ముగిసిన తొలి విడత నామినేషన్ల ప్రక్రియ

పంచాయతీ ఎన్నికల తొలి విడత నామినేషన్ల ప్రక్రియ శనివారంతో ముగిసింది. తొలివిడతలో 4,236 సర్పంచ్‌, 37,440 వార్డు సభ్యులను ఎన్నికలు జరుగనున్నాయి. సర్పంచ్‌ స్థానాలకు తొలి రోజు 3,242 నామినేషన్లు దాఖలు కాగా, రెండోరోజైన శుక్రవారం 4,901 నామినేషన్లను అభ్యర్థులు దా ఖలు చేశారు.

• సర్పంచ్‌కు 28 వేలు, వార్డు స్థానాలకు 60 వేలకుపైగా..

హైదరాబాద్‌, నవంబర్‌ 29 (నమస్తే తెలంగాణ) : పంచాయతీ ఎన్నికల తొలి విడత నామినేషన్ల ప్రక్రియ శనివారంతో ముగిసింది. తొలివిడతలో 4,236 సర్పంచ్‌, 37,440 వార్డు సభ్యులను ఎన్నికలు జరుగనున్నాయి. సర్పంచ్‌ స్థానాలకు తొలి రోజు 3,242 నామినేషన్లు దాఖలు కాగా, రెండోరోజైన శుక్రవారం 4,901 నామినేషన్లను అభ్యర్థులు దా ఖలు చేశారు. మూడోరోజైన శనివారం 20 వేలకుపైగా నామినేషన్లు దాఖలయ్యాయి. 37,440 వార్డులకు గాను తొలి రోజున 9,643, రెండోరోజున 11,502, మూడో రోజైన శనివారం 50 వేలకుపైగా నామినేషన్లు దాఖలయ్యాయి.

సాయంత్రం 5 గంటల తర్వాత కూడా నామినేషన్ల కోసం అభ్యర్థులు వేచి ఉండటంతో వాస్తవ లెక్కల ఆధారంగా ఆ సంఖ్య పెరిగే అవకాశం ఉన్నది. నామినేషన్ల ఉపసంహరణకు 3వ తేదీ మధ్యాహ్నం 3 గంటల వరకు గడువు ఉన్నది. అదేరోజు సాయంత్రం బరిలో నిలిచిన అ భ్యర్థుల తుదిజాబితాను అధికారులు ప్రకటిస్తారు. డిసెంబర్‌ 11వ తేదీ ఉద యం 7నుంచి ఒంటిగంట వరకు పో లింగ్‌, మధ్యాహ్నం 2 గంటల నుంచి ఓట్ల లెక్కింపు చేసి అదేరోజు ఫలితాలను ప్రకటిస్తారు.