Mynampally Hanumantha Rao | తాను చెడి కాంగ్రెస్నూ చెరిపి.. వరుస షాక్లతో మైనంపల్లి ఉక్కిరిబిక్కిరి
బీఆర్ఎస్ను వీడి కుమారుడు రోహిత్తో కలిసి కాంగ్రెస్లో చేరిన మైనంపల్లి హన్మంతరావుకు షాకులు మీద షాకులు తగులుతున్నాయి. ఆయన రాకను వ్యతిరేకిస్తూ పార్టీని వీడుతున్న నేతల సంఖ్య రోజురోజుకు పెరుగుతున్నది.
- మొన్న మెదక్, నిన్న మల్కాజిగిరి అధ్యక్షుడు గుడ్ బై
- రెంటికీ చెడ్డ రేవడిలా పరిస్థితి
Mynampally Hanumantha Rao | హైదరాబాద్, అక్టోబర్ 2(నమస్తే తెలంగాణ): బీఆర్ఎస్ను వీడి కుమారుడు రోహిత్తో కలిసి కాంగ్రెస్లో చేరిన మైనంపల్లి హన్మంతరావుకు షాకులు మీద షాకులు తగులుతున్నాయి. ఆయన రాకను వ్యతిరేకిస్తూ పార్టీని వీడుతున్న నేతల సంఖ్య రోజురోజుకు పెరుగుతున్నది. రెండు రోజుల వ్యవధిలోనే ఇద్దరు కీలక నేతలు పార్టీకి గుడ్బై చెప్పడంతో ఏం జరుగుతున్నదో అర్థంకాక మైనంపల్లి తల పట్టుకున్నారు. మెదక్ జిల్లా డీసీసీ అధ్యక్షుడు కంఠారెడ్డి తిరుపతిరెడ్డి ఆదివారం కాంగ్రెస్ను వీడగా.. సోమవారం మల్కాజిగిరి డీసీసీ చీఫ్ నందికంటి శ్రీధర్ పార్టీకి బైబై చెప్పేశారు. మరోవైపు, మెదక్ జిల్లా కాంగ్రెస్ పార్టీ సేవాదళ్ అధ్యక్షుడు జే వెంకట్రెడ్డి కూడా పార్టీకి గుడ్బై చెప్పారు. ఈ పరిణామాన్ని ఊహించని పార్టీతోపాటు మైనంపల్లి కూడా నివ్వెరపోతున్నారు. మైనంపల్లి చేరికను తిరుపతిరెడ్డి, శ్రీధర్ ఇద్దరూ వ్యతిరేకిస్తూ వచ్చారు. అయినా అధిష్ఠానం గుడ్డిగా ముందుకెళ్లడంతో వారిద్దరూ రాజీనామా చేశారు. వీరిని బుజ్జగించేందుకు చేసే ప్రయత్నాలు ఫలించలేదు. భట్టి విక్రమార్క, మధుయాష్కీగౌడ్ శ్రీధర్ ఇంటికి వెళ్లి బుజ్జగించే ప్రయత్నం చేసినా ఫలితం దక్కలే దు. ఇప్పుడు మరికొందరు నేతలు కూడా పార్టీ ని వీడేందుకు సిద్ధమవుతున్నట్టు తెలిసింది.
లెక్కలు తారుమారు
మైనంపల్లి చేరికతో నిన్నమొన్నటి వరకు ఉత్సాహంగా ఉన్న కాంగ్రెస్ ఇప్పుడు నీరుగారిపోయింది. ఆయన చేరికతో కాంగ్రెస్ బలపడుతుందనుకుంటే బలహీనపడుతుండడం పార్టీకి మింగుడుపడడం లేదు. ఇద్దరు కీలక నేతలు పార్టీని వీడడం, మరికొందరు అదే బాటలో ఉన్నట్టు తెలియడంతో పార్టీలో ఆందోళన వ్యక్తమవుతున్నది. కాంగ్రెస్లో చేరిన మైనంపల్లి తనకు తానుగా దెబ్బతినడంతోపాటు ఇప్పుడు పార్టీని కూడా దెబ్బతీశారన్న అభిప్రాయం నెలకొంది. ఇటు మల్కాజిగిరి, అటు మెదక్లో పార్టీకి ఉన్న బలం పోతుందని ఆందోళన వ్యక్తం చేస్తున్నట్లు తెలిసింది. పార్టీకి ఆయన గుదిబండలా మారే అవకాశం ఉందన్న అభిప్రాయాన్ని కూడా కొందరు నేతలు బాహాటంగానే వ్యక్తం చేస్తున్నారు.
తోడురాని క్యాడర్
పంతంతో బీఆర్ఎస్ను వీడిన మైనంపల్లికి కాంగ్రెస్లో చేరడంతోనే సంతోషం ఆవిరైంది. తాను పార్టీలో అడుగు పెట్టగానే ఇద్దరు డీసీసీ అధ్యక్షులు పార్టీ వీడటంపై మనస్తాపం చెందిన ట్టు తెలిసింది. ఈ ఊహించని పరిణామాలు త మ పోటీపై ప్రభావం చూపే అవకాశం ఉందని ఆందోళన చెందుతున్నారు. బీఆర్ఎస్ క్యాడర్ తనతో కలిసి రాకపోవడం, కాంగ్రెస్ క్యాడర్ నడిచేందుకు సిద్ధంగా లేకపోవడంతో ఆయన పరిస్థితి రెంటికీ చెడ్డ రేవడిలా తయారైంది. కాం గ్రెస్ అధికారంలోకి వచ్చేది లేదని, అలాంటప్పుడు ఆయనతో కలిసి వెళ్లడం వల్ల దండగన్న చర్చ క్యాడర్లో జరుగుతున్నది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
NHRC | తెలంగాణలో ప్రభుత్వ దవాఖానల దుస్థితిపై జాతీయ మానవ హక్కుల కమిషన్ సీరియస్
Vishwambhara | ఎట్టకేలకు ఊపందుకున్న మెగాస్టార్ ‘విశ్వంభర’.. ట్రైలర్ రెడీ, రిలీజ్ డేట్ ఎప్పుడో?
లిఫ్ట్ అడిగి ఫోన్ దొంగలించేందుకు యత్నం.. యువకుడి గొంతు కోసిన దుండగుడు
జల దోపిడీని అరికట్టడంలో రాష్ట్ర ప్రభుత్వం నిర్లక్ష్యం : ఎమ్మెల్సీ నెల్లికంటి సత్యం
Keerthy Suresh | అది నాన్న-కూతురు బంధం.. మిస్కిన్ వివాదంపై స్పందించిన కీర్తి సురేష్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

