NEET UG | అన్నింటికి సమాధానాలు రాయాల్సిందే.. నీట్‌ -యూజీలో ఐచ్ఛిక ప్రశ్నలు ఔట్‌

నీట్‌-యూజీ పరీక్షల్లో నేషనల్‌ టె స్టింగ్‌ ఏజెన్సీ(ఎన్టీఏ) కీలక మార్పులు చే సింది. ముఖ్యంగా ఐచ్ఛిక ప్రశ్నలను తొలిగించింది. ఇక నుంచి విద్యార్థులు అన్ని ప్రశ్నలకు సమాధానాలు రాయాల్సి ఉంటుంది.

• పరీక్షా సమయం 180 నిమిషాలే
• కీలక మార్పులు ప్రకటించిన ఎన్టీఏ

NEET UG | హైదరాబాద్‌, జనవరి 25 (నమస్తే తెలంగాణ) : నీట్‌-యూజీ పరీక్షల్లో నేషనల్‌ టెస్టింగ్‌ ఏజెన్సీ(ఎన్టీఏ) కీలక మార్పులు చే సింది. ముఖ్యంగా ఐచ్ఛిక ప్రశ్నలను తొలిగించింది. ఇక నుంచి విద్యార్థులు అన్ని ప్రశ్నలకు సమాధానాలు రాయాల్సి ఉంటుంది. పరీక్షా సమయాన్ని 180 నిమిషాలకు కుదించింది. కొవిడ్‌ నేపథ్యంలో 2020లో 20 చాయిస్‌ ప్రశ్నలివ్వగా, పరీక్షా సమయాన్ని 200 నిమిషాలకు ఎన్టీఏ పెంచింది. కొవిడ్‌కు పూర్వమున్న పరీక్షావిధానాన్ని ఈ ఏడాది నుంచి పునరుద్ధరించింది. ఇక నీట్‌-యూజీ పరీక్షను మే 4న ఆఫ్‌లైన్‌ పద్ధతిలో నిర్వహించనున్నది. నీట్‌-యూజీ రిజిస్ట్రేషన్‌కు అపార్‌ ఐడీ తప్పనిసరికాదని ఎన్టీఏ ప్రకటించింది.

మార్పులివే..

• ఇది వరకు 200 ప్రశ్నలివ్వగా 180 ప్రశ్నలకు సమాధానాలు రాయాల్సి ఉండే. ఈ ఏడాది నుంచి 180 ప్రశ్నలే ఇస్తారు. పరీక్షా సమయం 200 నిమిషాలుండగా, తాజాగా 180 నిమిషాలకు కుదించారు.
• ఇది వరకు ప్రతి విభాగంలో సెక్షన్‌ -ఏలో 35 ప్రశ్నలివ్వగా మొత్తం రాయాల్సి ఉండే. ఇక సెక్షన్‌ -బీలో 15 ప్రశ్నలిచ్చి 10 ప్రశ్నలు రాయమనేవారు. కానిప్పు డు సెక్షన్‌-బీలో చాయిస్‌ను ఎత్తివేశారు. దీంతో మొత్తం ప్రశ్నలకు సమాధానాలు రాయాల్సి ఉంటుంది.
• ఫిజిక్స్‌, కెమిస్ట్రీ నుంచి 90 ప్రశ్నలివ్వనుండగా, జీవశాస్త్రంలో బాటనీ, జువాలజీ నుంచి మొత్తం 90 ప్రశ్నలిస్తారు.