13 మందిపై క్రమశిక్షణ చర్యలు
ఇబ్రహీంపట్నం కమ్యూనిటీ హెల్త్‌ సెంటర్‌ (సీహెచ్‌సీ)లో గత నెల 25న కుటుంబ నియంత్రణ ఆపరేషన్లు వికటించిన ఘటనపై రాష్ట్ర ప్రభుత్వం తీవ్రంగా స్పందించింది. రంగారెడ్డి జిల్లా డీఎంహెచ్‌వో, డీసీహెచ్‌ఎస్‌పై బదిలీవేటు వేసింది. వీరితోసహా మొత్తం 13 మందిపై క్రమశిక్షణ చర్యలకు ఆదేశించింది. సర్జరీ చేసిన డాక్టర్‌పై
- ఇబ్రహీంపట్నం ఘటనపై రాష్ట్ర ప్రభుత్వం సీరియస్‌
- డీఎంహెచ్‌వో, డీసీహెచ్‌వో బదిలీ
- తాజాగా ముగ్గురిపై సస్పెన్షన్‌ వేటు
- సర్జరీ చేసిన డాక్టర్‌పై కేసు
హైదరాబాద్‌, సెప్టెంబర్‌ 24 (నమస్తే తెలంగాణ): ఇబ్రహీంపట్నం కమ్యూనిటీ హెల్త్‌ సెంటర్‌ (సీహెచ్‌సీ)లో గత నెల 25న కుటుంబ నియంత్రణ ఆపరేషన్లు వికటించిన ఘటనపై రాష్ట్ర ప్రభుత్వం తీవ్రంగా స్పందించింది. రంగారెడ్డి జిల్లా డీఎంహెచ్‌వో, డీసీహెచ్‌ఎస్‌పై బదిలీవేటు వేసింది. వీరితోసహా మొత్తం 13 మందిపై క్రమశిక్షణ చర్యలకు ఆదేశించింది. సర్జరీ చేసిన డాక్టర్‌పై క్రిమినల్‌ చర్యలు తీసుకోనున్నది. ఈ ఘటనపై డైరెక్టర్‌ ఆఫ్‌ పబ్లిక్‌ హెల్త్‌ అధ్వర్యంలో సమగ్ర విచారణ జరిపిన బృందం ఇచ్చిన నివేదిక ఆధారంగా వైద్యారోగ్యశాఖ చర్యలు తీసుకొన్నది.
క్రమశిక్షణ చర్యల వివరాలు
- రంగారెడ్డి జిల్లా డీఎంహెచ్‌వో స్వరాజ్యలక్ష్మిని కుటుంబ సంక్షేమశాఖ కమిషనర్‌ కార్యాలయానికి అటాచ్‌ చేశారు. రంగారెడ్డి జిల్లా డీఎంహెచ్‌వోగా మెదక్‌ డీఎంహెచ్‌వో వెంకటేశ్వరరావుకు అదనపు బాధ్యతలు అప్పగించారు.
- డిస్ట్రిక్ట్‌ కోఆర్డినేటర్‌ ఆఫ్‌ హాస్పిటల్‌ సర్వీసెస్‌ (డీసీహెచ్‌ఎస్‌) డాక్టర్‌ ఝాన్సీలక్ష్మిని బదిలీ చేసింది. షాద్‌నగర్‌ సీహెచ్‌సీలో సివిల్‌ సర్జన్‌ స్పెషలిస్ట్‌గా రిపోర్ట్‌ చేయాలని ఆదేశించింది.
- ఇబ్రహీంపట్నం దవాఖానలోని డీపీఎల్‌ క్యాంప్‌ ఆఫీసర్‌ డాక్టర్‌ నాగజ్యోతి, డిప్యూటీ సివిల్‌ సర్జన్‌ డాక్టర్‌ గీత, హెడ్‌నర్స్‌ చంద్రకళను అధికారులు సస్పెండ్‌ చేశారు. మాడుగుల పీహెచ్‌సీ మెడికల్‌ ఆఫీసర్‌ డాక్టర్‌ శ్రీనివాస్‌, సూపర్‌వైజర్లు అలివేలు, మంగమ్మ, మంచాల పీహెచ్‌సీ మెడికల్‌ ఆఫీసర్‌ డాక్టర్‌ కిరణ్‌, సూపర్‌వైజర్‌ జయలత, దండుమైలారం పీహెచ్‌సీ మెడికల్‌ ఆఫీసర్‌ డాక్టర్‌ పూనం, సూపర్‌వైజర్‌ జానకమ్మపై క్రమశిక్షణ చర్యలు తీసుకోవాలని ప్రభుత్వం అధికారులను ఆదేశించింది.
- ఇప్పటికే సస్పెండ్‌ అయిన ఇబ్రహీంపట్నం సీహెచ్‌సీ సూపరింటెండెంట్‌ డాక్టర్‌ శ్రీధర్‌పైనా క్రమశిక్షణ చర్యలు తీసుకోవాలని ఆదేశించింది.
