మధ్యాహ్నం పూట అయితే విద్యార్థుల అవస్థలు అన్నీ ఇన్నీ కావు.
- నారాయణమ్మ ఇంజినీరింగ్ కాలేజీలో మే నెలలోనూ తరగతులు జరుగనున్నాయి. ఈ కాలేజీలో ఫస్టియర్ క్లాసులను పై అంతస్తులో నిర్వహిస్తున్నారు. అదే చివరి అంతస్తు కావడం, 40 డిగ్రీల ఉష్ణోగ్రతలు దాటడంతో విద్యార్థులు అల్లాడిపోతున్నారు.
- కొన్ని కాలేజీల్లో ఇంజినీరింగ్, డిగ్రీ సెమిస్టర్ పరీక్షలు జరుగుతున్నాయి. పరీక్షలను తప్పనిసరిగా రాయాల్సి ఉండటం, మధ్యాహ్నం పూట ఎండ తీవ్రంగా ఉండటంతో తట్టుకోలేకపోతున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

