Covid Death | అతడి మరణానికి కరోనా కారణం కాదు.. క్లారిటీ ఇచ్చిన ఉస్మానియా ఆసుపత్రి సూపరింటెండెంట్‌

Covid Death | కొత్తగా వెలుగు చూసిన కొవిడ్‌ జేఎన్‌.1 వేరియంట్‌తో తేలికపాటి లక్షణాలుంటాయని.. వైరస్‌తో భయపడాల్సిన అవసరం లేదని ఉస్మానియా జనరల్‌ ఆసుప్రతి సూపరింటెండెంట్‌ నాగేందర్‌ అన్నారు. ఆసుపత్రిలో కొవిడ్‌తో ఓ వ్యక్తి చనిపోయారని వస్తున్న వార్తలో ఏమాత్రం నిజం లేదన్నారు.

Covid Death | కొత్తగా వెలుగు చూసిన కొవిడ్‌ జేఎన్‌.1 వేరియంట్‌తో తేలికపాటి లక్షణాలుంటాయని.. వైరస్‌తో భయపడాల్సిన అవసరం లేదని ఉస్మానియా జనరల్‌ ఆసుప్రతి సూపరింటెండెంట్‌ నాగేందర్‌ అన్నారు. ఆసుపత్రిలో కొవిడ్‌తో ఓ వ్యక్తి చనిపోయారని వస్తున్న వార్తలో ఏమాత్రం నిజం లేదన్నారు. నగర పరిధిలోని బండ్లగూడ దూద్‌బౌలికి చెందిన ఎండీ సుభాన్‌ (60) తీవ్రమైన ఎడమ జఠరిక పని చేయకపోవడం (గుండె ఆగిపోవడం), టైప్‌-2 శ్వాసకోశ వైఫల్యంతో ఆసుపత్రి అక్యూట్ మెడికల్ కేర్‌లో చేరారన్నారు.

ఆ యాదృచ్ఛికంగా జరిగిన పరీక్షల్లో పాజిటివ్‌ వచ్చింది.. మరణానికి కొవిడ్‌ కారణం కాదన్నారు. ప్రస్తుతం ముగ్గురు రోగులు ఐసోలేషన్‌ వార్డులో వివిధ అత్యవసర పరిస్థితుల్లో అడ్మిట్‌ అయ్యారని, వారికి కొవిడ్‌ సోకినట్లుగా గుర్తించారన్నారు. ముగ్గురు రోగుల ఆరోగ్యం నిలకడగా ఉందని, రోగులను ఇతర వైద్య అత్యవసర పరిస్థితులతో అడ్మిట్ చేయాలని, యాదృచ్ఛికంగా కొవిడ్‌కు పాజిటివ్‌గా తేలినందున ఒంటరిగా ఉంచి, అవసరమైన అన్ని చికిత్సలు అందించాలన్నారు.