అండ్‌ ద అవార్డ్‌ గోస్‌ టు తెలంగాణ

ప్రత్యేక రాష్ట్రం ఏర్పడితే అంధకారమేనని, ఇక్కడివారికి పాలన రాదని హేళన చేసిన ఎంతోమంది నోళ్లు మూయించింది తెలంగాణ.

• దేశవిదేశీ అవార్డుల పంట
• ఒక్క పంచాయతీలకే 79

హైదరాబాద్‌, జూన్‌ 1 (నమస్తే తెలంగాణ): ప్రత్యేక రాష్ట్రం ఏర్పడితే అంధకారమేనని, ఇక్కడివారికి పాలన రాదని హేళన చేసిన ఎంతోమంది నోళ్లు మూయించింది తెలంగాణ. అంతేకాదు.. రాష్ట్ర సాధన అనంతరం తెలంగాణ తన సత్తా చాటుతూ దేశంలో తనకు సాటి లేదని నిరూపించుకున్నది. అనేక పథకాలు, సంక్షేమ కార్యక్రమాలతో దేశానికి దారి చూపింది. దేశ ప్రగతికి తెలంగాణ ఒక మాడల్‌గా నిలిచింది. సమైక్య పాలనలో విధ్వంసకర పరిస్థితులను నెమరువేసుకుంటూనే… కలబడి నిలబడిన తెలంగాణ వికాసం వైపు పరుగులు తీస్తున్న తీరును దేశం గుర్తించింది. కేంద్ర ప్రభుత్వంలోని వివిధ శాఖలు తెలంగాణకు అవార్డులు ఇచ్చేందుకు బారులు తీరాయి. ఈ 8 ఏండ్లలో వందలకు పైగా అవార్డులు తెలంగాణను వరించాయి. కేవలం గ్రామ పంచాయతీలకే 79 వరకు అవార్డులు వచ్చాయి.

దేశ విదేశీ ప్రతినిధులను ఆకర్షిస్తున్న తెలంగాణ
సీఎం కేసీఆర్‌ నాయకత్వంలో పురోగమిస్తున్న తెలంగాణను కేంద్ర ప్రభుత్వంతోపాటుగా పలు రాష్ర్టాల, పలు దేశాల ప్రతినిధులు ఏదో ఒక సందర్భంలో వచ్చి ఇక్కడి పాలనా ఔన్నత్యాన్ని, ఇకడి పథకాలు, పల్లెల, పట్టణాల పురోభివృద్ధిని చూసి ముచ్చట పడుతున్నారు. జేజేలు పలుకుతున్నారు. ఏవిధంగా అమలు చేస్తున్నారో అడిగి తెలుసుకుంటున్నారు. ఒక మిషన్‌ భగీరథ పథకంపై 13 రాష్ట్రాలు అధ్యయనం చేసి వెళ్లాయి. దేశంలో ఎకడా లేని రైతుబంధు, రైతుబీమా పథకాల అమలుపై 20కి పైగా దేశాలు అధ్యయనం చేశాయి. ప్రపంచంలో ఎతె్తైన ఎత్తిపోతల పథకం కాళేశ్వరం ప్రాజెక్టును ఇప్పటి వరకు 20 రాష్ట్రాల ప్రతినిధులు సందర్శించి వెళ్లారు. తమిళనాడు, కర్ణాటక, హర్యానా, తెలంగాణ, ఏపీ తదితర రాష్ట్రాలకు చెందిన రైతు సంఘాలు, స్వచ్ఛంద సంస్థల నేతలు కాళేశ్వరం, రంగనాయకసాగర్‌, కొండపోచమ్మ సాగర్‌ రిజర్వాయర్లను తిలకించి మురిసిపోయారు.

