పరస్పర బదిలీలకు నేటి నుంచి దరఖాస్తులు

ఆరోగ్య పరమైన సమస్యలు, ప్రజా సమస్యలపై ట్విట్టర్‌లో వచ్చే ఫిర్యాదులపై రాష్ట్ర ఐటీ, మున్సిపల్‌ శాఖ మంత్రి కేటీఆర్‌ వెంటనే స్పందిస్తుంటారు. చిన్న పిల్లలు మొదలు పెద్దల వరకు ఎలాంటి శస్త్రచికిత్స, వైద్య సాయం కావాలన్న కేటీఆర్‌ కార్యాలయం నుంచి అవసరమైన సాయం అందిస్తుంటారు. దీనిపై బెంగళూరుకు చెందిన వెంకట్‌ అనే వ్యక్తి ‘మీకు బంగారం లాంటి హృదయం

• ఐఎఫ్‌ఎంఐఎస్‌ పోర్టల్‌లో స్వీకరణ
• 15 వరకు గడువు విధింపు
• ఒక్కరికే కన్సెంట్‌ ఇచ్చే చాన్స్‌

హైదరాబాద్‌, ఫిబ్రవరి 28 : రాష్ట్రంలో ఉద్యోగ, ఉపాధ్యాయుల పరస్పర బదిలీల ప్రక్రియ మంగళవారం నుంచి ప్రారంభంకానుంది. ఇందుకు దరఖాస్తులను ఐఎఫ్‌ఎంఐఎస్‌ పోర్టల్‌ ద్వారా ఆన్‌లైన్‌లో స్వీకరించనున్నారు. ఈ నెల 15 వరకు గడువు విధించారు. పరస్పర బదిలీ ప్రక్రియలో ఒక ఉద్యోగి ఒక్కరికే కన్సెంట్‌ ఇచ్చే అవకాశం కల్పించారు. ఉద్యోగులు, ఉద్యోగ సంఘాల విజ్ఞప్తి మేరకు మ్యూచువల్‌ ట్రాన్స్‌ఫర్లకు అంగీకరించిన ప్రభుత్వం ఫిబ్రవరి 2న ఆ మేరకు జీవో జారీచేసింది. ఉద్యోగుల విజ్ఞప్తి మేరకు ఉమ్మడి జిల్లా పరిధిలో పరస్పర బదిలీ కోరుకున్న వారికి సీనియార్టీలో రక్షణ కల్పిస్తూ ఉత్తర్వులిచ్చింది. ఈ నేపథ్యంలో దరఖాస్తుల సంఖ్య పెరిగే అవకాశముంటుందని అధికారులు భావిస్తున్నారు.

పరస్పర బదిలీలకు మార్గదర్శకాలు:

• పరస్పర బదిలీ కోరుకునే ఇద్దరు ఉద్యోగుల్లో కనీసం ఒక్కరైనా జీవో -317 ద్వారా బదిలీ అయి ఉండాలి.
• ఒక్కరికి మాత్రమే కన్సెంట్‌ ఇవ్వాలి.
• ఆన్‌లైన్‌లో మాత్రమే దరఖాస్తు చేసుకోవాలి. హార్డ్‌కాపీని జిల్లా, జోనల్‌ హెడ్‌ ద్వారా హెచ్‌వోడీకి పంపాలి. ఒకసారి సమర్పించిన దరఖాస్తునే అనుమతిస్తారు. ఆపై ఎలాంటి దరఖాస్తులను అంగీకరించరు.
• ఏ పోస్టులో ఉన్న వారు అదే పోస్టులో ఉన్నవారితో పరస్పర బదిలీకి దరఖాస్తు చేసుకోవాలి. సీనియర్‌ అసిస్టెంట్‌గా ఉన్నవారు జూనియర్‌ అసిస్టెంట్‌ పోస్టుకు దరఖాస్తు చేయరాదు. అలాగే టీచర్లు.. ఇంగ్లిష్‌ మీడియం టీచర్‌ తెలుగు మీడియం పోస్టుకు దరఖాస్తు చేసుకొనే అవకాశం లేదు. వ్యవసాయశాఖ సూపరింటెండెంట్‌.. పంచాయతీరాజ్‌ శాఖలో సూపరింటెండెంట్‌ పోస్టుకు దరఖాస్తు చేయరాదు.
• ఒకే మేనేజ్‌మెంట్‌, ఒకే క్యాటగిరీ, సబ్జెక్టు, మీడియంలో పనిచేస్తున్న ఉపాధ్యాయులు, హెచ్‌ఎంలు మాత్రమే పరస్పర బదిలీకి అర్హులు.
  కోర్టు ఉత్తర్వులతో ప్రస్తుత క్యాడర్‌లో కొనసాగుతున్న వారు, సస్పెన్షన్‌లో ఉన్న వారు, క్రమశిక్షణ చర్యలు ఎదుర్కొంటున్న వారు పరస్పర బదిలీకి అనర్హులు. అలాంటివారిని అనుమతించరు.
• ఉమ్మడి జిల్లా పరిధిలో పరస్పరం బదిలీ అయితే ఆయా ఉద్యోగి పాత సీనియార్టీని కొత్త జిలాలో కొనసాగిస్తారు. అదే ఉమ్మడి జిల్లా మారితే మాత్రం సీనియార్టీ కోల్పోయి, జూనియర్‌గా కొనసాగాల్సి ఉంటుంది.