అకడమిక్‌ షెడ్యూల్‌ పాటించాలి

రాష్ట్రంలోని పాఠశాలల్లో పాఠ్యాంశాల బోధన, సిలబస్‌ పూర్తిచేయడంలో ఉల్లంఘనలు జరుగుతుండటాన్ని పాఠశాల విద్యాశాఖ సీరియస్‌గా తీసుకున్నది. కొన్ని బడులు సిలబస్‌ను వేగంగా పూర్తిచేస్తున్నాయి. మరికొన్ని బడుల్లో సకాలంలో పూర్తి చేయడంలేదు.

• పాఠశాల విద్యాశాఖ ఉత్తర్వులు

హైదరాబాద్‌, మే 4 (నమస్తే తెలంగాణ) : రాష్ట్రంలోని పాఠశాలల్లో పాఠ్యాంశాల బోధన, సిలబస్‌ పూర్తిచేయడంలో ఉల్లంఘనలు జరుగుతుండటాన్ని పాఠశాల విద్యాశాఖ సీరియస్‌గా తీసుకున్నది. కొన్ని బడులు సిలబస్‌ను వేగంగా పూర్తిచేస్తున్నాయి. మరికొన్ని బడుల్లో సకాలంలో పూర్తి చేయడంలేదు.

విద్యార్థులు అర్థం చేసుకున్నారా? లేదా పట్టించుకోవడం లేదు. దీంతో విద్యాశాఖ అకడమిక్‌ షెడ్యూల్‌ను పాటించాలని, సకాలంలో సిలబస్‌ పూర్తిచేయాలని తాజాగా ఆదేశించింది. 2026-27 విద్యాసంవత్సరంలో నిబంధనల ప్రకారమే బోధన సాగాలని పాఠశాల విద్యాశాఖ డైరెక్టర్‌ నవీన్‌ నికోలస్‌ సూచించారు.

ఇవీ ఆదేశాలు..

• పాఠ్యపుస్తకంలో సూచించిన ప్రకారం ప్రతి అధ్యాయాన్ని పూర్తిచేయాలి. కాలపరిమితిని పాటించాలి.
• పాఠ్యాంశాలను తొందరగా ముగించే ప్రయత్నం చేయరాదు. బోధనా వేగం సముచితంగా ఉండాలి.
• తదుపరి అధ్యాయానికి వెళ్లే ముందు ప్రతి అధ్యాయం అభ్యసన ఫలితాల సాధనకు ప్రాధాన్యమివ్వాలి.
• అధ్యాయం పూర్తయిన తర్వాత నిరంతర మూల్యాంకనం జరుగాలి. పునశ్చరణ అభ్యాసాలు నిర్వహించాలి.
• టీచర్లు సిలబస్‌ పూర్తిచేసే పురోగతిని హెచ్‌ఎంలు పర్యవేక్షించాలి. షెడ్యూల్‌కు అనుగుణంగా ఉండేలా చూసుకోవాలి.