- సర్జరీలు చేసిన డాక్టర్‌ జోయెల్‌ సునీల్‌కుమార్‌పై క్రిమినల్‌ చర్యలు తీసుకోవాలని ఆదేశాలు జారీ చేసింది.
- రంగారెడ్డి జిల్లా డీసీహెచ్‌ఎస్‌గా కొండాపూర్‌ ఏరియా దవాఖాన సూపరింటెండెంట్‌ డాక్టర్‌ వరదాచారికి అదనపు బాధ్యతలు అప్పగించింది.
13 మార్గదర్శకాలు జారీ
- ఇబ్రహీంపట్నం తరహా ఘటనలు పునరావృతం కాకుండా వైద్యారోగ్యశాఖ 13 మార్గదర్శకాలు జారీ చేసింది. వీటిని పీహెచ్‌సీలు మొదలు అన్ని స్థాయిల దవాఖానల్లో తప్పనిసరిగా పాటించాలని స్పష్టం చేసింది.
- దవాఖాన సేవల్లో భాగంగానే కుటుం బ నియంత్రణ ఆపరేషన్లు చేయాలి.
- నిర్ణయించిన తేదీన మాత్రమే సర్జరీ చేయాలి. తర్వాత 24 గంటలపాటు విధిగా అబ్జర్వేషన్‌లో ఉంచాలి.
- ఆపరేషన్‌ చేయించుకొనేవారు ముం దుగా నిర్ణయించిన క్యాలెండర్‌లో వారికి ఇష్టం ఉన్న రోజున రావొచ్చు.
- డిశ్చార్జ్‌ అయి ఇంటికి వెళ్ళిన పేషెంట్‌ ఆరోగ్య పరిస్థితిని సంబంధిత దవాఖాన సూపర్‌వైజర్‌ 24గంటల్లోగా ఒకసారి, వారంలోగా మరో రెండుసార్లు వెళ్లి తెలుసుకోవాలి.
- సంబంధిత పీహెచ్‌సీ మెడికల్‌ ఆఫీసర్‌ కూడా వారి పరిధిలోని ఆపరేషన్‌ చేయించుకొన్న వారందరినీ రెండు రోజుల్లోగా వెళ్లి పరిశీలించాలి. సూపర్‌వైజర్‌ స్వయంగా పేషెంట్లను మానిటర్‌ చేస్తున్నారా? లేదా? అనేది మెడికల్‌ ఆఫీసర్‌ చూసుకోవాలి.
- ప్రి ఆపరేటివ్‌, ఇంట్రా ఆపరేటివ్‌, పోస్ట్‌ ఆపరేటివ్‌ ప్రమాణాలు పాటించేలా సూపరింటెండెంట్‌, సర్జన్‌, డీపీఎల్‌ క్యాంప్‌ ఆఫీసర్‌ పర్యవేక్షించాలి.
- ఆపరేషన్ల తర్వాత తలెత్తే సమస్యలను గుర్తు పట్టేలా సూపర్‌వైజర్లకు ఎప్పటికపుడు శిక్షణ తరగతులు నిర్వహించాలి.
- ఏడాదికి ఒకసారి డీపీల్‌ సర్జన్ల నైపుణ్యాన్ని అంచనా వేసే విధంగా ప్రత్యేక వ్యవస్థను ఏర్పాటుచేయాలి.
- కమిషనర్‌ ఆఫీసులోని రాష్ట్రస్థాయి జా యింట్‌ డైరెక్టర్‌ 3 నెలలకు ఒకసారి స్టెరిలైజేషన్‌ మీద కుటుంబ నియంత్ర ణ నిర్వహణ అధికారులు, సర్జన్లు, సిబ్బందితో సమీక్ష నిర్వహించాలి.
- ప్రమాణాలను అనుసరించి ఒకరోజు ఒక దవాఖానలో 30కి మించి ఆపరేషన్లు చేయరాదు.
- ఆయా దవాఖానల్లో ఇన్ఫెక్షన్‌ కంట్రోల్‌ కమిటీ చైర్మన్‌గా ఉన్న సూపరింటెండెం ట్లు ప్రతి సోమవారం ఇన్ఫెక్షన్‌ నివార ణ, నియంత్రణ మీద సమీక్ష చేయాలి.
- బోధన దవాఖానలు, టీవీవీపీ హాస్పిటళ్లలోని ఇన్ఫెక్షన్‌ కంట్రోల్‌ ఆఫీసర్లు, నర్సులకు ఇన్ఫెక్షన్‌ కంట్రోల్‌ నూతన పద్ధతులపై ఎప్పటికప్పుడు నిమ్స్‌ దవాఖానలో శిక్షణ ఇవ్వాలి.
- ఇన్ఫెక్షన్‌ నివారణ ప్రమాణాలు పాటించేవిధంగా డీఎంఈ, టీవీవీపీ కమిషనర్‌ చూసుకోవాలి. ఆపరేషన్‌ థియేటర్లు, ఐసీయూలపై ప్రత్యేక దృష్టి సారించాలి.
Read Today's Latest Telangana News in Telugu and Telugu News
- Follow Us :
-
