బెనిఫిట్స్‌ కోసం వృద్ధులు రోడ్డెక్కాలా?

జీవితాంతం సేవలందించిన ఉద్యోగులు, ఉపాధ్యాయులు రిటైర్మెంట్‌ బెనిఫిట్స్‌ కోసం ఈ వృద్ధాప్యంలో రోడ్లపైకి వచ్చి పోరాడాల్సిన దుస్థితి ఎందుకు కల్పించారని హరీశ్‌రావు మండిపడ్డారు.

వారికి కేవలం వడ్డీ ఇస్తే సరిపోతుందా రేవంత్‌రెడ్డీ.. అని ముఖ్యమంత్రిని ఉద్దేశించి మంగళవారం ‘ఎక్స్‌’ ద్వారా సూటిగా ప్రశ్నించారు. ఉప ముఖ్యమంత్రి భట్టి విక్రమార, సీఎంవో కార్యాలయ ఖాతాలను ట్యాగ్‌ చేస్తూ ప్రభుత్వం అవలంబిస్తున్న రైతు, ప్రజా వ్యతిరేక విధానాలను ఆయన ఎండగట్టారు.

పెన్షన్‌ బెనిఫిట్స్‌ అందక తీవ్ర ఆర్థిక ఇబ్బందులు, ఆరోగ్య సమస్యలతో సతమతమవుతున్న విశ్రాంత ఉద్యోగుల ఆవేదన ప్రభుత్వానికి పట్టడం లేదా అని ప్రశ్నించారు. ప్రభుత్వం వెంటనే తన మొండివైఖరిని వీడి బకాయిలను విడుదల చేయాలని డిమాండ్‌ చేశారు.