మహిళా, శిశు సంక్షేమాభివృద్ధిలో భేష్‌

• వనపర్తి జిల్లాలోని చందాపూర్‌ గ్రామానికి దేశంలోనే బెస్ట్‌ చైల్డ్‌ ఫ్రెండ్లీ (బాలనేస్తం) విలేజ్‌గా గుర్తింపు.(ఈ గ్రామంలోబాల కార్మికులు లేరు, బాల్య వివాహాలు జరగవు, వంద శాతం సూల్‌ ఎన్‌రోల్‌మెంట్‌ ఉంటుంది, పిల్లల్లో పోషకాహార లోపం ఉండదు, ఈ గ్రామం పిల్లల బాగోగులు చూడటంలో అద్భుతమైన పనితీరును కనబర్చింది.)
• మహిళా సంఘాల బలోపేతంలో ఉత్తమ పనితీరు కనబర్చిన వరంగల్‌ జిల్లా నర్సంపేట మండల సమాఖ్యకు జాతీయ స్థాయి ఆత్మనిర్భర్‌ సంఘటన్‌ అవార్డు.
• శిశు, బాలికలు, మహిళలు, గర్భిణులు, బాలింతల పౌష్టికాహార కల్పన కార్యక్రమం పోషణ్‌ అభియాన్‌ అమలులో 2021 సంవత్సరానికి కుమ్రం భీం ఆసిఫాబాద్‌ జిల్లా దేశంలోనే అగ్రస్థానంలో నిలిచి ప్రధానమంత్రి పురసారానికి ఎంపికైంది.

పర్యావరణం, అటవీ అభివృద్ధిలో అగ్రగామి

• గ్రీన్‌ ఇండియా చాలెంజ్‌ వ్యవస్థాపకుడు, ఎంపీ సంతోష్‌కుమార్‌కు ఇంటరాక్టివ్‌ ఫోరమ్‌ ఆన్‌ ఇండియన్‌ ఎకానమీ (ఐఎఫ్‌ఎస్‌ఐఈ) సంస్థ ప్రతిష్ఠాత్మక చాంపియన్స్‌ ఆఫ్‌ ది చేంజ్‌ అవార్డు ప్రదానం చేసింది.
• అఖిల భారత పారిశ్రామిక ప్రదర్శనలో తెలంగాణ అటవీ శాఖ స్టాలుకు ప్రథమ బహుమతి
• ఐక్యరాజ్యసమితికి చెందిన ఫుడ్‌ అండ్‌ అగ్రికల్చర్‌ ఆర్గనైజేషన్‌ (ఎఫ్‌ఏవో)తో పాటు వరుసగా రెండో ఏడాది కూడా హైదరాబాద్‌కు అర్బన్‌ డే ఫౌండేషన్‌ ‘ట్రీ సిటీ ఆఫ్‌ ది వరల్‌’్డ అవార్డు(ఈ పోటీకి భారత వాణిజ్య రాజధాని ముంబై సహా అమెరికా, బ్రిటన్‌ , కెనడా, ఆస్ట్రేలియా తదితర 63 దేశాల నుంచి మొత్తం 130 నగరాలు ఈ గుర్తింపు కోసం పోటీపడగా హైదరాబాద్‌ విజేతగా నిలిచింది.)
• జాతీయ స్థాయిలో అటవీ విధానాల రూపకల్పనపై ఏర్పాటు చేసిన రెండు ఉన్నతస్థాయి కమిటీల్లోనూ తెలంగాణ అటవీ సంరక్షణ ప్రధాన అధికారి(పీసీసీఎఫ్‌ ), అటవీ దళాల అధిపతి (హెచ్‌ఆఫ్‌ఫారెస్ట్‌ఫోర్స్‌ ) ఆర్‌ఎం డోబ్రియల్‌కు స్థానం.

