PRLIS | కరువు నేలపై కృష్ణమ్మ జలతాండవం.. పులకించిన నార్లాపూర్
ఉమ్మడి పాలమూరు జిల్లా ప్రజల దశాబ్దాల స్వప్నం సాకారమైంది. కరువు నేలపై కృష్ణమ్మ జలతాండవం చేసింది. సీఎం కేసీఆర్ చేతులమీదుగా శనివారం ‘పాలమూరు-రంగారెడ్డి ఎత్తిపోతల పథకం’ ప్రారంభమైంది. నాగర్కర్నూల్ జిల్లా కొల్లాపూర్ మండలం నార్లాపూర్ వద్ద ముందుగా పీఆర్ఎల్ఐ పైలాన్ను సీఎం కేసీఆర్ ఆవిష్కరించారు.
- నార్లాపూర్ వద్ద మోటర్ స్విచ్ ఆన్ చేసిన సీఎం కేసీఆర్
- సిస్టర్న్ వద్ద పంపు నుంచి పాలపొంగులా దుంకిన నీళ్లు
- కృష్ణా జలాలకు పుష్పాభిషేకం చేసిన ముఖ్యమంత్రి
PRLIS | మహబూబ్నగర్, సెప్టెంబర్ 16 (నమస్తే తెలంగాణ ప్రతినిధి)/వికారాబాద్(నమస్తే తెలంగాణ): ఉమ్మడి పాలమూరు జిల్లా ప్రజల దశాబ్దాల స్వప్నం సాకారమైంది. కరువు నేలపై కృష్ణమ్మ జలతాండవం చేసింది. సీఎం కేసీఆర్ చేతులమీదుగా శనివారం ‘పాలమూరు-రంగారెడ్డి ఎత్తిపోతల పథకం’ ప్రారంభమైంది. నాగర్కర్నూల్ జిల్లా కొల్లాపూర్ మండలం నార్లాపూర్ వద్ద ముందుగా పీఆర్ఎల్ఐ పైలాన్ను సీఎం కేసీఆర్ ఆవిష్కరించారు.
అక్కడే కంట్రోల్ రూంలో మొదటి పంపును స్విచ్ ఆన్ చేశారు. అనంతరం కిలోమీటర్ దూరంలో ఉన్న సిస్టర్న్ వద్ద మొదటి పంపు ద్వారా నార్లాపూర్ రిజర్వాయర్లోకి కృష్ణా జలాలు ఎగిరి దుంకాయి. ఈ మహోజ్వల ఘట్టాన్ని కండ్లారా చూసిన సీఎం కేసీఆర్, మంత్రులు, ఎమ్మెల్యేలు ఆనందంతో ఉప్పొంగిపోయారు. అనంతరం కృష్ణాజలాలకు పుష్పాభిషేకం చేశారు. ఎత్తిపోతల ద్వారా దుంకిన కృష్ణా జలాలను గ్రామాలకు పంపించేందుకు ఏర్పాటు చేసిన కలశాలకు శాస్రోక్తంగా పూజలు చేసి.. మంత్రులు శ్రీనివాస్గౌడ్, సింగిరెడ్డి నిరంజన్రెడ్డి, ఎమ్మెల్యేలు, అధికారులకు సీఎం కేసీఆర్ అందజేశారు.
పులకించిన నార్లాపూర్
సీఎం కేసీఆర్ మహాబాహుబలి మోటరును ఆన్చేయగానే నీళ్లు నార్లాపూర్ రిజర్వాయర్లోకి దుంకాయి. ఈ జలదృశ్యాన్ని కండ్లారా చూసేందుకు చుట్టుపక్కల నుంచి వచ్చిన ప్రజలు సెల్ఫీలు దిగారు. కృష్ణానదీ జలాలను తనివితీరా చూసి పులకించిపోయారు. ‘కేసీఆర్ మళ్లీ రావాలి.. ముఖ్యమంత్రి మా దేవుడు.. మా పంటలు పండుతాయి.. కడుపులు నిండుతాయి’ అంటూ ప్రజలు, రైతులు ఆనందంతో పరవశించారు. కార్యక్రమంలో రాష్ట్ర ప్రభుత్వ ప్రధాన కార్యదర్శి శాంతికుమారి, డీజీపీ అంజనీకుమార్, సీఎం ఓఎస్డీ స్మితా సబర్వాల్, రాష్ట్ర ప్రభుత్వ నీటి పారుదల శాఖ ప్రత్యేక ప్రధాన కార్యదర్శి రజత్కుమార్, కలెక్టర్లు ఉదయ్కుమార్, రవినాయక్, తేజస్ నందలాల్పవార్, క్రాంతి, శ్రీహర్ష, నారాయణరెడ్డి, హరీశ్, ఇంజినీర్లు పాల్గొన్నారు.
కలశాల్లోకి కృష్ణమ్మ జలం
పాలమూరు-రంగారెడ్డి ప్రాజెక్టు ప్రారంభోత్సవానికి వికారాబాద్ జిల్లా నుంచి 134 బస్సుల్లో సుమారు 8 వేల మంది, రంగారెడ్డి జిల్లా నుంచి 266 ఆర్టీసీ బస్సుల్లో సుమారు 16 వేల మంది తరలివచ్చారు. వీరంతా కలశాల్లో కృష్ణానీటిని తీసుకొని, స్వస్థలాలకు తరలివెళ్లారు. ఆదివారం ప్రతి గ్రామంలో కృష్ణా జలాభిషేకం కార్యక్రమాన్ని పండుగలా నిర్వహించేందుకు బీఆర్ఎస్ పార్టీ శ్రేణులు, రైతులు ఏర్పాట్లు చేశారు. ఊరూరా ఎడ్లబండ్లు, ట్రాక్టర్లతో ఊరేగింపులు నిర్వహించి గ్రామాల్లోని ఆలయాలకు వెళ్లి దేవుళ్ల పాదాలకు జలాభిషేకం చేయనున్నారు.
కృష్ణమ్మకు పూజలు
నార్లాపూర్లో పాలమూరు ఎత్తిపోతల మోటర్ను ప్రారంభించి కృష్ణా జలాలకు పూజలు చేస్తున్న ముఖ్యమంత్రి కే చంద్రశేఖర్రావు
పాలమూరు- రంగారెడ్డి ఎత్తిపోతలకు వేళాయె..
నాగర్కర్నూల్ జిల్లా నార్లాపూర్లో పాలమూరు- రంగారెడ్డి ఎత్తిపోతల పథకం పైలాన్ను ఆవిష్కరించిన ముఖ్యమంత్రి కేసీఆర్. చిత్రంలో మంత్రులు నిరంజన్రెడ్డి, శ్రీనివాస్గౌడ్, సబితా ఇంద్రారెడ్డి, మల్లారెడ్డి, ఎంపీలు కే కేశవరావు, రాములు, బీబీ పాటిల్, రంజిత్రెడ్డి, ఎమ్మెల్సీ గోరటి వెంకన్న, ఎమ్మెల్యేలు హర్షవర్ధన్రెడ్డి, గువ్వల బాలరాజు, జైపాల్యాదవ్, ఆల వెంకటేశ్వరెడ్డి, కొప్పుల మహేశ్రెడ్డి, అరికెపూడి గాంధీ, ఐడీసీ చైర్మన్ వేణుగోపాలాచారి తదితరులు
కలశ పూజలో..

