అద్భుతంగా గుడి, మసీదు, చర్చి

సచివాలయంలో 25న సీఎం కేసీఆర్‌ ప్రారంభించనున్న గుడి, మసీదు, చర్చి ఏర్పాట్లను శనివారం రోడ్లు, భవనాల శాఖ మంత్రి వేముల ప్రశాంత్‌రెడ్డి పరిశీలించారు.

• సచివాలయంలో 25వ తేదీన ప్రారంభించనున్న ముఖ్యమంత్రి కేసీఆర్‌
• రోడ్లు, భవనాల శాఖ మంత్రి వేముల వెల్లడిహైదరాబాద్‌, ఆగస్టు 19 (నమస్తే తెలంగాణ): సచివాలయంలో 25న సీఎం కేసీఆర్‌ ప్రారంభించనున్న గుడి, మసీదు, చర్చి ఏర్పాట్లను శనివారం రోడ్లు, భవనాల శాఖ మంత్రి వేముల ప్రశాంత్‌రెడ్డి పరిశీలించారు. ఈ సందర్భంగా ఆయన మాట్లాడుతూ సచివాలయంలో గతంలో ఉన్న నిర్మాణాలకంటే గుడి, మసీదు, చర్చి నిర్మాణాలు మరింత అద్భుతంగా జరిగినట్టు తెలిపారు. 2236 చదరపు గజాల విస్తీర్ణంలో గుడిని నిర్మించినట్టు చెప్పారు. పనులన్నీ పూర్తయ్యాయని, సర్వమత సౌభ్రాతృత్వం పరిఢవిల్లేలా ఈ ప్రార్థనా మందిరాలు నిర్మించినట్టు పేర్కొన్నారు. శివాలయం, పోచమ్మ, హనుమాన్‌, గణపతి ఆలయాలు ఇందులో ఉన్నట్టు పేర్కొన్నారు. దేవతామూర్తుల విగ్రహాలను తిరుపతిలో తయారు చేయించి తెచ్చినట్టు చెప్పారు. యాగంతో ఆలయాలను అలాగే, మసీదు, చర్చి ఆయా మతపెద్దల సమక్షంలో ప్రారంభించనున్నట్టు మంత్రి వివరించారు.