పథకాలు కాపీ

మిషన్‌ కాకతీయ, మిషన్‌ భగీరథ వంటి పథకాలను కేంద్రం కాపీ కొట్టింది. రైతు బంధు పథకాన్ని కాపీ కొట్టిన కేంద్రం పీఎం కిసాన్‌ సమ్మాన్‌ నిధి పేరుతో అత్తెసరు సహాయంతో అమలు చేస్తున్నది. అనేక రాష్ర్టాలు ఈ పథకాలను అమలు చేస్తామని చెప్తున్నాయి. చెరువుల పునరుద్ధరణకు తెలంగాణలో చేపట్టిన మిషన్‌ కాకతీయ పథకం తరహాలో ‘అమృత్‌ సరోవర్‌’ పథకాన్ని దేశవ్యాప్తంగా అమలు చేయాలని మోదీ సరారు నిర్ణయించింది. గత ఏప్రిల్‌ 24న జమ్ములో ప్రధాని నరేంద్రమోదీ ఈ కార్యక్రమానికి శ్రీకారం చుట్టారు. ఆరోగ్య రంగంలో దేశంలోనే తెలంగాణ మూడో స్థానంలో ఉన్నదని స్వయంగా కేంద్రమే తెలిపింది. 2019-20 లో వైద్య, ఆరోగ్య రంగంలో 100 పాయింట్లకుగాను 69.95 పాయింట్లు సాధించి ఉత్తమ పనితీరు కనబరిచిన రాష్ట్రాల జాబితాలో తెలంగాణ మూడో స్థానంలో నిలిచింది. బీజేపీ పాలిత రాష్ట్రాలే తెలంగాణ అభివృద్ధిపై చర్చించుకునే పరిస్థితి ఏర్పడింది. తెలంగాణకు దేశవ్యాప్తంగా ప్రశంసలు వస్తున్నాయి. అనేక అవార్డులు వచ్చాయి.

చేపల పెంపకానికి…

చెరువుల్లో చేపల పెంపకం చేపట్టిన ఉత్తమ రాష్ట్రంగా నిలిచిన తెలంగాణకు గత ఏడాది కేంద్ర ప్రభుత్వం అవార్డుతో పాటు రూ.10 లక్షల నగదు బహుమతి అందించింది.
2021కి తెలంగాణ మత్స్యశాఖకు అగ్రి-ఫుడ్‌ ఎంపవర్‌మెంట్‌ అవార్డు.

మన పోలీస్‌కు సెల్యూట్‌

2021 సంవత్సరానికి గ్రామీణ విభాగంలో ఉత్తమ ఠాణాగా ఆలేరు పోలీసుస్టేషన్‌ ఎంపిక(నేషనల్‌ క్రైమ్‌ రికార్డ్స్‌ బ్యూరో (ఎన్‌సీఆర్‌బీ) ఏటా దేశవ్యాప్తంగా 75 పోలీసు స్టేషన్లను ప్రాథమికంగా ఎంపిక చేసి వాటి పనితీరు ఆధారంగా ర్యాంకులను కేటాయిస్తుంది. అలా జాతీయ స్థాయిలో ప్రకటించిన మొదటి పది ర్యాంకులలో ఈ ఠాణాకు స్థానం దకింది.)

పంచాయతీ రాజ్‌ శాఖకు 79 జాతీయ అవార్డులు

తెలంగాణ పంచాయతీలకు అవార్డుల పంట పండుతున్నది. రాష్ట్రం ఏర్పడినప్పటి నుంచి ఇప్పటి వరకు గ్రామ పంచాయతీలకు 79 అవార్డులు వచ్చాయి, ఈ ఏడాది దేశంలోని 20 అత్యుత్తమ గ్రామాలను ఎంపిక చేయగా వాటిలో 19 తెలంగాణకు చెందినవే. జాతీయ అవార్డుల్లో ఇదో రికార్డు.

