పట్టభద్రుల ఎన్నికల్లో బీఆర్‌ఎస్‌ జెండా ఎగరాలి

త్వరలో జరగబోయే ఖమ్మం-వరంగల్‌-నల్లగొండ పట్టభద్రుల నియోజకవర్గ ఎమ్మెల్సీ ఎన్నికల్లో బీఆర్‌ఎస్‌ సత్తాచాటాలని, పార్టీ అభ్యర్థి విజయమే లక్ష్యంగా శ్రేణులన్ని సమష్టిగా పనిచేయాలని ఖమ్మం మాజీ ఎంపీ నామా నాగేశ్వరరావు పిలుపునిచ్చారు.

• బీఆర్‌ఎస్‌ కార్యకర్తలు సమష్టిగా పనిచేయాలి
• మధిరలో సన్నాహక సమావేశంలో మాజీ ఎంపీ నామా

మధిర రూరల్‌, నవంబర్‌ 1: త్వరలో జరగబోయే ఖమ్మం-వరంగల్‌-నల్లగొండ పట్టభద్రుల నియోజకవర్గ ఎమ్మెల్సీ ఎన్నికల్లో బీఆర్‌ఎస్‌ సత్తాచాటాలని, పార్టీ అభ్యర్థి విజయమే లక్ష్యంగా శ్రేణులన్ని సమష్టిగా పనిచేయాలని ఖమ్మం మాజీ ఎంపీ నామా నాగేశ్వరరావు పిలుపునిచ్చారు. కాంగ్రెస్‌ అరాచక పాలనకు చరమగీతం పాడేలా ఈ ఎన్నికల తీర్పు ఉండాలని ఆకాంక్షించారు.

అందుకోసం ఓటరు జాబితాలో పట్టభద్రులను అధిక సంఖ్యలో చేర్పించాలని పిలుపునిచ్చారు. పట్టభద్రుల ఓటర్ల నమోదుపై ఖమ్మం జిల్లా మధిరలోని బీఆర్‌ఎస్‌ కార్యాలయంలో జడ్పీ మాజీ చైర్మన్‌ లింగాల కమల్‌రాజు అధ్యక్షతన ఆదివారం నిర్వహించిన విస్తృత సమావేశంలో ఆయన మాట్లాడారు.