Kidnap | మామడ మాజీ ఎంపీపీ కిడ్నాప్‌.. తూప్రాన్‌ టోల్‌గేట్‌ వద్ద తప్పించుకున్న హరీశ్‌

నిర్మల్‌ జిల్లాలో మాజీ ఎంపీపీ కిడ్నాప్‌ కలకలం రేపింది. మామడ మండల మాజీ ఎంపీపీ, జిల్లా కేంద్ర సహకార బ్యాంకు డైరెక్టర్, బీఆర్ఎస్ నాయకుడు చిక్యాల హరీశ్‌ కుమార్‌ను దుండగులు కిడ్నాప్‌ చేశారు.

నిర్మల్: నిర్మల్‌ జిల్లాలో మాజీ ఎంపీపీ కిడ్నాప్‌ కలకలం రేపింది. మామడ మండల మాజీ ఎంపీపీ, జిల్లా కేంద్ర సహకార బ్యాంకు డైరెక్టర్, బీఆర్ఎస్ నాయకుడు చిక్యాల హరీశ్‌ కుమార్‌ను దుండగులు కిడ్నాప్‌ చేశారు. శనివారం అర్ధరాత్రి 2 గంటల సమయంలో పొన్కల్‌లోని హరీశ్‌ నివాసానికి కారులో వచ్చిన గుర్తుతెలియని వక్తులు.. అతడిని బలవంతంగా తీసుకెళ్లారు. ఈ క్రమంలో మెదక్‌ జిల్లా తూప్రాన్‌ టోల్‌గేట్‌ వద్ద చాకచక్యంగా తప్పించుకున్న హరీశ్‌ పోలీసులను ఆశ్రయించారు. కిడ్నాప్‌పై మామడ పోలీసులకు తూప్రాన్‌ పోలీసులు సమాచారం అందించారు. ఆయనను నిర్మల్‌కు తీసుకు వచ్చిన తర్వాత వివరాలు వెల్లడించనున్నారు.