విద్యుత్‌ రంగంలో…

• సమర్థవంతంగా విద్యుత్‌ నిర్వహణ, వినియోగదారుల సేవలు, నూతన సాంకేతిక పరిజ్ఞానం అమలు, పనితీరు సామర్థ్యంలో మొదటి ర్యాంకు
• దక్షిణ తెలంగాణ విద్యుత్‌ పంపిణీ సంస్థకు జాతీయ స్థాయిలో ఆరు ఉత్తమ పురసారాలు
• 2020-21 ఆర్థిక సంవత్సరానికి భద్రాది ప్లాంటుకు బెస్ట్‌ ప్లాంట్‌ ఫర్‌ డైవర్సిఫైడ్‌ యాక్టివిటీస్‌ అవార్డు
• తెలంగాణ రాష్ట్ర జలవనరుల మౌలిక వసతుల అభివృద్ధి కార్పొరేషన్‌ లిమిటెడ్‌ (టీఎస్‌
• డబ్ల్యూఆర్‌ఐడీసీఎల్‌)కు కేంద్ర రూరల్‌ ఎలక్ట్రిఫికేషన్‌ కార్పొరేషన్‌ లిమిటెడ్‌ (ఆర్‌ఈసీ) అత్యున్నత గ్రేడింగ్‌ ఏ ప్లస్‌ కేటాయింపు, నిధుల వినియోగంలో పారదర్శకతకు గుర్తింపు
• ఎన్పీడీసీఎల్‌కు ఏడు క్యాటగిరీల్లో పురసారాలు – ఇది డిసం చరిత్రలోనే ప్రథమం
• ఎస్పీడీసీఎల్‌ కు గ్రీన్‌ ఎనర్జీ అవార్డులు
• సింగరేణి థర్మల్‌ విద్యుత్తు కేంద్రానికి (ఎస్టీపీపీ) 100 శాతం ఫె్లైయాష్‌ వినియోగించిన ప్లాంట్‌గా గుర్తింపు

వైద్యానికి ప్రశంసలు, కుటుంబ సంక్షేమానికీ అవార్డులు

• నేషనల్‌ క్వాలిటీ అష్యూరెన్స్‌ స్టాండింగ్‌కు పెద్దపల్లి జిల్లా ఫెర్టిలైజర్‌ సిటీలోని లక్ష్మీపురం యూపీహెచ్‌సీ ఎంపిక
• రాష్ట్రవ్యాప్తంగా తొమ్మిది పట్టణ, ప్రాథమిక ఆరోగ్య కేంద్రాలు నేషనల్‌ క్వాలిటీ అష్యూరెన్స్‌ స్టాండింగ్‌కు ఎంపికవగా, నాణ్యత విభాగంలో లక్ష్మీపురం ఆరోగ్య కేంద్రం ఎంపికైనట్టు ప్రకటించిన నేషనల్‌ హెల్త్‌ మిషన్‌.
• నలుగురు వైద్య సిబ్బందికి ఉత్తమ వ్యాక్సినేటర్‌ అవార్డులు
• క్షయవ్యాధి (టీబీ) నిర్మూలనకు చేస్తున్న విశేష కృషికి గుర్తింపుగా రాష్ట్రంలోని మూడు జిల్లాలకు కేంద్ర ప్రభుత్వం నుంచి పతకాలు
• చిన్న పిల్లలందరికీ వ్యాధి నిరోధక టీకాలు వేసిన జిల్లాగా అరుదైన రికార్డు సృష్టించిన సిద్దిపేట
• నూటికి నూరు శాతం వ్యాక్సినేషన్‌ చేసినందుకు కేంద్ర ప్రభుత్వ పురసారం.
• మిషన్‌ ఇంద్రధనుష్‌ కార్యక్రమంలో ఉత్తమ పనితీరు కనబరిచినందుకు సిద్దిపేట జిల్లాకు ప్రధానమంత్రి అవార్డు-2019
• నిజామాబాద్‌ జిల్లా కమ్మర్‌పల్లి మండలంలోని చౌట్‌పల్లి ప్రాథమిక ఆరోగ్య కేంద్రానికి ఎన్‌క్యూఏఎస్‌ (నేషనల్‌ క్వాలిటీ అష్యూరెన్స్‌ స్టాండర్డ్స్‌) జాతీయ స్థాయి గుర్తింపు ( జాతీయ ఆరోగ్య కార్యక్రమాలు, మాతా శిశు సంరక్షణ, ప్రసవాలు, రోగుల పట్ల తగు శ్రద్ధ, చికిత్స, తదితర అంశాల్లో దవాఖాన పనితీరును కేంద్ర బృందం పరిశీలించి ఇచ్చిన మారుల ఆధారంగా)

