జ్ఞాపకశక్తికి పసుపు

దెబ్బ తగిలినా, కత్తి కోసుకుపోయినా వెంటనే ప్రథమ చికిత్సగా గుర్తొచ్చేది పసుపు. ఇది గొప్ప యాంటి సెప్టిక్‌గా పనిచేస్తుంది. కరోనా సమయంలో పసుపు చేసిన మేలుకు ప్రపంచం ఫిదా అయ్యింది.

• గుండె ఆరోగ్యానికి దివ్యౌషధం
• కల్తీ పసుపుతో అనేక వ్యాధులు
• కర్కుమిన్‌తో నాణ్యత గుర్తింపు

హైదరాబాద్‌, డిసెంబర్‌ 23 (నమస్తే తెలంగాణ): దెబ్బ తగిలినా, కత్తి కోసుకుపోయినా వెంటనే ప్రథమ చికిత్సగా గుర్తొచ్చేది పసుపు. ఇది గొప్ప యాంటి సెప్టిక్‌గా పనిచేస్తుంది. కరోనా సమయంలో పసుపు చేసిన మేలుకు ప్రపంచం ఫిదా అయ్యింది. అయితే, యాంటి సెప్టిక్‌గానే కాదు.. జ్ఞాపకశక్తి పెంచటంలోనూ పసుపు మేలు చేస్తుందని పోషకాహార నిపుణులు చెప్తున్నారు.

అభిజ్ఞా శక్తిని పెంపొందించటంలో ఇది సాయపడుతుందని అంటున్నారు. మార్కెట్‌లో దొరికే కొన్ని రకాల బ్రాండ్ల పసుపు కల్తీ ఉంటున్నదని, దాన్ని గుర్తించకపోతే దీర్ఘకాలంలో అనేక రకాల వ్యాధుల బారిన పడే ప్రమాదం ఉన్నదని హెచ్చరించారు. పసుపులో ఉండే కర్కుమిన్‌తో దాని నాణ్యతను పరీక్షించవచ్చని వివరించారు.

పసుపుతో ఆరోగ్య ప్రయోజనాలు:

• కాగ్నిటివ్‌ హెల్త్‌ని పెంపొందించడం, జ్ఞాపకశక్తి పెంపొందించేందుకు తోడ్పడుతుంది.
• కర్కుమిన్‌ యాంటి ఆక్సిడెంట్‌గా పనిచేస్తుంది.
• ఆక్సిడేషన్‌ ఒత్తిడిని తగ్గించడంతో పాటు గుండె ఆరోగ్యానికి దోహదపడుతుంది.
• నొప్పి నివారణలో కీలక పాత్ర పోషిస్తుంది.
• కీళ్లు చురుకుగా కదలడంలోనూ ముఖ్య పాత్ర.
• జీర్ణ వ్యవస్థను ఆరోగ్యంగా ఉంచి, జీర్ణ ప్రక్రియను మరింత మెరుగుపరుస్తుంది.
• కొబ్బరి నీళ్లు లేదా నెయ్యిలోనూ అర స్పూను పసుపు కలుపుకొని పరగడుపున తాగితే ఆరోగ్యానికి మేలు జరుగుతుంది.