సర్కార్ పై పోరు దద్దరిల్లె ఊరు పోటోలు

ఆకలినైనా సహిస్తం కానీ అన్యాయాన్ని సహించం.. ఇది తెలంగాణ గడ్డ పౌరుషం.. తప్పు జరిగినప్పుడు నిలదీయడం ఈ గడ్డ నైజం.. మాట తప్పినోళ్లని, మాయమాటలు చెప్పినోళ్లని సందర్భం వచ్చినప్పుడల్లా ప్రశ్నించడం ఇక్కడి ప్రజల స్వభావం.

• గ్రామ సభల్లో ప్రజలు సంధించిన ప్రశ్నలు
• అర్హులను వదిలేసి కాంగ్రెస్‌ నాయకులు చెప్పినవారినే ఎందుకు ఎంపిక చేసిండ్రు?
• ప్రజాపాలనలో దరఖాస్తులు తీసుకున్నంక.. ఇప్పుడు గ్రామసభల్లో మళ్లీ ఎందుకు?
• ప్రజాపాలనలో రేషన్‌కార్డుల కోసం ప్రత్యేకంగా తీసుకున్న దరఖాస్తులు ఏమైనయ్‌?
• అసలు రేషన్‌ కార్డుల కోసం దరఖాస్తులు ఎప్పుడు తీసుకున్నరు? ఏ లెక్కన ఎంపిక చేసిండ్రు?
• గుంట భూమి, ఆస్తిపాస్తులు లేకున్నా ఈ ప్రభుత్వ పథకాలు మాకెందుకు వర్తించవు?
• కాంగ్రెస్‌ నాయకులు, కార్యకర్తలే లబ్ధిదారులా? మాలాంటోళ్ల గతి ఏం గావాలె?
• గ్యారెంటీలు ఏమైనయ్‌? పెంచిన పింఛన్లు ఇంకెప్పుడిస్తరు? తులం బంగారం ఏడబోయింది? రైతుభరోసా ఎందుకిస్తలేరు?
• రుణమాఫీ ఏది? మహాలక్ష్మి పైసలేవి? ఇందిరమ్మ ఇండ్లు ఎవరికిస్తున్నరు?
• ఉత్తుత్తి సర్వేలు చేసి ఎందుకు మోసం చేస్తున్నరు?

భరోసా లేదు.. గిరోసా లేదు పో.

ఆకలినైనా సహిస్తం కానీ అన్యాయాన్ని సహించం.. ఇది తెలంగాణ గడ్డ పౌరుషం.. తప్పు జరిగినప్పుడు నిలదీయడం ఈ గడ్డ నైజం.. మాట తప్పినోళ్లని, మాయమాటలు చెప్పినోళ్లని సందర్భం వచ్చినప్పుడల్లా ప్రశ్నించడం ఇక్కడి ప్రజల స్వభావం.. కడుపు ఎండినోడిని కాదని కడుపు నిండినోడికి పెడుతుంటే ఖాళీ కడుపుతోనూ కదం తొక్కి గడగడలాడించడం తెలంగాణ గుండె ధైర్యానికి నిలువెత్తు నిదర్శనం.. రేషన్‌కార్డు, ఇందిరమ్మ ఇల్లు, రైతు భరోసా, పలు పథకాలకు అనర్హులను ఎంపిక చేశారంటూ ఆడ, మగ, యువకులు, వృద్ధులు తిరగబడ్డారు. గ్రామ సభల సాక్షిగా నిప్పులాంటి నిజాన్ని నిర్భయంగా
ఎలుగెత్తి చాటారు.

పోలీసుల మధ్యే గ్రామసభ

మంచిర్యాల జిల్లా తాండూర్‌ మండలంలోని బోయపల్లిలో పోలీసు అధికారులతో కలిసి గ్రామసభ నిర్వహిస్తున్న తహసీల్దార్‌ ఇమ్రాన్‌ఖాన్‌

గ్రామ సభనా.. కాంగ్రెస్‌ సభనా?