Minister KTR | కొవిడ్‌ టీకా మార్గదర్శకులకు నోబెల్‌.. అభినందనలు తెలిపిన మంత్రి కేటీఆర్

Minister KTR | హైదరాబాద్‌, అక్టోబర్‌ 3 (నమస్తే తెలంగాణ) : ఎంఆర్‌ఎన్‌ఏ వ్యాక్సిన్‌ తయారీలో కీలకంగా వ్యవహరించిన డ్రూ వైస్‌మాన్‌, కటాలిన్‌ కారికోలులకు నోబెల్‌ బహుమతి దక్కడంపై రాష్ట్ర ఐటీ, పరిశ్రమల శాఖ మంత్రి కేటీఆర్‌ హర్షం వ్యక్తం చేశారు. ఈ మేరకు మంగళవారం కేటీఆర్‌ ట్వీట్‌(ఎక్స్‌) చేశారు.

Minister KTR | ఎంఆర్‌ఎన్‌ఏ వ్యాక్సిన్‌ తయారీలో కీలకంగా వ్యవహరించిన డ్రూ వైస్‌మాన్‌, కటాలిన్‌ కారికోలులకు నోబెల్‌ బహుమతి దక్కడంపై రాష్ట్ర ఐటీ, పరిశ్రమల శాఖ మంత్రి కేటీఆర్‌ హర్షం వ్యక్తం చేశారు. ఈ మేరకు మంగళవారం కేటీఆర్‌ ట్వీట్‌(ఎక్స్‌) చేశారు. బయో ఏసియా -2022 సదస్సులో అమెరికాకు చెందిన పెన్సిల్వేనియా యూనివర్సిటీ ప్రొఫెసర్‌ డ్రూ వైస్‌మెన్‌తో వర్చువల్‌గా జరిగిన చర్చను కేటీఆర్‌ గుర్తు చేసుకున్నారు.

మెడికల్‌ సైన్స్‌లో డ్రూ వైస్‌మెన్‌ చేస్తున్న పరిశోధనలను తనతో పంచుకున్నారని మంత్రి కేటీఆర్‌ ట్విట్టర్‌లో పేర్కొన్నారు. అన్ని కరోనా వేరియెంట్లను ఎదుర్కొనేందుకు ఒకటే వ్యాక్సిన్‌ను అభివృద్ధి చేస్తున్నట్టు చెప్పిన విషయాన్ని గుర్తు చేశారు. అప్పుడే.. అతని ప్రతిభను గుర్తించానని, ఆ విషయాన్ని స్వయంగా తెలియజేశానన్నారు. ప్రపంచ వ్యాక్సిన్‌ రాజధానిగా తెలంగాణ ఎదిగిన విషయాన్ని డ్రూ వైస్‌మెన్‌కు వివరించానని తెలిపారు. వరల్డ్‌ వ్యాక్సిన్‌ సెంటర్‌గా భవిష్యత్తులోనూ మరింత సేవలు అందిస్తామనే విశ్వాసాన్ని వ్యక్తం చేశానని పేర్కొన్నారు. మెడికల్‌ సైన్స్‌లో డ్రూ వైస్‌మాన్‌, కటాలిన్‌ కారికోలు భవిష్యత్తులోనూ మరిన్ని సేవలు అందిస్తారనే ఆశాభావాన్ని వ్యక్తం చేశారు.

Celebrating Nobel Laureates in Medicine!

Huge congratulations to Drs. Drew Weissman and Katalin Kariko on being awarded the prestigious Nobel Prize in Physiology or Medicine for their groundbreaking work in mRNA vaccines.

I had the privilege of listening to and interacting with… pic.twitter.com/YdV5yUExzv

— KTR (@KTRBRS) October 3, 2023

2005లో పరిశోధనలు.. ఇప్పుడు గుర్తింపు

హంగేరికి చెందిన కాటలిన్‌, అమెరికా జాతీయుడైన డ్రూ వెయిస్‌మన్‌.. యూనివర్సిటీ ఆఫ్‌ పెన్సిల్వేనియాలో ఎంఆర్‌ఎన్‌ఏ వ్యాక్సిన్లపై పరిశోధనలు చేశారు. 1990ల్లోనే ఈ తరహా వ్యాక్సిన్లను అభివృద్ధి చేయాలనే ఆలోచన పరిశోధకులకు వచ్చింది. అయితే పెన్సిల్వేనియా యూనివర్సిటీలో సహోద్యోగులైన కాటలిన్‌, డ్రూ 2005లో దీన్ని పూర్తిస్థాయిలో అభివృద్ధి చేశారు. అయితే అప్పట్లో వారి కృషిని ఎవరూ గుర్తించలేదు. కానీ కరోనా మహమ్మారితో పోరాటంలో వ్యాక్సిన్ల అభివృద్ధి చేయడంలో వీరి పరిశోధనలు ఎంతగానో ఉపయోగపడ్డాయి. వారి డాటాను ఉపయోగించి ఫైజర్‌, బయోటెక్‌, మోడెర్నా కంపెనీలు కొవిడ్‌ వ్యాక్సిన్లను అభివృద్ధి చేశాయి.

అసలేంటీ ఎంఆర్‌ఎన్‌ఏ ( mRNA )?

బలహీనమైన వైరస్‌ లేదా అచేతనమైన వైరస్‌లను ఉపయోగించి సాధారణ వ్యాక్సిన్లను తయారు చేస్తారు. అయితే ఇవి కొన్ని ఇన్‌ఫెక్షన్లపై సమర్థంగా పని చేయవు. అందుకే ఎంఆర్‌ఎన్‌ఏ వ్యాక్సిన్ల అభివృద్ధిపై కాటలిన్‌, డ్రూ దృష్టి సారించారు. ఎంఆర్‌ఎన్‌ఏ లేదా మెసెంజర్‌ ఆర్‌ఎన్‌ఏ అనేది జన్యు అణువు. కణాల్లో ప్రొటీన్‌ సంశ్లేషణలో ఇది కీలకపాత్ర పోషిస్తుంది. కణాల న్యూక్లియస్‌లోని డీఎన్‌ఏ, రైబోసోమ్‌ల మధ్య ఇవి మధ్యవర్తిగా పని చేస్తాయి. ఈ ఎంఆర్‌ఎన్‌ఏ వ్యాక్సిన్లు జన్యు ప్రొటీన్లను అందిస్తాయి. ఏ ప్రొటీన్‌ శరీరానికి అవసరమో కణాలకు చెబుతాయి. మన రోగ నిరోధక వ్యవస్థతో ఇంటరాక్ట్‌ అయి వైరస్‌ను సమర్థంగా ఎదుర్కొనేలా చేస్తాయి. ఇవి వైరల్‌ ఇన్‌ఫెక్షన్లకు వ్యతిరేకంగా పని చేయడంలో కీలకంగా వ్యవహరిస్తాయి.