కలశ పూజలో సీఎం కేసీఆర్. చిత్రంలో మంత్రులు సింగిరెడ్డి నిరంజన్రెడ్డి, శ్రీనివాస్గౌడ్, ఎంపీ రంజిత్రెడ్డి, సీఎస్ శాంతికుమారి తదితరులు
కృష్ణమ్మ ఎత్తిపోతకు ఒక్క క్లిక్..
శనివారం కంప్యూటర్ ద్వారా నార్లాపూర్లో మోటర్ను ఆన్ చేస్తున్న ముఖ్యమంత్రి కేసీఆర్. చిత్రంలో మంత్రులు నిరంజన్రెడ్డి, శ్రీనివాస్గౌడ్, పట్నం మహేందర్రెడ్డి, ఎమ్మెల్యే లక్ష్మారెడ్డి తదితరులు
స్వాగతం నాయకా..

నార్లాపూర్లో సీఎం కేసీఆర్కు స్వాగతం పలుకుతున్న ఎమ్మెల్సీ గోరటి వెంకన్న. చిత్రంలో మంత్రి శ్రీనివాస్గౌడ్, ఎమ్మెల్సీ పల్లా
కదిలి వచ్చిన కృష్ణమ్మ
సీఎం కేసీఆర్ మోటర్ ఆన్ చేయడంతో నార్లాపూర్ రిజర్వాయర్లోకి పరుగులు తీస్తున్న కృష్ణా జలాలు
ఉప్పొంగి వస్తున్న కృష్ణమ్మ సాక్షిగా సెల్ఫీ..

పాలమూరు ఎత్తిపోతల ప్రారంభం అనంతరం సీఎం కేసీఆర్తో సెల్ఫీ తీసుకుంటున్న మంత్రులు శ్రీనివాస్గౌడ్, నిరంజన్రెడ్డి
అదిగో కృష్ణమ్మ పరుగులు..
ఎత్తిపోతల పథకం ప్రారంభం అనంతరం నార్లాపూర్ ప్రాజెక్టు గురించి అధికారులతో మాట్లాడుతున్న సీఎం కేసీఆర్
Read Today's Latest Telangana News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా





