రైల్వే ట్రాక్‌ల మరమ్మత్తులు.. నేడు, రేపు పలు రైళ్లు రద్దు

రెండు రోజుల క్రితం హైదరాబాద్‌ సమీపంలో గోదావరి ఎక్స్‌ప్రెస్‌ పట్టాలు తప్పడంతో దక్షిణ మధ్య రైల్వే అప్రమత్తమయింది. రైల్వే ట్రాక్‌ల మరమ్మత్తులు, మెయింటేనెన్స్‌ పనులు చేపట్టింది. ఈనేపథ్యంలో శుక్ర, శనివారాల్లో పలు మార్గాల్లో రైళ్లను పాక్షికంగా రద్దుచేసింది.

హైదరాబాద్‌: రెండు రోజుల క్రితం హైదరాబాద్‌ సమీపంలో గోదావరి ఎక్స్‌ప్రెస్‌ పట్టాలు తప్పడంతో దక్షిణ మధ్య రైల్వే అప్రమత్తమయింది. రైల్వే ట్రాక్‌ల మరమ్మత్తులు, మెయింటేనెన్స్‌ పనులు చేపట్టింది. ఈనేపథ్యంలో శుక్ర, శనివారాల్లో పలు మార్గాల్లో రైళ్లను పాక్షికంగా రద్దుచేసింది. వాటిలో మెదక్-కాచిగూడ, నాందేడ్-ఆదిలాబాద్, మహబూబ్‌నగర్‌-కాచిగూడ, వరంగల్‌-కాచిగూడ, సికింద్రాబాద్‌-వరంగల్‌, చిత్తాపూర్‌-సికింద్రాబాద్ మధ్య నడిచే రైళ్లు ఉన్నాయి.

కాచిగూడ- మెదక్ (07850) మధ్య నడిచే రైలు నేడు, రేపు రద్దు చేస్తున్నట్లు అధికారులు వెల్లడించారు. అదేవిధంగా మెదక్ నుంచి కాచిగూడ (07588) మధ్య నడిచే రైలును ఫిబ్రవరి 17 నుంచి ఈనెల 19 వరకు రద్దు చేశారు. చిత్తూర్‌-సికింద్రాబాద్‌, రాయ్‌చూర్‌-గుంతకల్‌ మధ్య నడిచే రైళ్లు 17, 18 తేదీల్లో నడవవని చెప్పారు.

వీటితోపాటు శుక్రవారం నడవాల్సిన ఆదిలాబాద్-నాందేడ్ (17409), నాదేండ్-ఆదిలాబాద్ (1740), కాచీగూడ-కర్నూల్‌ సిటీ, కర్నూల్‌ సిటీ-కాచిగూడ, చిత్తాపూర్‌-సికింద్రాబాద్‌-చిత్తాపూర్‌, సికింద్రాబాద్‌-వరంగల్‌, వరంగల్‌-హైదరాబాద్‌, కాజిపేట్‌-వరంగల్‌, డోర్నకల్‌-విజయవాడ-డోర్నకల్‌, డోర్నకల్‌-కాజీపేట్‌, విజయవాడ-భద్రాచలం-విజయవాడ, కాచిగూడ-బోధన్‌, బోధన్‌-మహబూబ్‌నగర్‌, గుంతకల్‌-రాయ్‌చూర్‌ రైళ్లను రద్దుచేస్తున్నట్లు అధికారులు తెలిపారు.