బోయపల్లి రైల్వే గేటు వద్ద పల్లి రైతుల ధర్నా.. 4 గంటల పాటు నిలిచిన గూడ్స్‌

పల్లి రైతులు మ రోసారి ఆందోళన బాటపట్టారు. మద్దతు ధర దక్కడం లేదని ఆగ్రహం వ్యక్తంచేస్తూ మంగళవారం మహబూబ్‌నగర్‌లో ధర్నాకు దిగారు. మద్దతు ధర చెల్లించాలని రోడ్డుపై పడుకొని నిరసన తెలిపారు. మహబూబ్‌నగర్‌ రూరల్‌ మండలంతోపాటు నవాబ్‌పేట, గండీడ్‌, మ హ్మదాబాద్‌ మండలాల నుంచి రైతులు వందల క్వింటాళ్ల పల్ల్లిని మార్కెట్‌కు తెచ్చారు.

మహబూబ్‌నగర్‌, జనవరి 28 (నమస్తేతెలంగాణ ప్రతినిధి) : పల్లి రైతులు మ రోసారి ఆందోళన బాటపట్టారు. మద్దతు ధర దక్కడం లేదని ఆగ్రహం వ్యక్తంచేస్తూ మంగళవారం మహబూబ్‌నగర్‌లో ధర్నాకు దిగారు. మద్దతు ధర చెల్లించాలని రోడ్డుపై పడుకొని నిరసన తెలిపారు. మహబూబ్‌నగర్‌ రూరల్‌ మండలంతోపాటు నవాబ్‌పేట, గండీడ్‌, మ హ్మదాబాద్‌ మండలాల నుంచి రైతులు వందల క్వింటాళ్ల పల్ల్లిని మార్కెట్‌కు తెచ్చారు. గరిష్ఠంగా క్వింటాకు 6,190, కనిష్ఠంగా రూ.3,300 ధర నిర్ణయించారు. వ్యాపారులు మాత్రం రూ.5,700 మాత్రమే ఇస్తామని చెప్పడంతో రైతులు కన్నెర్ర చేశారు. దీనికితోడు తక్కువ తూకంతో మోసానికి పాల్పడుతున్నారని, వ్యాపారులు సిండికేట్‌గా మారి తక్కువ ధరకు అడుగుతున్నారని మండిపడ్డారు.

ఓ పక్క ఆందోళన చేస్తుంటే.. మరో పక్క పాలకవర్గంతోపాటు అధికార యంత్రాంగం పట్టించుకోవడం లేదని రైతులు మండిపడ్డారు. చివరకు దిగొచ్చిన మార్కెట్‌ అధికారులు వ్యాపారులతో చర్చించి క్వింటాకు రూ.200 మేర పెంచుతామని హామీ ఇచ్చారు. బుధవారం నుంచి పూర్తిస్థాయిలో కొనుగోలు చేస్తామని ప్రకటించడంతో రైతులు శాంతించారు.