‘చేనేత’ మిత్తికి మంగళం.. చేనేత రుణమాఫీపై సర్కారు తిరకాసు!
చేనేత రుణమాఫీ హామీపైనా కాంగ్రెస్ సర్కార్ తిరకాసు పెడుతున్నది. అసలుకే మాఫీ చేసి, మిత్తికి మంగళం పాడేందుకు సిద్ధమైంది. ఈ మేరకు చేనేత రుణమాఫీపై జరుగుతున్న కసరత్తులో ఈ విషయం బయటపడింది. దీంతో లక్ష లోపు రుణాలు పొందిన చేనేత కార్మికులు లబోదిబోమంటున్నారు.
- అసలుకే రుణమాఫీ అంటున్న ఆఫీసర్లు
- చేనేతలకు రుణమాఫీపై చేపట్టిన కసరత్తు
- మిత్తితో సహా రుణాలను మాఫీ చేయండి..
- గగ్గోలు పెడుతున్న చేనేత కార్మికులు
హైదరాబాద్, జూన్ 27 (నమస్తే తెలంగాణ) : చేనేత రుణమాఫీ హామీపైనా కాంగ్రెస్ సర్కార్ తిరకాసు పెడుతున్నది. అసలుకే మాఫీ చేసి, మిత్తికి మంగళం పాడేందుకు సిద్ధమైంది. ఈ మేరకు చేనేత రుణమాఫీపై జరుగుతున్న కసరత్తులో ఈ విషయం బయటపడింది. దీంతో లక్ష లోపు రుణాలు పొందిన చేనేత కార్మికులు లబోదిబోమంటున్నారు. రాష్ట్రంలోని చేనేత కార్మికులకు రూ.ఒక లక్ష లోపు రుణం తీసుకున్న వారికి మాఫీ చేస్తామని ఎన్నికల ముందు కాంగ్రెస్ హామీ ఇచ్చింది. కానీ, బ్యాంకుల నుంచి పొందిన రుణంలో అసలు మాత్రమే మాఫీ చేయడానికి చర్యలు చేపట్టినట్టు తెలుస్తున్నది. అసలుపై పెరిగిన వడ్డీని రుణగ్రహీత తిరిగి బ్యాంకులకు చెల్లిస్తేనే రుణం పొందిన అసలు సొమ్ము మాఫీ జరుగుతుందని అధికారులు తేల్చి చెప్తున్నారు. ఈ మేరకు ఆయా బ్యాంకులకు ఆదేశాలను జారీ చేస్తున్నారు.
బ్యాంకులు సైతం ప్రభుత్వ ఆదేశాల ప్రకారం లెక్కలు కడుతున్నారు. రూ.1 లక్ష లోపు రుణం పొందిన వారి లెక్కలు తీస్తున్నారు. వారి అర్హతల గురించి క్షేత్ర స్థాయిలో తనిఖీలు చేస్తున్నారు. ఉదా:ఒక చేనేత కార్మికుడు తన అవసరాల కోసం బ్యాంకు నుంచి రూ.90,000 రుణం తీసుకున్నారు. దానికి మిత్తి దాదాపు రూ.25,000 అయింది. అసలు, మిత్తి కలిపితే రూ.1.15 లక్షలు మొత్తం కార్మికుడు బ్యాంకుకు చెల్లించాలి. కానీ, ప్రభుత్వం ఇందులో తిరకాసు పెట్టింది. బ్యాంకు నుంచి పొందన రుణం రూ.90,000కే రుణమాఫీ జరుగుతుందని తేల్చింది. మిత్తి సొమ్ము రూ.25,000 ఆ చేనేత కార్మికుడే బ్యాంకుకు చెల్లించాల్సి ఉంటుంది.
6,600 మంది కార్మికులు.. 33 కోట్లు
రాష్ట్రంలో రూ.1 లక్ష లోపు చేనేత రుణమాఫీ కోసం రూ.33 కోట్లు అవసరం అవుతాయని, 6,600 మంది కార్మికులు ఉన్నట్టు అధికారులు ప్రాథమికంగా అంచనా వేశారు. ఈ రూ.33 కోట్లను కూడా ఎలా తగ్గించాలి? అన్న లెక్కలు వేస్తున్నట్టు అర్థమవుతున్నది. అందులో భాగంగానే రుణమాఫీలో అనేక ఆంక్షలు పెట్టాలని నిర్ణయించినట్టు తెలిసింది. అసలు, మిత్తి కలిపి మొత్తం సొమ్మును మాఫీ చేయాలని చేనేత కార్మిక సంఘం నాయకుడు చెరుకు స్వామి ప్రభుత్వాన్ని డిమాండ్ చేశారు. లేదంటే స్థానిక ఎన్నికల్లో సత్తా చాటుతామని హెచ్చరిస్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
HBA1C | 3 నెలల సగటు చక్కెర స్థాయిలను తెలిపే హెచ్బీఏ1సీ పరీక్ష నిజమైన ఫలితాలనే ఇస్తుందా..?
Keerthy Suresh | కీర్తి సురేశ్ ‘సత్యవాన్ సావిత్రి’కి ఊహించని ఓపెనింగ్స్.. తొలి రోజే షాక్!
Allu Aravind | అల్లు సినిమాస్లో టికెట్ల బ్లాకింగ్పై ప్రేక్షకుల ఆగ్రహం.. వెంటనే వీడియో కాల్ చేసిన అల్లు అరవింద్,అక్కడికక్కడే కీలక నిర్ణయం!
Salman Khan | చిరంజీవి, వెంకటేశ్, రామ్ చరణ్, ఎన్టీఆర్ సినిమాల్లో ఛాన్స్ ఇస్తే రెడీ.. టాలీవుడ్ హీరోలపై సల్మాన్ ఖాన్ ఆసక్తికర వ్యాఖ్యలు!
Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

