కొత్త జిల్లాలకు అదనపు పోస్టులు సృష్టించాలి.. సీఎంకు ఆర్‌ కృష్ణయ్య లేఖ

రాష్ట్రంలో 2017లో కొ త్త జిల్లాలకు అనుగుణంగా అదనపు పోస్టులను సృష్టించాలని జాతీయ బీసీ సంక్షేమ సంఘం అధ్యక్షుడు, రాజ్యసభ సభ్యుడు ఆర్‌ కృష్ణయ్య రాష్ట్ర ప్రభుత్వాన్ని డిమాండ్‌ చేశారు.

హైదరాబాద్‌, జూలై6 (నమస్తే తెలంగాణ): రాష్ట్రంలో 2017లో కొత్త జిల్లాలకు అనుగుణంగా అదనపు పోస్టులను సృష్టించాలని జాతీయ బీసీ సంక్షేమ సంఘం అధ్యక్షుడు, రాజ్యసభ సభ్యుడు ఆర్‌ కృష్ణయ్య రాష్ట్ర ప్రభుత్వాన్ని డిమాండ్‌ చేశారు. ఈ మేరకు సీఎం రేవంత్‌రెడ్డికి ఆయన లేఖ రాశారు. రాష్ట్రంలో కొత్తగా 23 జిల్లాల ఏర్పాటుతోపాటు వాటిల్లో 40శాఖల జిల్లా కార్యాలయాలు, 131 మండలాలు, 30 రెవెన్యూ డివిజినల్‌ కార్యాలయాలు, 76 మున్సిపాలిటీలు, 7 మున్సిపల్‌ కార్పొరేషన్లు, 25 డీఎస్పీ కార్యాలయాలు, 31పోలీస్‌ సరిళ్లు, 7 పోలీస్‌ కమిషనరేట్లు, 4,383 గ్రామ పంచాయతీలు కొత్తగా ఏర్పడ్డాయని తన లేఖలో పేర్కొన్నారు.

ఆయా కార్యాలయాల్లో గ్రూప్‌-1, గ్రూప్‌-2, గ్రూప్‌-4 సర్వీస్‌ పోస్టులు పెద్ద ఎత్తున అవసరం ఏర్పడ్డాయని, వాటిని వెంటనే మంజూరు చేయాలని కోరారు.