ఏపీ లిక్కర్‌ స్కాంలో 11 కోట్లు పట్టివేత

ఏపీ మద్యం పాలసీ కేసులో కీలక పరిణామం చోటుచేసుకుంది. బుధవారం రంగారెడ్డి జిల్లా శంషాబాద్‌ మండలం కాచారంలోని సులోచన ఫార్మ్‌ గెస్ట్‌హౌస్‌లో అక్రమ మద్యంతోపాటు, రూ.11 కోట్ల నగదు డంప్‌ను సిట్‌ అధికారులు గుర్తించారు.

• శంషాబాద్‌ మండలం కాచారంలోని ఓ ఫార్మ్‌ గెస్ట్‌ హౌస్‌లో డంప్‌ స్వాధీనం
• 2024 జూలైలోనే ఇక్కడ నిల్వ

హైదరాబాద్‌, జూలై 30 (నమస్తే తెలంగాణ) : ఏపీ మద్యం పాలసీ కేసులో కీలక పరిణామం చోటుచేసుకుంది. బుధవారం రంగారెడ్డి జిల్లా శంషాబాద్‌ మండలం కాచారంలోని సులోచన ఫార్మ్‌ గెస్ట్‌హౌస్‌లో అక్రమ మద్యంతోపాటు, రూ.11 కోట్ల నగదు డంప్‌ను సిట్‌ అధికారులు గుర్తించారు. ఈ కేసులో ఏ-40గా ఉన్న వరుణ్‌ పురుషోత్తం ఇచ్చిన సమాచారం మేరకు అధికారులు సోదాలు చేపట్టారు. వరుణ్‌, చాణక్య 12 పెట్టెలలో రూ.11 కోట్లు దాచినట్టు అంగీకరించడంతో దాడులు చేసి నగదును స్వాధీనం చేసుకున్నారు. 2024 జూన్‌లో ఈ మొత్తాన్ని దాచినట్టు అధికారులు వెల్లడించారు.

నాకు సంబంధం లేదు : రాజ్‌ కెసిరెడ్డి

అధికారులకు పట్టుబడిన రూ.11 కోట్లతో తనకు ఎలాంటి సంబంధం లేదని ఈ కేసులో ఏ1గా ఉన్న రాజ్‌ కెసిరెడ్డి కోర్టులో అఫిడవిట్‌ దాఖలు చేశారు. ఫాంహౌస్‌ యజమాని విజయేందర్‌రెడ్డికి పలు వ్యాపారాలు ఉన్నాయని చెప్పారు. ఇంజినీరింగ్‌ కాలేజీ, హాస్పిటల్స్‌ ఉన్నాయని, రూ.వందల కోట్ల టర్నోవర్‌ ఉందని తన అఫిడవిట్‌లో పేర్కొన్నారు.