ఉన్నత విద్యలోనూ జేజేలు

• జగిత్యాల జేఎన్టీయూకు న్యాక్‌ గుర్తింపుప్రొఫెసర్‌ జయశంకర్‌ తెలంగాణ రాష్ట్ర వ్యవసాయ విశ్వవిద్యాలయానికి ‘ఏ’ గ్రేడ్‌ ప్రకటించిన ఇండియన్‌ కౌన్సిల్‌ ఆఫ్‌ అగ్రికల్చర్‌ రీసెర్చ్‌కు చెందిన నేషనల్‌ అగ్రికల్చరల్‌ ఎడ్యుకేషన్‌ అక్రెడిటేషన్‌ బోర్డు
• వరంగల్‌ నగరంలోని జాతీయ సాంకేతిక విద్యాసంస్థ (నిట్‌)కు ప్రతిష్ఠాత్మక సంస్థగా గుర్తింపు
• రాష్ట్రంలోని 27 డిగ్రీ కాలేజీలకు గ్రీన్‌ చాంపియన్‌ అవార్డులు
• ప్రాథమిక విద్యలో సిరిసిల్లలోని కుసుమ రామయ్య జడ్పీ బాలుర ఉన్నత పాఠశాలకు జాతీయస్థాయి గుర్తింపు

(కరోనా కాలంలో పాఠశాలఉపాధ్యాయులు విద్యార్థులకు ఆన్‌లైన్‌ తరగతులు నిర్వహించారు. బోధన నైపుణ్యం, వికాస తరగతులు, ఆన్‌లైన్‌ ద్వారా పోటీ పరీక్షలు నిర్వహించి విద్యాభివృద్ధికి కృషి చేసినందుకుగాను భారతి ఫౌండేషన్‌ 5 స్టార్‌ రేటింగ్‌ ఇచ్చింది.)

రోడ్లకూ …

కరీంనగర్‌ లోని కేబుల్‌ బ్రిడ్జికి ఔట్‌ స్టాండింగ్‌ కాంక్రీట్‌ స్ట్రక్చర్‌-2021 విభాగంలో జాతీయస్థాయి అవార్డు (ఇండియన్‌ కాంక్రీట్‌ ఇన్‌స్ట్టిట్యూట్‌ హైదరాబాద్‌ సెంటర్‌ ఈ అవార్డును ప్రదానం చేసింది.)

ఎయిర్‌పోర్టుకు…

• హైదరాబాద్‌ అంతర్జాతీయ విమానశ్రయానికి మరోసారి ప్రతిష్ఠాత్మక గుర్తింపు. కరోనా విపత్తును సమర్థంగా ఎదురొని ప్రయాణికులకు కాంటాక్ట్‌ లెస్‌ సేవలందించినందుకు అంతర్జాతీయ విమానాశ్రయాల మండలి (ఏసిఐ) వాయిస్‌ ఆఫ్‌ కస్టమర్‌ అవార్డు ఇచ్చింది.( ఈ గుర్తింపు లభించడం రెండవసారి)
• గత ఏడాదికిగాను హైదరాబాద్‌ అంతర్జాతీయ విమానాశ్రయానికి ప్రతిష్ఠాత్మక ఎయిర్‌పోర్టు కౌన్సిల్‌ ఇంటర్నేషనల్‌(ఏసీఐ), వరల్డ్స్‌ ఎయిర్‌పోర్టు సర్వీస్‌ క్వాలిటీ (ఏఎస్యూ) అవార్డులు.

స్టార్టప్‌లకూ…

హైదరాబాద్‌లోని పలు స్టార్టప్‌ కంపెనీలకు జాతీయ స్టార్టప్‌ అవార్డులు వచ్చాయి.
(ఈ అవార్డులను జాతీయ స్టార్టప్‌ దినోత్సవాన్ని పురసరించుకొని ఆయా రంగాల్లోని స్టార్టప్‌ కంపెనీలకు కేంద్ర వాణిజ్య, పరిశ్రమల శాఖ మంత్రి పీయూష్‌ గోయల్‌ అందించారు. మొత్తం దేశవ్యాప్తంగా 46 సంస్థలకు ఈ అవార్డులను ప్రకటించగా ఇందులో హైదరాబాద్‌ కేంద్రంగా పనిచేస్తున్న సంస్థలు మూడున్నాయి.)

