జీహెచ్ఎంసీ సిబ్బందికి 96 శాతం టీకా పూర్తి.. కేటీఆర్ ట్వీట్

జీహెచ్ఎంసీ సిబ్బంది | రాష్ర్టంలో మునిసిపల్ అడ్మినిస్ట్రేషన్ విభాగంలో కొన‌సాగుతున్న క‌రోనా వ్యాక్సినేష‌న్‌పై ఆ శాఖ మంత్రి కేటీఆర్ ట్వీట్ చేశారు.

హైద‌రాబాద్ : రాష్ర్టంలో మునిసిపల్ అడ్మినిస్ట్రేషన్ విభాగంలో కొన‌సాగుతున్న క‌రోనా వ్యాక్సినేష‌న్‌పై ఆ శాఖ మంత్రి కేటీఆర్ ట్వీట్ చేశారు. మున్సిప‌ల్ శాఖ‌లో ప‌ని చేస్తున్న ఫ్రంట్ లైన్ కార్మికులంద‌రినీ జాగ్ర‌త్త‌గా చూసుకుంటున్నామ‌ని, వారంద‌రికీ క‌రోనా టీకా ఇస్తున్నామ‌ని తెలిపారు. ఈ విష‌యాన్ని తెలియ‌జేయ‌డం సంతోషంగా ఉంద‌న్నారు.

గ్రేట‌ర్ హైద‌రాబాద్ మున్సిప‌ల్ కార్పొరేష‌న్ ప‌రిధిలోని మున్సిప‌ల్ సిబ్బందికి 96.19%, మిగ‌తా 141 మున్సిపాలిటీల‌లోని సిబ్బందికి 95.55% టీకా పంపిణీ కార్య‌క్ర‌మం పూర్త‌యింద‌న్నారు. మున్సిప‌ల్ అడ్మినిస్ర్టేష‌న్ విభాగంలో టీకా పంపీణీ ప్ర‌క్రియ‌ను వీలైనంత త్వ‌ర‌గా 100 శాతం పూర్తి చేసేందుకు ప్ర‌య‌త్నిస్తున్నామ‌ని కేటీఆర్ పేర్కొన్నారు.

Glad to share that all the frontline workers in Municipal administration department are being taken care of

Percentage of vaccination in 141 Municipalities is 95.55% and in GHMC it is 96.19%

Striving for cent percent at the earliest

— KTR (@KTRTRS) April 22, 2021