Mulugu | ఇందిరమ్మ ఇల్లు రాలేదని పురుగుల మందు తాగిన వ్యక్తి.. హాస్పిటల్‌కు తరలింపు

కాంగ్రెస్‌ ప్రభుత్వం ప్రజల ప్రాణాలతో చెలగాటమాడుతున్నది. ప్రభుత్వ పథకాలు దేవుడెరుగు ఆరు గ్యారంటీల పేరుతో జనం ఉసురు పోసుకుంటున్నారు. అనర్హులకు పథకాలు కేటాయించడంతో నిజమైన లబ్ధిదారులు ఆత్మహత్యాయత్నాలకు పాల్పడుతున్నారు.

ములుగు : రాష్ట్రంలో కొనసాగుతున్న గ్రామ సభలు(Grama sabha) ప్రజలు ప్రాణాలను తీస్తున్నది. నాలుగు ప్రభుత్వ పథకాల కోసం లబ్ధిదారులను ఎంపిక చేసేందుకు గ్రామ సభలు నిర్వహిస్తున్నారు. అయితే కాంగ్రెస్‌ నాయకుల దౌర్జన్యం, అధికారుల నిర్లక్ష్యం, లంచాలు తీసుకొని పేర్లు నమోదు చేసుకుండటంతో అసలైన అర్హులు ఆత్మహత్యాయత్నాలకు పాల్పడుతున్నారు.  తాజాగా ములుగు జిల్లా కన్నాయిగూడెం మండలం బుట్టాయిగూడెంలో జరిగిన గ్రామసభలో ఇందిరమ్మ ఇల్లు రాలేదని మనస్తాపంతో కొత్తూరు గ్రామానికి చెందిన కుమ్మరి నాగేశ్వర్ రావు అనే రైతు గ్రామ సభ వద్ద పురుగుల మందు తాగాడు(Man drinks pesticide).

అందరు కాంగ్రెస్ వాళ్లకే ప్రభుత్వ పథకాలు వచ్చాయని అధికారులను నిలదీశాడు. అనంతరం పురుగుల ముందు తాగాడు. నాగేశ్వరరావును అధికారులు ఎటూరు నాగారానికి తరలించారు. ప్రాథమిక చికిత్స నిర్వహించిన అనంతరం మెరుగైన వైద్యం కోసం ములుగు జిల్లా కేంద్రంలోని వైద్యశాలకు తరలించారు. ప్రజలను ఆదోకోవాల్సిన ప్రభుత్వ పథకాలు వారి ప్రాణాలను తీస్తుండటంతో కాంగ్రెస్ ప్రభుత్వంపై జనం ఆగ్రహం వ్యక్తం చేస్తున్నారు.

ఇవి కూడా చ‌ద‌వండి..

Harish Rao | కొడుకు ఇంటి ప‌న్ను క‌ట్ట‌లేద‌ని.. త‌ల్లికి వృద్ధాప్య పెన్ష‌న్ క‌ట్.. కాంగ్రెస్ స‌ర్కార్‌పై హ‌రీశ్‌రావు ఫైర్

Congress | పఠాన్‌చెరు కాంగ్రెస్‌లో భగ్గుమన్న వర్గపోరు.. ఎమ్మెల్యే మహిపాల్ రెడ్డి కార్యాలయంలో కుర్చీలు ధ్వంసం : వీడియో

Danam Nagender | చిత్తశుద్ది ఉంటే ఫుట్‌పాత్‌లపై ఆక్రమణల కూల్చివేతను.. పాతబస్తీ నుంచి ప్రారంభించండి: ఎమ్మెల్యే దానం