ప్రజాప్రతినిధులపై పెండింగ్ కేసులపై నివేదిక ఇవ్వండి
ఎంపీలు, ఎమ్మెల్యేలు సహా ప్రజాప్రతినిధులు నిందితులుగా ఉన్న కేసుల విచారణ ఏ దశలో ఉందో సమగ్ర నివేదిక సమర్పించాలని హైకోర్టు రాష్ట్ర ప్రభుత్వాన్ని ఆదేశించింది. సుదీర్ఘకాలంగా కేసులు పెండింగ్లో ఉండటంతోపాటు సమన్లు, నాన్ బెయిలబుల్ వారెంట్ల జారీలోనూ తీవ్ర జాప్యం జరుగుతుండటంపై అసంతృప్తి వ్యక్తంచేసింది. అత్యంత పాత కేసులను గుర్తించి వాటి పరిషారానికి ప్రత్యేక చర్యలు తీసుకోవాలని స్పష్టంచేసింది.
- అత్యంత పాత కేసుల పరిషారా నికి చర్యలు తీసుకోవాలి
- సమన్లు, వారెంట్ల జారీలో జాప్యంపై హైకోర్టు అసంతృప్తి
హైదరాబాద్, నవంబర్ 19 (నమస్తే తెలంగాణ): ఎంపీలు, ఎమ్మెల్యేలు సహా ప్రజాప్రతినిధులు నిందితులుగా ఉన్న కేసుల విచారణ ఏ దశలో ఉందో సమగ్ర నివేదిక సమర్పించాలని హైకోర్టు రాష్ట్ర ప్రభుత్వాన్ని ఆదేశించింది. సుదీర్ఘకాలంగా కేసులు పెండింగ్లో ఉండటంతోపాటు సమన్లు, నాన్ బెయిలబుల్ వారెంట్ల జారీలోనూ తీవ్ర జాప్యం జరుగుతుండటంపై అసంతృప్తి వ్యక్తంచేసింది. అత్యంత పాత కేసులను గుర్తించి వాటి పరిషారానికి ప్రత్యేక చర్యలు తీసుకోవాలని స్పష్టంచేసింది.
అశ్వనీకుమార్ ఉపాధ్యాయ్ కేసులో ఎంపీలు, ఎమ్మెల్యేలపై పెండింగ్లో ఉన్న కేసుల సత్వర విచారణకు సుప్రీంకోర్టు జారీచేసిన మార్గదర్శకాల అమలును పర్యవేక్షించేందుకు హైకోర్టు సుమోటోగా స్వీకరించిన పిటిషన్పై గురువారం జస్టిస్ కే లక్ష్మణ్, జస్టిస్ బీఆర్ మధుసూదన్రావుతో కూడిన ధర్మాసనం విచారణ చేపట్టింది. రాష్ట్ర ప్రభుత్వం తరఫున అదనపు అడ్వకేట్ జనరల్ మహమ్మద్ ఇమ్రాన్ఖాన్ వాదనలు వినిపిస్తూ.. గత ఏడాది మార్చి 31 నాటికి పెండింగ్ ఉన్న కేసులకు సంబంధించి నివేదిక సమర్పించినట్టు తెలిపారు.
దీనిపై ధర్మాసనం స్పందిస్తూ.. అత్యంత సుదీర్ఘకాలంగా పెండింగ్లో ఉన్న కేసు ఏదని ప్రశ్నించింది. ఆయా కోర్టుల్లో అత్యంత పాతవైన 30 కేసులను గుర్తించి, వాటిలో కనీసం 10 కేసుల పరిషారానికి చర్యలు తీసుకోవాలని ఇప్పటికే దిగువ కోర్టులకు ఆదేశాలు జారీ చేసినట్టు గుర్తుచేసింది. దీర్ఘకాలంగా పెండింగ్లో ఉన్న కేసుల వివరాలతోపాటు సమగ్ర స్థాయీ నివేదికను సమర్పించాలని ఆదేశిస్తూ తదుపరి విచారణను డిసెంబరు 10కి వాయిదా వేసింది.
ఎమ్మెల్సీల కేసులపై సుప్రీంకోర్టుకు వెళ్లండి
ఎంపీలు, ఎమ్మెల్యేలపై ఉన్న కేసుల సత్వర విచారణ కోసం ప్రత్యేక కోర్టు ఏర్పాటు చేస్తూ 2018లో ప్రభుత్వం జారీచేసిన జీవో 6 పరిధి నుంచి ఎమ్మెల్సీలను మినహాయించడంపై సుప్రీంకోర్టులో స్పష్టత తీసుకోవాలని హైకోర్టు సూచించింది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

