ప్రభుత్వ చర్యల వల్లే నాణ్యమైన విద్య
రాష్ట్ర ప్రభుత్వం తీసుకొంటున్న చర్యల వల్లే నాణ్యమైన విద్య అందుతున్నదని రాష్ట్ర ఉన్నత విద్యామండలి చైర్మన్ లింబాద్రి పేర్కొన్నారు.
ఉన్నత విద్యామండలి చైర్మన్ లింబాద్రి
హైదరాబాద్ సిటీబ్యూరో, డిసెంబర్ 16 (నమస్తే తెలంగాణ): రాష్ట్ర ప్రభుత్వం తీసుకొంటున్న చర్యల వల్లే నాణ్యమైన విద్య అందుతున్నదని రాష్ట్ర ఉన్నత విద్యామండలి చైర్మన్ లింబాద్రి పేర్కొన్నారు. సమాజ అవసరాలకు అనుగుణంగా ఇంజినీరింగ్ విద్యార్థులు పరిశోధనలు నిర్వహించాలని సూచించారు. శుక్రవారం హైదరాబాద్ జేఎన్టీయూలో ‘సీఐఐ-ఎడుసమ్మిట్’ 5వ సెషన్ కార్యక్రమంలో ఆయన మాట్లాడారు. సీఎం కేసీఆర్ తీసుకొంటున్న నిర్ణయాల వల్ల అన్ని రంగాలు ప్రగతిపథంలో సాగుతూ, ఇతర రాష్ర్టాలకు తెలంగాణ ఆదర్శంగా నిలుస్తున్నదన్నారు. సాంకేతిక, ఉన్నత విద్యాశాఖ కమిషనర్ నవీన్ మిట్టల్ మాట్లాడుతూ ప్రస్తుతం దేశవ్యాప్తంగా విద్యార్థులంతా కంప్యూటర్ సైన్స్ ఇంజినీరింగ్ (సీఎస్ఈ) వైపు మొగ్గు చూపుతున్నారని చెప్పారు. ఈ ఏడాది ఎంసెట్ కన్వీనర్ కోటాలో 62,100 సీట్లు భర్తీ కాగా, అందులో 44,800 సీట్లు కంప్యూటర్ సైన్స్లో ప్రవేశాలు పొందారని పేర్కొన్నారు. పరిస్థితులు ఇలాగే కొనసాగితే రానున్న పదేండ్లలో సివిల్, మెకానికల్ ఇంజినీర్ల సమస్య తీవ్రం కానున్నదని ఆందోళన వ్యక్తం చేశారు. జేఎన్టీయూహెచ్ వీసీ ప్రొఫెసర్ కట్టా నరసింహారెడ్డి మాట్లాడుతూ సాంకేతిక విద్యా విధానంలో పరిశోధనలు మెరుగుపర్చాల్సిన అవసరం ఉన్నదని అన్నారు. ఈ కార్యక్రమంలో ఐఐటీహెచ్ డైరెక్టర్ ప్రొఫెసర్ బీఎస్ మూర్తి, ఆర్జీయూకేటీ ఇన్చార్జి వీసీ వెంకటరమణ, శోభాదీక్షిత్ పాల్గొన్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Motivational Story | పొలంలో ముల్లు గుచ్చుకుంటే ఆగలేదు.. అడవిలో పాములను చూసి ఎందుకు భయపడ్డాడు?.
Ant Story | ఓ చిన్న చీమ చెప్పిన గొప్ప జీవిత పాఠం.. ఖురాన్లో ప్రస్తావించిన అద్భుత కథ
Karthika Masam | కార్తిక మాసాన్ని హరిహర మాసం అని ఎందుకంటారు? దీపారాధన నుంచి తులసీ పూజ వరకు ప్రతి ఆచారం వెనుక ఉన్న రహస్యం ఇదే!
Bigg Boss 10 | హైపర్ ఆది పంచులతో హౌస్లో నవ్వుల సందడి.. శ్వేత ఎలిమినేట్,అమన్ ఎమోషనల్!
SIR Voter List | ఓటర్లకు ఈసీ భారీ ఊరట.. ఫామ్-6 దాఖలు చేస్తే కేసులు పెట్టరు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