ఉపాధి కల్పనలో అగ్రస్థానం..

దేశంలో కొవిడ్‌ పరిస్థితులు సద్దుమణగడంతో ప్రైవేట్‌ రంగంలో ఉద్యోగ నియామకాల ప్రక్రియ పుంజుకొంటున్నది. గత ఏడాదితో పోలిస్తే ఈ ఏడాది మార్చిలో నియామకాలు 6% పెరిగినట్టు మాన్‌స్టర్‌ ఇండియా ఎంప్లాయ్‌మెంట్‌ ఇండెక్స్‌ (ఎంఈఐ) వెల్లడించింది. 16% వృద్ధిరేటుతో హైదరాబాద్‌ తృతీయ స్థానంలో నిలిచినట్టు పేర్కొన్నది. ఐటీ, సాఫ్ట్‌వేర్‌, హార్డ్‌వేర్‌ రంగాలకు సంబంధించిన ఉద్యోగ నియామకాల్లో హైదరాబాద్‌ అగ్రస్థానంలో నిలిచింది. 39% వృద్ధిరేటుతో తొలి స్థానాన్ని కైవసం చేసుకొన్నది. హైదరాబాద్‌ తోపాటు ఢిల్లీ ఎన్‌సీఆర్‌ కూడా 39% వృద్ధిని నమోదు చేసింది. ఆ తర్వాతి స్థానాల్లో చెన్నై (35 శాతం), బెంగళూరు (31 శాతం), ముంబై (29 శాతం) ఉన్నాయి. నౌకరీ డాట్‌ కామ్‌ సంస్థ విడుదల చేసిన నౌకరీ జాబ్‌ స్పీక్‌ – ఫిబ్రవరి 2022 నివేదిక ప్రకారం హైదరాబాద్‌లో ఉద్యోగ నియామకాలు భారీగా జరుగుతున్నట్టు తేలింది. గతంతో పోల్చితే 43 శాతం పెరిగినట్టు అధ్యయనం సూచిస్తున్నది. గత ఏడాది జనవరిలో 3,908, ఫిబ్రవరిలో 3020గా ఉన్న నియామక సూచీ… ఈ ఏడాది ఫిబ్రవరిలో 4,329కి చేరుకున్నది. దేశవ్యాప్తంగా ఉద్యోగ నియామకాలపై ఆ సంస్థ ప్రతినెలా అధ్యయనం చేస్తున్నది.

రైతుబంధు

ప్రారంభించిన సంవత్సరం: 2018
నిర్దేశిత లక్ష్యం: రైతులకు వానకాలం, యాసంగి పంటల సాగుకు రూ.10 వేల పెట్టుబడి సాయం అందించడం
లబ్ధిదారుల సంఖ్య: 50.25 లక్షల మందితో మొదలై 63 లక్షలకు చేరుకున్నది.
సాధించిన ఫలితం: రైతుల మరణాలు తగ్గుముఖం.

కేసీఆర్‌ కిట్‌

ప్రారంభించిన సంవత్సరం: 2017
నిర్దేశిత లక్ష్యం: ప్రభుత్వ వైద్యశాలల్లో ప్రసవిస్తే మగబిడ్డకు రూ.12 వేలు, ఆడబిడ్డకు 13 వేలు
లబ్ధిదారుల సంఖ్య: 13, 29,951
సాధించిన ఫలితం: సంస్థాగత ప్రసవాల శాతం 91-97 శాతానికి పెరుగుదల ప్రసూతి మరణాలు 92 నుంచి 56 శాతానికి తగ్గింపు, నవజాత శిశు మరణాలు 39 నుంచి
23 శాతానికి తగ్గింపు, పిల్లల వ్యాక్సినేషన్‌ రేటు 68% నుంచి 96 శాతానికి పెరుగుదల